ਕਾਰੋਬਾਰੀਆਂ ਨੇ ਕੱਪੜਾ ਚੋਰੀ ਦੇ ਸ਼ੱਕ ਚ ਖੰਭੇ ਨਾਲ ਬੰਨ੍ਹ ਸਰੀਏ ਨਾਲ ਕੁੱਟ ਕੁੱਟ ਮਾਰਤਾ ਮੁਲਾਜ਼ਮ

ਸ਼ਾਹਜਹਾਂਪੁਰ ‘ਚ ਇਕ ਟਰਾਂਸਪੋਰਟ ਕੰਪਨੀ ਦੇ ਮੈਨੇਜਰ ਸ਼ਿਵਮ ਜੌਹਰੀ (32) ਨੂੰ ਖੰਭੇ ਨਾਲ ਬੰਨ੍ਹ ਕੇ ਕੁੱਟ-ਕੁੱਟ ਕੇ ਮਾਰ ਦਿੱਤਾ ਗਿਆ। ਕਾਰੋਬਾਰੀਆਂ ‘ਤੇ ਕੱਪੜਾ ਚੋਰੀ ਦੇ ਸ਼ੱਕ ‘ਚ ਇਸ ਘਟਨਾ ਨੂੰ ਅੰਜਾਮ ਦੇਣ ਦਾ ਦੋਸ਼ ਹੈ। ਇਹ ਪੂਰੀ ਘਟਨਾ ਮੰਗਲਵਾਰ ਦੀ ਹੈ। ਬੁੱਧਵਾਰ ਨੂੰ ਇਸ ਘਟਨਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵਿੱਚ ਸ਼ਿਵਮ ਨੂੰ ਬੇਰਹਿਮੀ ਨਾਲ ਡੰਡੇ ਨਾਲ ਕੁੱਟਿਆ ਜਾ ਰਿਹਾ ਹੈ। ਸ਼ਿਵਮ ਹੀ ਨਹੀਂ ਕੰਪਨੀ ਦੇ 4 ਹੋਰ ਕਰਮਚਾਰੀਆਂ ਦੀ ਵੀ ਕੁੱਟਮਾਰ ਕੀਤੀ ਗਈ।

ਸਵੀਮਿੰਗ ਪੂਲ ਵਿੱਚ ਸੁੱਟ ਕੇ ਬਿਜਲੀ ਦਾ ਕਰੰਟ ਲਾਇਆ ਗਿਆ। ਹਾਲਾਂਕਿ ਬਾਕੀ 4 ਕਰਮਚਾਰੀਆਂ ਨੂੰ ਰਿਹਾਅ ਕਰਦੇ ਹੋਏ ਸ਼ਿਵਮ ਨੂੰ ਬੰਧਕ ਬਣਾ ਕੇ ਰੱਖਿਆ ਗਿਆ।ਸ਼ਿਵਮ ਦੇ ਪਿਤਾ ਅਧੀਰ ਜੌਹਰੀ ਨੇ ਥਾਣਾ ਸਦਰ ਬਾਜ਼ਾਰ ਵਿਖੇ ਵਪਾਰੀ ਨੇਤਾ ਅਤੇ ਕਨ੍ਹਈਆ ਹੌਜ਼ਰੀ ਦੇ ਮਾਲਕ ਨੀਰਜ ਗੁਪਤਾ ਅਤੇ ਸੂਰੀ ਟਰਾਂਸਪੋਰਟ ਕੰਪਨੀ ਦੇ ਮਾਲਕ ਬੰਕਿਮ ਸੂਰੀ ਸਮੇਤ 7 ਲੋਕਾਂ ਦੇ ਖਿਲਾਫ ਕਤਲ ਦਾ ਮਾਮਲਾ ਰਿਪੋਰਟ ਦਰਜ ਕਰਵਾਈ ਗਈ ਹੈ। ਪਿਤਾ ਦਾ ਦੋਸ਼ ਹੈ ਕਿ ਇਨ੍ਹਾਂ ਹੀ ਲੋਕਾਂ ਨੇ ਸ਼ਿਵਮ ‘ਤੇ ਕੱਪੜੇ ਚੋਰੀ ਕਰਨ ਦਾ ਦੋਸ਼ ਲਗਾਇਆ ਸੀ। ਉਸ ਨੂੰ ਕਾਗਜ਼ਾਂ ‘ਤੇ ਚੋਰੀ ਦਾ ਇਕਬਾਲ ਕਰਨ ਲਈ ਮਜਬੂਰ ਕੀਤਾ ਗਿਆ। ਇਨਕਾਰ ਕਰਨ ‘ਤੇ ਉਸ ਦੀ ਕੁੱਟਮਾਰ ਕੀਤੀ ਗਈ। ਇਸ ਮਾਮਲੇ ‘ਚ ਪੁਲਿਸ ਨੇ ਕੁਝ ਦੋਸ਼ੀਆਂ ਨੂੰ ਹਿਰਾਸਤ ‘ਚ ਲਿਆ ਹੈ।