ਵਰਚੁਅਲ ਸੁਣਵਾਈ ਦੌਰਾਨ ਇਕ ਸੀਨੀਅਰ ਵਕੀਲ ਹਾਈ ਕੋਰਟ ਜੱਜ ਸਾਹਮਣੇ ਪੀ ਰਹੇ ਸਨ ਬੀਅਰ, ਅਗਲੇ ਹੁਕਮਾਂ ਤਕ ਵਕੀਲ ਦੀ ਪੇਸ਼ੀ ‘ਤੇ ਪਾਬੰਦੀ

ਗੁਜਰਾਤ ਹਾਈ ਕੋਰਟ ਇਕ ਕੇਸ ਦੀ ਵਰਚੁਅਲ ਸੁਣਵਾਈ ਦੌਰਾਨ ਇਕ ਸੀਨੀਅਰ ਵਕੀਲ ਨੂੰ ਜੱਜ ਸਾਹਮਣੇ ਬੀਅਰ ਪੀਂਦੇ ਦੇਖਿਆ ਗਿਆ, ਜਿਸ ਤੋਂ ਜੱਜ ਨਾਰਾਜ਼ ਹੋ ਗਏ ਤੇ ਉਨ੍ਹਾਂ ਵਕੀਲ ਖ਼ਿਲਾਫ਼ ਖੁਦ ਨੋਟਿਸ ਲੈਣ ਦਾ ਫੈਸਲਾ ਕੀਤਾ।

ਗੁਜਰਾਤ ਹਾਈ ਕੋਰਟ ‘ਚ ਜਸਟਿਸ ਏਐਸ ਸੂਪਾਹੀਆ ਤੇ ਜਸਟਿਸ ਆਰਟੀ ਵਚਛਾਨੀ ਨੇ ਵਕੀਲ ਦੇ ਇਸ ਕੰਮ ਨੂੰ ਅਦਾਲਤ ਦੀ ਉਲੰਘਣਾ ਕਰਾਰ ਦਿੱਤਾ। ਇਸ ਮਾਮਲੇ ‘ਤੇ ਖੁਦ ਨੋਟਿਸ ਲੈਂਦਿਆਂ ਉਨ੍ਹਾਂ ਅਗਲੇ ਹੁਕਮਾਂ ਤਕ ਵਕੀਲ ਦੀ ਪੇਸ਼ੀ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਹਾਈ ਕੋਰਟ ਨੇ ਕਿਹਾ-

ਜਦੋਂ ਤਕ ਅਗਲਾ ਆਦੇਸ਼ ਪਾਸ ਨਹੀਂ ਹੋ ਜਾਂਦਾ, ਸਬੰਧਤ ਵਕੀਲ ਵਰਚੁਅਲ ਮੋਡ ‘ਚ ਬੈਂਚ ਸਾਹਮਣੇ ਪੇਸ਼ ਨਹੀਂ ਹੋ ਸਕਣਗੇ। ਉਨ੍ਹਾਂ ਦੇ ਇਸ ਕੰਮ ਨੇ ਅਦਾਲਤ ਦੀ ਸ਼ਾਨ ਨੂੰ ਠੇਸ ਪਹੁੰਚਾਈ ਹੈ। ਅਜਿਹੀ ਸਥਿਤੀ ‘ਚ ਜੇਕਰ ਇਸਨੂੰ ਅਣਗੌਲਿਆ ਕੀਤਾ ਜਾਂਦਾ ਹੈ ਤਾਂ ਇਹ ਵਿਨਾਸ਼ਕਾਰੀ ਸਾਬਤ ਹੋਵੇਗਾ।