ਨਵੀਂ ਦਿੱਲੀ : ਭਾਰਤੀ ਚੌਲ ਨਿਰਯਾਤ ਸੰਘ (IREF) ਨੇ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਈਰਾਨ ਸੰਕਟ ਅਤੇ ਪ੍ਰਮੁੱਖ ਸਮੁੰਦਰੀ ਮਾਰਗਾਂ ਵਿੱਚ ਅਸਥਿਰਤਾ ਕਾਰਨ ਪੈਦਾ ਹੋਏ ਵਿਘਨ ਨੂੰ ਰੋਕਣ ਲਈ ਤੁਰੰਤ ਸਹਾਇਤਾ ਦਿੱਤੀ ਜਾਵੇ। ਨਿਰਯਾਤਕਾਂ ਦੀ ਸੰਸਥਾ ਨੇ ਖੇਤੀਬਾੜੀ ਅਤੇ ਪ੍ਰਸੰਸਕ੍ਰਿਤ ਖੁਰਾਕ ਉਤਪਾਦ ਨਿਰਯਾਤ ਵਿਕਾਸ ਅਥਾਰਟੀ (APEDA) ਨੂੰ ਦਿੱਤੇ ਆਪਣੇ ਮੈਮੋਰੰਡਮ ਵਿੱਚ ਕਿਹਾ ਹੈ ਕਿ ਇਸ ਵੇਲੇ ਨਿਰਯਾਤਕ ਕੰਟੇਨਰਾਂ ਦੀ ਭਾਰੀ ਕਮੀ, ਪੱਛਮੀ ਏਸ਼ੀਆ ਲਈ ਜਹਾਜ਼ਾਂ ਦੇ ਰੱਦ ਹੋਣ ਅਤੇ ਲੌਜਿਸਟਿਕ ਲਾਗਤ ਵਿੱਚ ਭਾਰੀ ਵਾਧੇ ਦਾ ਸਾਹਮਣਾ ਕਰ ਰਹੇ ਹਨ।
ਬਾਲਣ: ਸਮੁੰਦਰੀ ਬਾਲਣ (ਬੰਕਰ ਫਿਊਲ) ਦੀਆਂ ਕੀਮਤਾਂ 520 ਡਾਲਰ ਪ੍ਰਤੀ ਟਨ ਤੋਂ ਵਧ ਕੇ 580 ਡਾਲਰ ਪ੍ਰਤੀ ਟਨ ਦੇ ਕਰੀਬ ਪਹੁੰਚ ਗਈਆਂ ਹਨ
ਇਨ੍ਹਾਂ ਰੁਕਾਵਟਾਂ ਦਾ ਅਸਰ ਘਰੇਲੂ ਬਾਜ਼ਾਰ ‘ਤੇ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਪਿਛਲੇ 72 ਘੰਟਿਆਂ ਵਿੱਚ ਬਾਸਮਤੀ ਚੌਲਾਂ ਦੀਆਂ ਕੀਮਤਾਂ ਵਿੱਚ ਲਗਪਗ 7-10% ਦੀ ਗਿਰਾਵਟ ਆਈ ਹੈ, ਜਿਸ ਕਾਰਨ ਨਿਰਯਾਤਕਾਂ ‘ਤੇ ਵਰਕਿੰਗ ਕੈਪੀਟਲ (ਕਾਰਜਸ਼ੀਲ ਪੂੰਜੀ) ਦਾ ਦਬਾਅ ਵਧ ਗਿਆ ਹੈ।
IREF ਦੇ ਉਪ-ਪ੍ਰਧਾਨ ਦੇਵ ਗਰਗ ਨੇ ਕਿਹਾ, “ਸਾਡੇ ਨਿਰਯਾਤਕ ਮਾਲ ਢੁਆਈ, ਬਾਲਣ ਅਤੇ ਬੀਮਾ ਲਾਗਤ ਵਿੱਚ ਅਚਾਨਕ ਆਏ ਝਟਕਿਆਂ ਨੂੰ ਬਰਦਾਸ਼ਤ ਨਹੀਂ ਕਰ ਸਕਦੇ, ਜਦੋਂ ਕਿ ਨਿਰਯਾਤ ਵਿੱਚ ਪਹਿਲਾਂ ਹੀ ਦੇਰੀ ਹੋ ਰਹੀ ਹੈ।” ਉਨ੍ਹਾਂ ਨੇ ਨਿਰਯਾਤ ਸਮਝੌਤਿਆਂ, ਨਕਦੀ ਦੇ ਪ੍ਰਵਾਹ ਅਤੇ ਭਾਰਤ ਦੀਆਂ ਨਿਰਯਾਤ ਵਚਨਬੱਧਤਾਵਾਂ ਦੀ ਰੱਖਿਆ ਲਈ ਸਮੇਂ ਸਿਰ ਰਾਹਤ ਉਪਾਵਾਂ ਅਤੇ ਸਪੱਸ਼ਟ ਦਿਸ਼ਾ-ਨਿਰਦੇਸ਼ਾਂ ਦੀ ਮੰਗ ਕੀਤੀ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
