ਕੈਨੇਡਾ ਚ, ਅਣਅਧਿਕਾਰਤ ਵਿਦੇਸ਼ੀ ਕਾਮਿਆਂ ਨੂੰ ਨੌਕਰੀ ‘ਤੇ ਰੱਖਣ ਵਾਲੇ ਮਾਲਕਾਂ ਨੂੰ ਕਰਨਾ ਪੈ ਸਕਦਾ ਗੰਭੀਰ ਜੁਰਮਾਨੇ ਦਾ ਸਾਹਮਣਾ

ਕੈਨੇਡਾ ਦਾ ਇਮੀਗ੍ਰੇਸ਼ਨ ਸੁਰੱਖਿਆ ਕਾਨੂੰਨ (124.1.C) ਤਹਿਤ ਹਰ ਉਹ ਵਿਅਕਤੀ ਅਪਰਾਧ ਕਰਦਾ ਹੈ ਜੋ ਕੈਨੇਡਾ ਵਿੱਚ ਕਿਸੇ ਵਿਦੇਸ਼ੀ ਨਾਗਰਿਕ ਨੂੰ ਅਜਿਹੀ ਸਮਰੱਥਾ ਵਿੱਚ ਨੌਕਰੀ ਦਿੰਦਾ ਹੈ ਜਿਸ ਵਿੱਚ ਵਿਦੇਸ਼ੀ ਨਾਗਰਿਕ ਇਸ ਐਕਟ ਦੇ ਤਹਿਤ ਨੌਕਰੀ ‘ਤੇ ਰੱਖਣ ਲਈ ਅਧਿਕਾਰਤ ਨਹੀਂ ਹੈ।  ਬਰੈਂਪਟਨ ਵਿੱਚ ਸਥਿਤ ਇੱਕ ਮਿੱਲਣੀ ਵਿੱਚ ਨਾਮਵਰ ਪੱਤਰਕਾਰ ਸਤਪਾਲ ਸਿੰਘ ਜੌਹਲ ਨੇ ਦੱਸਿਆ ਕਿ ਓਨਟਾਰੀਓ ਵਿੱਚ, ਅਣਅਧਿਕਾਰਤ ( ਗੈਰ ਕਾਨੂੰਨੀ)ਵਿਦੇਸ਼ੀ ਕਾਮਿਆਂ ਨੂੰ ਨੌਕਰੀ ‘ਤੇ ਰੱਖਣ ਵਾਲੇ ਮਾਲਕਾਂ ਨੂੰ ਗੰਭੀਰ ਜੁਰਮਾਨੇ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਜਿਸ ਵਿੱਚ ਪ੍ਰਤੀ ਉਲੰਘਣਾ $25000 ਤੋਂ $400000/ਪ੍ਰਤੀ ਉਲੰਘਣਾ ਤੱਕ ਦੇ ਜੁਰਮਾਨੇ ਹੋ ਸਕਦੇ ਹਨ, ਜੁਰਮਾਨੇ ਜੋ ਕਿ ਉਲੰਘਣਾ ਦੀ ਗੰਭੀਰਤਾ ਅਤੇ ਗਿਣਤੀ ਦੇ ਅਧਾਰ ਤੇ ਹੁੰਦਾ ਹਨ।ਪੱਤਰਕਾਰ ਸਤਪਾਲ ਸਿੰਘ ਜੌਹਲ ਨੇ ਦੱਸਿਆ ਕਿ ਬਿਨਾ ਵਰਕ ਪਰਮਿਟ ਤੋਂ ਕੰਮ ਕਰਨ ਅਤੇ ਕੰਮ ਤੇ ਰੱਖਣ ਬਾਰੇ ਕੈਨੇਡਾ ਦੇ ਕਾਨੂੰਨ ਸਖਤ ਤੇ ਸਪੱਸ਼ਟ ਹਨ ਜਿਸ ਬਾਰੇ ਲੋਕਾਂ ਜਾਗਰੂਕ ਕਰਨਾ ਸਮੇਂ ਦੀ ਲੋੜ ਹੈ। ਯਾਦ ਰਹੇ ਸ. ਜੌਹਲ ਨੇ 2016 ਤੋਂ 2024 ਤੱਕ ਐਲ.ਐਮ.ਆਈ ਨਾਲ ਜੁੜੇ ਅਪਰਾਧਾਂ ਵਿਰੁੱਧ ਲਗਾਤਾਰ ਜਦੋਜਹਿਦ ਕੀਤੀ ਤਾਂ ਸਰਕਾਰੀ ਢਿੱਲਾ ਸਿਸਟਮ ਸੋਧਿਆ ਗਿਆ।