ਇਜ਼ਰਾਈਲ ਦੇ ਗਾਜ਼ਾ ‘ਤੇ ਹਵਾਈ ਹਮਲੇ, ਸੁਰੰਗਾਂ ਤੇ ਦੋ ਹਥਿਆਰ ਫੈਕਟਰੀਆਂ ਤਬਾਹ
ਇਜ਼ਰਾਈਲ ਨੇ ਸ਼ੁੱਕਰਵਾਰ ਤੜਕੇ ਗਾਜ਼ਾਪੱਟੀ ‘ਤੇ ਹਵਾਈ ਹਮਲਾ ਕੀਤਾ। ਇਜ਼ਰਾਈਲ ਦੀ ਰੱਖਿਆ ਬਲ ਨੇ ਹਵਾਈ ਹਮਲੇ ਵਿੱਚ ਦੋ ਸੁਰੰਗਾਂ ਅਤੇ ਦੋ ਹਥਿਆਰਾਂ ਦੀਆਂ ਫੈਕਟਰੀਆਂ ਨੂੰ ਤਬਾਹ ਕਰਨ ਦਾ ਦਾਅਵਾ ਕੀਤਾ ਹੈ। ਇਜ਼ਰਾਈਲ ਨੇ ਇਸ ਆਪਰੇਸ਼ਨ ਨੂੰ ‘ਦ ਸਟਰਾਂਗ ਹੈਂਡ’ ਦਾ ਨਾਂ ਦਿੱਤਾ ਹੈ।ਹਵਾਈ ਹਮਲੇ ਤੋਂ ਬਾਅਦ ਗਾਜ਼ਾ ਦੇ ਅੱਤਵਾਦੀਆਂ ਨੇ ਵੀ ਇਜ਼ਰਾਈਲ ‘ਤੇ ਰਾਕੇਟ ਦਾਗਣੇ ਸ਼ੁਰੂ ਕਰ ਦਿੱਤੇ, ਜਿਸ ਤੋਂ ਬਾਅਦ ਦੱਖਣੀ ਇਜ਼ਰਾਈਲ ‘ਚ ਹਵਾਈ ਹਮਲੇ ਦੇ ਸਾਇਰਨ ਗੂੰਜਣ ਲੱਗੇ।
ਦੱਖਣੀ ਲੇਬਨਾਨ ਤੋਂ ਹਮਲੇ ਵਿਚ ਇਜ਼ਰਾਈਲ ਵੱਲ 34 ਤੋਂ ਵੱਧ ਰਾਕੇਟ ਦਾਗੇ ਗਏ। ਹਮਲੇ ‘ਚ ਦੋ ਲੋਕ ਜ਼ਖਮੀ ਹੋ ਗਏ ਅਤੇ ਕਈ ਇਮਾਰਤਾਂ, ਬੈਂਕਾਂ ਅਤੇ ਵਾਹਨਾਂ ਨੂੰ ਨੁਕਸਾਨ ਪਹੁੰਚਿਆ। ਇਜ਼ਰਾਈਲ ਨੇ ਹਮਲੇ ਲਈ ਫਲਸਤੀਨੀ ਸਮੂਹ ਹਮਾਸ ਨੂੰ ਜ਼ਿੰਮੇਵਾਰ ਠਹਿਰਾਇਆ।ਇਸਰਾਈਲ ‘ਤੇ ਰਾਕੇਟ ਹਮਲੇ ਤੋਂ ਬਾਅਦ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਸੁਰੱਖਿਆ ਮੰਤਰੀ ਮੰਡਲ ਨਾਲ ਬੈਠਕ ਕੀਤੀ। ਇਸ ‘ਚ ਉਸ ਨੇ ਕਿਹਾ ਸੀ ਕਿ ਅਸੀਂ ਦੁਸ਼ਮਣ ‘ਤੇ ਹਮਲਾ ਕਰਾਂਗੇ ਅਤੇ ਉਸ ਨੂੰ ਹਰ ਹਮਲੇ ਦੀ ਕੀਮਤ ਚੁਕਾਉਣੀ ਪਵੇਗੀ। ਉਨ੍ਹਾਂ ਕਿਹਾ ਸੀ ਕਿ ਸਿਆਸੀ ਮਤਭੇਦਾਂ ਦੇ ਬਾਵਜੂਦ ਬਾਹਰੀ ਖਤਰਿਆਂ ਦੀ ਸਥਿਤੀ ‘ਚ ਪੂਰਾ ਇਜ਼ਰਾਈਲ ਇਕਜੁੱਟ ਰਹੇਗਾ।ਇਸਰਾਈਲੀ ਪੁਲਸ ਨੇ ਬੁੱਧਵਾਰ ਨੂੰ ਯੇਰੂਸ਼ਲਮ ਦੀ ਅਲ-ਅਕਸਾ ਮਸਜਿਦ ‘ਤੇ ਕਾਰਵਾਈ ਕੀਤੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
