ਅੱਜ ਤੋਂ ਸ਼ੁਰੂ ਹੋਵੇਗਾ ਵਿਸ਼ਵ ਕੱਪ, ਭਾਰਤ ਦਾ ਸਾਹਮਣਾ ਹੋਵੇਗਾ ਮੇਜ਼ਬਾਨ ਦੱਖਣੀ ਅਫਰੀਕਾ ਨਾਲ

ਅੰਡਰ 19 ਟੀ-20 ਵਿਸ਼ਵ ਕੱਪ ਅੱਜ ਤੋਂ ਦੱਖਣੀ ਅਫਰੀਕਾ ਵਿੱਚ ਸ਼ੁਰੂ ਹੋ ਰਿਹਾ ਹੈ। ਇਸ ਟੂਰਨਾਮੈਂਟ ਵਿੱਚ 16 ਟੀਮਾਂ ਭਾਗ ਲੈਣਗੀਆਂ ਅਤੇ ਕੁੱਲ 41 ਮੈਚ ਖੇਡੇ ਜਾਣਗੇ। ਵਿਸ਼ਵ ਕੱਪ ਦਾ ਫਾਈਨਲ ਮੁਕਾਬਲਾ 29 ਜਨਵਰੀ ਨੂੰ ਹੋਵੇਗਾ। ਟੂਰਨਾਮੈਂਟ ਦੀਆਂ ਸਾਰੀਆਂ ਟੀਮਾਂ ਨੂੰ ਚਾਰ ਗਰੁੱਪਾਂ ਵਿੱਚ ਵੰਡਿਆ ਗਿਆ ਹੈ। ਭਾਰਤੀ ਟੀਮ ਮੇਜ਼ਬਾਨ ਦੱਖਣੀ ਅਫਰੀਕਾ, ਸਕਾਟਲੈਂਡ ਅਤੇ ਯੂਏਈ ਦੇ ਨਾਲ ਗਰੁੱਪ ਡੀ ਵਿੱਚ ਹੈ। ਚਾਰਾਂ ਗਰੁੱਪਾਂ ਵਿੱਚ ਸਿਖਰ 3 ਵਿੱਚ ਰਹਿਣ ਵਾਲੀ ਟੀਮ ਸੁਪਰ 6 ਰਾਊਂਡ ਵਿੱਚ ਜਾਵੇਗੀ। ਸ਼ਵੇਤਾ ਸਹਿਰਾਵਤ ਭਾਰਤੀ ਟੀਮ ਦੀ 15 ਮੈਂਬਰੀ ਟੀਮ ਦੀ ਉਪ ਕਪਤਾਨ ਹੈ। ਸੀਨੀਅਰ ਟੀਮ ‘ਚ ਖੇਡਣ ਵਾਲੀ ਵਿਕਟਕੀਪਰ ਰਿਸ਼ਾ ਘੋਸ਼ ਵੀ ਟੀਮ ‘ਚ ਸ਼ਾਮਲ ਹੈ।ਭਾਰਤ ਦਾ ਦੂਜਾ ਮੈਚ 16 ਜਨਵਰੀ ਨੂੰ ਦੁਪਹਿਰ 1:30 ਵਜੇ ਯੂ.ਏ.ਈ ਅਤੇ ਤੀਜਾ ਮੈਚ ਸਕਾਟਲੈਂਡ ਖਿਲਾਫ 18 ਜਨਵਰੀ ਨੂੰ ਸ਼ਾਮ 5:15 ਵਜੇ ਹੋਵੇਗਾ। ਸਾਰੇ ਮੈਚ ਬੇਨੋਨੀ ਵਿੱਚ ਹੋਣਗੇ। ਭਾਰਤ ਨੂੰ ਰਾਊਂਡ 6 ‘ਚ ਪਹੁੰਚਣ ਲਈ ਗਰੁੱਪ ਗੇੜ ‘ਚ 3 ‘ਚੋਂ ਘੱਟ ਤੋਂ ਘੱਟ 2 ਮੈਚ ਜਿੱਤਣੇ ਹੋਣਗੇ। ਸੁਪਰ 6 ਰਾਊਂਡ ‘ਚ 12 ਟੀਮਾਂ ਵਿਚਾਲੇ ਕੁੱਲ 14 ਮੈਚ ਹੋਣਗੇ। ਇੱਕ ਟੀਮ 2 ਮੈਚ ਖੇਡੇਗੀ। ਭਾਰਤ ਨੂੰ ਸੈਮੀਫਾਈਨਲ ਖੇਡਣ ਲਈ ਦੋਵੇਂ ਮੈਚ ਜਿੱਤਣੇ ਹੋਣਗੇ।ਲਿਟਲ ਮਾਸਟਰ ਸਚਿਨ ਤੇਂਦੁਲਕਰ ਨੇ ਟੀਮ ਨੂੰ ਅੰਡਰ-19 ਵਿਸ਼ਵ ਕੱਪ ਜਿੱਤਣ ਦੀ ਕਾਮਨਾ ਕੀਤੀ ਹੈ। ਸਚਿਨ ਨੇ ਲਿਖਿਆ ਹੈ ਕਿ ਭਾਰਤੀ ਮਹਿਲਾ ਟੀਮ ਦੁਨੀਆ ਦੀਆਂ ਸਰਵਸ਼੍ਰੇਸ਼ਠ ਟੀਮਾਂ ਵਿੱਚੋਂ ਇੱਕ ਹੈ। ਟੀਮ ਕੋਲ ਬੱਲੇਬਾਜ਼ੀ ਅਤੇ ਗੇਂਦਬਾਜ਼ੀ ਦੋਵਾਂ ਵਿਭਾਗਾਂ ਵਿੱਚ ਤਜਰਬੇਕਾਰ ਖਿਡਾਰੀ ਹਨ।।