ਇੰਡੀਆਨਾ ਮਾਲ ‘ਚ ਚੱਲੀਆਂ ਗੋਲੀਆਂ, 4 ਦੀ ਮੌਤ ਦੋ ਜ਼ਖ਼ਮੀ

ਅਮਰੀਕਾ : ਇੰਡੀਆਨਾ ਮਾਲ ਵਿਚ ਐਤਵਾਰ ਸ਼ਾਮ ਨੂੰ ‘ਫੂਡ ਕੋਰਟ’ ਵਿਚ ਇਕ ਵਿਅਕਤੀ ਨੇ ਰਾਈਫਲ ਨਾਲ ਗੋਲੀਬਾਰੀ ਕੀਤੀ, ਜਿਸ ਵਿਚ 4 ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਹੋਰ ਜ਼ਖ਼ਮੀ ਹੋ ਗਏ। ਪੁਲਿਸ ਨੇ ਇਹ ਜਾਣਕਾਰੀ ਦਿੱਤੀ। ਗ੍ਰੀਨਵੁੱਡ ਪੁਲਿਸ ਵਿਭਾਗ ਦੇ ਮੁਖੀ ਜਿਮ ਇਸਨ ਨੇ ਕਿਹਾ ਕਿ ਇਕ ਵਿਅਕਤੀ ਰਾਈਫਲ ਨਾਲ ਗ੍ਰੀਨਵੁੱਡ ਪਾਰਕ ਮਾਲ ਵਿਚ ਦਾਖ਼ਲ ਹੋਇਆ ਅਤੇ ਉਸ ਨੇ ਫੂਡ ਕੋਰਟ ਵਿਚ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਇਸਨ ਨੇ ਪ੍ਰੈਸ ਕਾਨਫਰੰਸ ‘ਚ ਕਿਹਾ ਕਿ ਇਕ ਹਥਿਆਰਬੰਦ ਨਾਗਰਿਕ ਨੇ ਸ਼ੱਕੀ ਨੂੰ ਮਾਰ ਦਿੱਤਾ। ਉਨ੍ਹਾਂ ਦੱਸਿਆ ਕਿ ਕੁੱਲ 4 ਲੋਕਾਂ ਦੀ ਮੌਤ ਹੋ ਗਈ ਅਤੇ 2 ਜ਼ਖ਼ਮੀ ਹੋ ਗਏ।

ਟੁੱਟਿਆ Akali Dal, ਹੋਈ ਵੱਡੀ ਬਗਾਵਤ, Bains ਨੂੰ ਭੇਜਿਆ ਜੇਲ੍ਹ, Bishnoi ‘ਤੇ ਕਾਰਵਾਈ | D5 Channel Punjabi

ਗੋਲੀਬਾਰੀ ਦੀ ਸੂਚਨਾ ਮਿਲਣ ‘ਤੇ ਅਧਿਕਾਰੀ ਸ਼ਾਮ ਕਰੀਬ 6 ਵਜੇ ਮਾਲ ਪੁੱਜੇ। ਅਧਿਕਾਰੀ ਮਾਲ ‘ਚ ਹੋਰ ਪੀੜਤਾਂ ਦੀ ਭਾਲ ਕਰ ਰਹੇ ਹਨ, ਹਾਲਾਂਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਗੋਲੀਬਾਰੀ ‘ਫੂਡ ਕੋਰਟ’ ਤੱਕ ਹੀ ਸੀਮਤ ਰਹੀ। ਇਸਨ ਨੇ ਕਿਹਾ ਕਿ ਪੁਲਿਸ ਨੇ ਫੂਡ ਕੋਰਟ ਨੇੜੇ ਟਾਇਲਟ ਵਿਚੋਂ ਇਕ ਸ਼ੱਕੀ ਬੈਗ ਬਰਾਮਦ ਕੀਤਾ ਹੈ। ਇੰਡੀਆਨਾਪੋਲਿਸ, ਮੈਟਰੋਪੋਲੀਟਨ ਪੁਲਿਸ ਅਤੇ ਕਈ ਹੋਰ ਏਜੰਸੀਆਂ ਜਾਂਚ ਵਿਚ ਮਦਦ ਕਰ ਰਹੀਆਂ ਹਨ। ਇੰਡੀਆਨਾਪੋਲਿਸ ਦੇ ਸਹਾਇਕ ਪੁਲਿਸ ਮੁਖੀ ਕ੍ਰਿਸ ਬੇਲੀ ਨੇ ਕਿਹਾ, ‘ਅਸੀਂ ਦੇਸ਼ ਵਿਚ ਇਸ ਤਰ੍ਹਾਂ ਦੀ ਇਕ ਹੋਰ ਘਟਨਾ ਤੋਂ ਦੁਖੀ ਹਾਂ।’ ਗ੍ਰੀਨਵੁੱਡ ਦੀ ਆਬਾਦੀ ਲਗਭਗ 60,000 ਹੈ ਅਤੇ ਇਹ ਇੰਡੀਆਨਾਪੋਲਿਸ ਦਾ ਇਕ ਦੱਖਣੀ ਉਪਨਗਰ ਹੈ।