ਅਮੀਰਾਤ ਏਅਰਲਾਈਨਜ਼ ਨੇ ਸੀਮਤ ਉਡਾਣ ਸੰਚਾਲਨ ਕੀਤਾ ਸ਼ੁਰੂ, 16 ਉਡਾਣਾਂ ਰਵਾਨਾ

ਦੁਬਈ-ਅਧਾਰਤ ਏਅਰਲਾਈਨ ਅਮੀਰਾਤ ਨੇ ਐਲਾਨ ਕੀਤਾ ਹੈ ਕਿ ਉਹ ਅੱਜ ਸ਼ਾਮ ਤੋਂ ਸੀਮਤ ਉਡਾਣ ਸੰਚਾਲਨ ਮੁੜ ਸ਼ੁਰੂ ਕਰੇਗੀ। ਕੰਪਨੀ ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਹੈ ਕਿ ਪਹਿਲਾਂ ਤੋਂ ਬੁੱਕ ਕੀਤੀਆਂ ਉਡਾਣਾਂ ਵਾਲੇ ਯਾਤਰੀਆਂ ਨੂੰ ਪਹਿਲ ਦਿੱਤੀ ਜਾਵੇਗੀ, ਅਤੇ ਇਨ੍ਹਾਂ ਉਡਾਣਾਂ ‘ਤੇ ਨਵੀਂ ਬੁਕਿੰਗ ਵਾਲੇ ਯਾਤਰੀਆਂ ਨਾਲ ਸਿੱਧਾ ਸੰਪਰਕ ਕੀਤਾ ਜਾਵੇਗਾ। ਏਅਰਲਾਈਨ ਨੇ ਯਾਤਰੀਆਂ ਨੂੰ ਅਗਲੇ ਨੋਟਿਸ ਤੱਕ ਹਵਾਈ ਅੱਡੇ ‘ਤੇ ਨਾ ਪਹੁੰਚਣ ਦੀ ਅਪੀਲ ਕੀਤੀ ਹੈ। ਅਮੀਰਾਤ ਨੇ ਸਪੱਸ਼ਟ ਕੀਤਾ ਕਿ ਅਗਲੇ ਨੋਟਿਸ ਤੱਕ ਹੋਰ ਸਾਰੀਆਂ ਉਡਾਣਾਂ ਮੁਅੱਤਲ ਰਹਿਣਗੀਆਂ।
ਹਵਾਈ ਅੱਡੇ ‘ਤੇ ਫਸੇ ਯਾਤਰੀਆਂ ਲਈ ਰਾਹਤ ਦੀ ਖ਼ਬਰ, ਮੱਧ ਪੂਰਬ ਵਿੱਚ ਤਣਾਅ ਵਿਚਾਲੇ ਸੀਮਤ ਉਡਾਣਾਂ ਸ਼ੁਰੂ ਕਰੇਗਾ ਦੁਬਈ; ਅਬੂਧਾਬੀ ਤੋਂ 16 ਜਹਾਜ਼ ਰਵਾਨਾ
ਈਰਾਨ ਅਤੇ ਅਮਰੀਕਾ ਵਿਚਾਲੇ ਵਧਦੇ ਤਣਾਅ ਦੌਰਾਨ, ਦੁਬਈ ਹਵਾਈ ਅੱਡੇ ਨੇ ਸੀਮਤ ਉਡਾਣ ਸੇਵਾਵਾਂ ਨੂੰ ਮੁੜ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਉਡਾਣਾਂ ਅੱਜ ਤੋਂ ਦੁਬਈ ਇੰਟਰਨੈਸ਼ਨਲ (DXB) ਅਤੇ ਦੁਬਈ ਵਰਲਡ ਸੈਂਟਰਲ – ਅਲ ਮਕਤੂਮ ਇੰਟਰਨੈਸ਼ਨਲ (DWC) ਤੋਂ ਚੱਲਣਗੀਆਂ।
ਈਰਾਨ ਅਤੇ ਅਮਰੀਕਾ ਵਿਚਾਲੇ ਵਧਦੇ ਤਣਾਅ ਦੌਰਾਨ, ਦੁਬਈ ਹਵਾਈ ਅੱਡੇ ਨੇ ਸੀਮਤ ਉਡਾਣ ਸੇਵਾਵਾਂ ਨੂੰ ਮੁੜ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਉਡਾਣਾਂ ਅੱਜ ਤੋਂ ਦੁਬਈ ਇੰਟਰਨੈਸ਼ਨਲ (DXB) ਅਤੇ ਦੁਬਈ ਵਰਲਡ ਸੈਂਟਰਲ – ਅਲ ਮਕਤੂਮ ਇੰਟਰਨੈਸ਼ਨਲ (DWC) ਤੋਂ ਚੱਲਣਗੀਆਂ। ਦੁਬਈ ਹਵਾਈ ਅੱਡੇ ਨੇ ਯਾਤਰੀਆਂ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਜਦੋਂ ਤੱਕ ਏਅਰਲਾਈਨਸ ਯਾਤਰੀਆਂ ਨਾਲ ਰਵਾਨਗੀ ਸਮੇਂ ਬਾਰੇ ਸੰਪਰਕ ਨਹੀਂ ਕਰਦੀ, ਉਦੋਂ ਤੱਕ ਉਹ DXB ਜਾਂ DWC ਵੱਲ ਨਾਜਾਣ।
ਦੁਬਈ ਮੀਡੀਆ ਦਫਤਰ ਨੇ ਇੱਕ X ਪੋਸਟ ਵਿੱਚ ਕਿਹਾ, “ਦੁਬਈ ਹਵਾਈ ਅੱਡੇ ਨੇ ਪੁਸ਼ਟੀ ਕੀਤੀ ਕਿ ਅੱਜ ਸ਼ਾਮ 2 ਮਾਰਚ ਨੂੰ ਸੀਮਤ ਉਡਾਣਾਂ ਸ਼ੁਰੂ ਹੋਣਗੀਆਂ, ਜਿਨ੍ਹਾਂ ਵਿੱਚ ਦੁਬਈ ਇੰਟਰਨੈਸ਼ਨਲ (DXB) ਅਤੇ ਦੁਬਈ ਵਰਲਡ ਸੈਂਟਰਲ – ਅਲ ਮਕਤੂਮ ਇੰਟਰਨੈਸ਼ਨਲ (DWC) ਤੋਂ ਥੋੜ੍ਹੀ ਜਿਹੀ ਗਿਣਤੀ ਵਿੱਚ ਉਡਾਣਾਂ ਨੂੰ ਚਲਾਉਣ ਦੀ ਆਗਿਆ ਹੋਵੇਗੀ। ਯਾਤਰੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਉਹ DXB ਜਾਂ DWC ਵੱਲ ਉਦੋਂ ਤੱਕ ਨਾ ਜਾਣ ਜਦੋਂ ਤੱਕ ਉਨ੍ਹਾਂ ਦੀ ਏਅਰਲਾਈਨ ਉਨ੍ਹਾਂ ਨਾਲ ਸਿੱਧੇ ਤੌਰ ‘ਤੇ ਰਵਾਨਗੀ ਸਮੇਂ ਬਾਰੇ ਸੰਪਰਕ ਨਾ ਕਰੇ।”
ਅਮੀਰਾਤ ਏਅਰਲਾਈਨਜ਼ ਨੇ ਪਹਿਲਾਂ ਕਿਹਾ ਸੀ ਕਿ ਉਹ ਸੀਮਤ ਗਿਣਤੀ ਵਿੱਚ ਉਡਾਣਾਂ ਸ਼ੁਰੂ ਕਰੇਗੀ, ਜਿਸ ਵਿੱਚ ਉਨ੍ਹਾਂ ਯਾਤਰੀਆਂ ਨੂੰ ਤਰਜੀਹ ਦਿੱਤੀ ਜਾਵੇਗੀ ਜਿਨ੍ਹਾਂ ਨੇ ਪਹਿਲਾਂ ਟਿਕਟਾਂ ਬੁੱਕ ਕੀਤੀਆਂ ਸਨ। “ਅਮੀਰਾਤ 2 ਮਾਰਚ ਦੀ ਸ਼ਾਮ ਤੋਂ ਸੀਮਤ ਗਿਣਤੀ ਵਿੱਚ ਉਡਾਣਾਂ ਚਲਾਉਣਾ ਸ਼ੁਰੂ ਕਰ ਦੇਵੇਗਾ। ਪਹਿਲਾਂ ਬੁਕਿੰਗ ਵਾਲੇ ਗਾਹਕਾਂ ਨੂੰ ਤਰਜੀਹ ਦਿੱਤੀ ਜਾ ਰਹੀ ਹੈ। ਜਿਨ੍ਹਾਂ ਯਾਤਰੀਆਂ ਨੂੰ ਇਨ੍ਹਾਂ ਉਡਾਣਾਂ ਲਈ ਦੁਬਾਰਾ ਬੁੱਕ ਕੀਤਾ ਗਿਆ ਹੈ, ਉਨ੍ਹਾਂ ਨਾਲ ਅਮੀਰਾਤ ਵੱਲੋਂ ਸਿੱਧਾ ਸੰਪਰਕ ਕੀਤਾ ਜਾਵੇਗਾ। ਕਿਰਪਾ ਕਰਕੇ ਹਵਾਈ ਅੱਡੇ ‘ਤੇ ਨਾ ਜਾਓ ਜਦੋਂ ਤੱਕ ਤੁਹਾਨੂੰ ਏਅਰਲਾਈਨ ਤੋਂ ਪੁਸ਼ਟੀ ਨਹੀਂ ਮਿਲ ਜਾਂਦੀ।” ਇਸਨੇ ਇੱਕ ਬਿਆਨ ਵਿੱਚ ਕਿਹਾ।
ਦੂਜੇ ਪਾਸੇ, ਸੋਮਵਾਰ ਨੂੰ 16 ਏਤਿਹਾਦ ਉਡਾਣਾਂ ਅਬੂ ਧਾਬੀ ਤੋਂ ਸਫਲਤਾਪੂਰਵਕ ਰਵਾਨਾ ਹੋਈਆਂ ਹਨ। ਫਲਾਈਟਰਾਡਾਰ24 ਦੇ ਅਨੁਸਾਰ, ਇਹ ਏਤਿਹਾਦ ਏਅਰਵੇਜ਼ ਉਡਾਣਾਂ ਦਿੱਲੀ, ਇਸਲਾਮਾਬਾਦ, ਮੁੰਬਈ, ਕਰਾਚੀ, ਮਾਸਕੋ, ਪੈਰਿਸ, ਐਮਸਟਰਡਮ, ਮਸਕਟ, ਕੋਚੀਨ, ਬੰਗਲੁਰੂ, ਕਾਇਰੋ, ਢਾਕਾ, ਦਮਾਮ, ਜੇਦਾਹ, ਰਿਆਧ ਅਤੇ ਲੰਡਨ ਸਮੇਤ ਸਥਾਨਾਂ ਲਈ ਰਵਾਨਾ ਹੋਈਆਂ।