ਅਫਰੀਕਾ ‘ਚ ਫਰੈਡੀ ਤੂਫਾਨ ਨੇ 400 ਲੋਕਾਂ ਦੀ ਲਈ ਜਾਨ, 3 ਦੇਸ਼ਾਂ ‘ਚ ਮੀਂਹ ਨਾਲ ਜ਼ਮੀਨ ਖਿਸਕਣ ਕਾਰਨ 88 ਹਜ਼ਾਰ ਲੋਕ ਬੇਘਰ

3 ਅਫਰੀਕੀ ਦੇਸ਼ਾਂ ਮਾਲਾਵੀ, ਮੋਜ਼ਾਮਬੀਕ ਅਤੇ ਮੈਡਾਗਾਸਕਰ ‘ਚ ਤੂਫਾਨ ਫਰੈਡੀ ਕਾਰਨ 400 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ ਕਰੀਬ 700 ਲੋਕ ਜ਼ਖਮੀ ਹੋਏ ਹਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਬਾਰਸ਼, ਹੜ੍ਹ ਅਤੇ ਚਿੱਕੜ ਖਿਸਕਣ ਕਾਰਨ ਲਗਭਗ 88,000 ਲੋਕ ਬੇਘਰ ਹੋ ਗਏ ਹਨ। ਮਲਾਵੀ ਦੇ ਰਾਸ਼ਟਰਪਤੀ ਲਾਜ਼ਰ ਚਕਵੇਰਾ ਨੇ ਵੀਰਵਾਰ ਨੂੰ ਹੜ੍ਹ ਪੀੜਤਾਂ ਨੂੰ ਮਿਲਣ ਲਈ ਕਵੀਨ ਐਲਿਜ਼ਾਬੈਥ ਹਸਪਤਾਲ ਦਾ ਦੌਰਾ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਦੇਸ਼ ‘ਚ 14 ਦਿਨਾਂ ਦੇ ਰਾਸ਼ਟਰੀ ਸੋਗ ਦਾ ਐਲਾਨ ਕੀਤਾ ਹੈ।ਤੂਫਾਨ ਪ੍ਰਭਾਵਿਤ ਇਲਾਕਿਆਂ ‘ਚ ਲੋਕਾਂ ਨੂੰ ਜ਼ਰੂਰੀ ਸਾਮਾਨ ਖਰੀਦਣ ‘ਚ ਵੀ ਪਰੇਸ਼ਾਨੀ ਹੋ ਰਹੀ ਹੈ। ਜਲਵਾਯੂ ਪਰਿਵਰਤਨ ਮੰਤਰਾਲੇ ਦੇ ਅਨੁਸਾਰ, ਚੱਕਰਵਾਤ ਫਰੈਡੀ ਨੇ ਪਹਿਲੀ ਵਾਰ ਫਰਵਰੀ ਵਿੱਚ ਮਲਾਵੀ ਵਿੱਚ ਲੈਂਡਫਾਲ ਕੀਤਾ ਸੀ। ਹੁਣ ਇਹ ਸ਼ਾਂਤ ਹੋ ਗਿਆ ਹੈ, ਪਰ ਕੁਝ ਦਿਨ ਹੋਰ ਤੇਜ਼ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਦੂਜੇ ਪਾਸੇ ਮੋਜ਼ਾਮਬੀਕ ਵਿੱਚ ਜ਼ਮੀਨ ਖਿਸਕਣ ਕਾਰਨ ਕਈ ਪਿੰਡਾਂ ਦਾ ਪੂਰੀ ਤਰ੍ਹਾਂ ਨਾਲ ਸੰਪਰਕ ਟੁੱਟ ਗਿਆ ਹੈ।