ਅਟਾਰੀ ਬਾਰਡਰ ‘ਤੇ ਅੱਜ ਤੋਂ ਰਿਟਰੀਟ ਸੈਰੇਮਨੀ ਦੇਖ ਸਕਣਗੇ ਯਾਤਰੀ, 300 ਲੋਕਾਂ ਨੂੰ ਹੀ ਮਿਲੀ ਆਗਿਆ

ਅੰਮ੍ਰਿਤਸਰ : ਅਟਾਰੀ ਬਾਰਡਰ ’ਤੇ BSF ਅਤੇ ਪਾਕਿਸਤਾਨ ਵਿਚਾਲੇ ਹੋਣ ਵਾਲੀ ਬੀਟਿੰਗ ਰਿਟਰੀਟ ਪਰੇਡ ’ਚ ਟੂਰਿਸਟਾਂ ਦੀ ਐਂਟਰੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਜਾਣਕਾਰੀ ਅਨੁਸਾਰ ਇਕ ਦਿਨ ’ਚ 300 ਟੂਰਿਸਟ ਇਸ ਬੀਟਿੰਗ ਰਿਟਰੀਟ ਨੂੰ ਦੇਖ ਸਕਦੇ ਹਨ ਪਰ ਇਸ ਲਈ ਪਹਿਲਾਂ ਟੂਰਿਸਟਾਂ ਨੂੰ ਆਪਣੀ ਐਂਟਰੀ ਲਈ ਬੁਕਿੰਗ ਕਰਵਾਉਣਾ ਲਾਜ਼ਮੀ ਕੀਤਾ ਗਿਆ ਹੈ। ਬੁਕਿੰਗ ਲਈ ਜੁਆਇੰਟ ਚੈੱਕ ਪੋਸਟ ਅਟਾਰੀ ਦੇ ਗੇਟ ’ਤੇ ਇਕ ਹੈਲਪਲਾਈਨ ਨੰਬਰ ਲਿਖਿਆ ਹੋਇਆ ਹੈ, ਜੋ ਵਿਅਕਤੀ ਸਭ ਤੋਂ ਪਹਿਲਾਂ ਇਸ ਹੈਲਪਲਾਈਨ ਨੰਬਰ ’ਤੇ ਬੁਕਿੰਗ ਕਰਵਾਏਗਾ, ਉਸ ਨੂੰ ਹੀ ਪਰੇਡ ਦੇਖਣ ਦੀ ਆਗਿਆ ਮਿਲੇਗੀ।

ਦੀਪ ਸਿੱਧੂ ਨੇ ਫਿਰ ਦਿੱਤਾ ਬਿਆਨ, ਭੜਕੀਆਂ ਜਥੇਬੰਦੀਆਂ D5 Channel Punjabi

ਦੋਵਾਂ ਦੇਸ਼ਾਂ ਦੇ ਅਰਧ ਸੈਨਿਕ ਬਲਾਂ ’ਚ ਹੋਣ ਵਾਲੀ ਇਸ ਪਰੇਡ ਦੀ ਗੱਲ ਕਰੀਏ ਤਾਂ ਬੀ.ਐੱਸ.ਐੱਫ਼ ਦੀ ਟੂਰਿਸਟ ਗੈਲਰੀ ’ਚ 25 ਹਜ਼ਾਰ ਤੋਂ ਜ਼ਿਆਦਾ ਟੂਰਿਸਟ ਬੈਠ ਸਕਦੇ ਹਨ ਪਰ ਕੋਵਿਡ ਕਾਰਨ ਇਸ ਸਮੇਂ ਸਿਰਫ 300 ਲੋਕਾਂ ਨੂੰ ਹੀ ਅੰਦਰ ਜਾਣ ਦੀ ਆਗਿਆ ਹੋਵੇਗੀ। ਇਸ ਦੇ ਇਲਾਵਾ ਟੂਰਿਸਟਾਂ ਨੂੰ ਕੋਵਿਡ ਸਬੰਧੀ ਸਰਕਾਰੀ ਹੁਕਮਾਂ ਦਾ ਵੀ ਸਖ਼ਤੀ ਨਾਲ ਪਾਲਣ ਕਰਨੀ ਹੋਵੇਗੀ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡੀ. ਸੀ. ਗੁਰਪ੍ਰੀਤ ਸਿੰਘ ਖਹਿਰਾ ਨੇ ਦੱਸਿਆ ਕਿ ਬੀ. ਐੱਸ. ਐੱਫ਼. 300 ਟੂਰਿਸਟਾਂ ਦੀ ਹੀ ਐਂਟਰੀ ਕਰਵਾ ਸਕਦੀ ਹੈ, ਕਿਉਂਕਿ ਸਰਕਾਰ ਵੱਲੋਂ ਕੋਵਿਡ ਸਬੰਧੀ ਜੋ ਹੁਕਮ ਦਿੱਤੇ ਗਏ ਹਨ, ਉਹ 30 ਸਤੰਬਰ 2021 ਤੱਕ ਵਧਾ ਦਿੱਤੇ ਗਏ ਹਨ। ਸਰਕਾਰ ਦੇ ਹੁਕਮਾਂ ਦਾ ਬੀ. ਐੱਸ. ਐੱਫ਼. ਨੂੰ ਸਖ਼ਤੀ ਨਾਲ ਪਾਲਣ ਕਰਨਾ ਹੋਵੇਗਾ।