ਹਿਮਾਚਲ ਚ ਭਾਰੀ ਮੀਂਹ ਕਰਕੇ ਖਿਸਕੇ ਪਹਾੜ ਤੇ ਸੜਕਾਂ ਹੋਈਆਂ ਜਾਮ

ਸ਼ਿਮਲਾ ਦੇ ਰੋਹਡੂ ‘ਚ ਪੱਬਰ ਨਦੀ ‘ਚ ਡੁੱਬਣ ਕਾਰਨ ਇਕ ਨੌਜਵਾਨ ਦੀ ਮੌਤ ਹੋ ਗਈ। ਇਸ ਕਾਰਨ ਸੂਬੇ ‘ਚ 4 ਦਿਨਾਂ ‘ਚ ਮਾਨਸੂਨ ‘ਚ ਮਰਨ ਵਾਲਿਆਂ ਦੀ ਗਿਣਤੀ 15 ਹੋ ਗਈ ਹੈ। ਮੰਗਲਵਾਰ ਨੂੰ 6 ਜ਼ਿਲ੍ਹਿਆਂ ਵਿੱਚ ਭਾਰੀ ਮੀਂਹ ਪਿਆ ਹੈ।ਭਾਰੀ ਮੀਂਹ ਕਾਰਨ ਜ਼ਮੀਨ ਖਿਸਕਣ ਕਾਰਨ 275 ਸੜਕਾਂ ਬੰਦ ਹੋ ਗਈਆਂ ਹਨ। ਦੂਜੇ ਪਾਸੇ ਮਾਨਸੂਨ 1 ਜੁਲਾਈ ਤੱਕ ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਨੂੰ ਕਵਰ ਕਰ ਲਵੇਗਾ। ਇਸ ਸਮੇਂ ਮਾਨਸੂਨ ਹਰਿਆਣਾ ਦੇ ਨਾਰਨੌਲ, ਜੋਧਪੁਰ, ਸੀਕਰ ਤੋਂ ਹੋ ਕੇ ਲੰਘ ਰਿਹਾ ਹੈ। ਗੁਰਦਾਸਪੁਰ ‘ਚ 26.5 ਮਿਲੀਮੀਟਰ ਬਾਰਿਸ਼ ਹੋਈ ਹੈ ਇਸ ਦੇ ਨਾਲ ਹੀ ਪਹਾੜਾਂ ‘ਚ ਹੋ ਰਹੀ ਬਾਰਿਸ਼ ਕਾਰਨ ਸ਼ਾਹਪੁਰਕੰਡੀ ਸਥਿਤ ਰਣਜੀਤ ਸਾਗਰ ਡੈਮ ਦੀ ਝੀਲ ‘ਚ ਪਾਣੀ ਦਾ ਪੱਧਰ ਲਗਾਤਾਰ ਵਧ ਰਿਹਾ ਹੈ। ਮੰਗਲਵਾਰ ਨੂੰ ਇਹ 0.40 ਮੀਟਰ ਵਧ ਕੇ 512.68 ਮੀਟਰ ਤੱਕ ਪਹੁੰਚ ਗਿਆ। ਲਗਾਤਾਰ ਦੂਜੇ ਦਿਨ ਮਾਧੋਪੁਰ ਹੈੱਡਵਰਕਸ ਤੋਂ ਰਾਵੀ ਦਰਿਆ ਵਿੱਚ ਪਾਕਿਸਤਾਨ ਵਾਲੇ ਪਾਸੇ 900 ਕਿਊਸਿਕ ਪਾਣੀ ਛੱਡਣਾ ਪਿਆ।ਹਰਿਆਣਾ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ 3.8 ਮਿਲੀਮੀਟਰ ਮੀਂਹ ਪਿਆ। ਜੂਨ ਵਿੱਚ ਹੁਣ ਤੱਕ 63.2 ਮਿਲੀਮੀਟਰ ਮੀਂਹ ਪੈ ਚੁੱਕਾ ਹੈ। ਜਿੱਥੇ ਆਮ ਵਰਖਾ 44.2 ਮਿਲੀਮੀਟਰ ਹੈ, ਉੱਥੇ ਹੀ ਆਮ ਨਾਲੋਂ 43 ਵੱਧ ਬਾਰਿਸ਼ ਹੋਈ ਹੈ। ਹਰਿਆਣਾ ਵਿੱਚ ਮਾਨਸੂਨ ਸੀਜ਼ਨ ਦੌਰਾਨ 460 ਮਿਲੀਮੀਟਰ ਵਰਖਾ ਹੁੰਦੀ ਹੈ, ਪਰ ਪਿਛਲੇ ਕਈ ਸਾਲਾਂ ਤੋਂ ਇਹ ਔਸਤਨ 415 ਮਿਲੀਮੀਟਰ ਦੇ ਆਸ-ਪਾਸ ਰਹੀ ਹੈ।