ਲਾਹੌਰ ਹਾਈ ਕੋਰਟ ਵਿੱਚ ਕਰਨੈਲ ਸਿੰਘ ਦੀ ਪਟੀਸ਼ਨ ‘ਤੇ ਸੁਣਵਾਈ, ਸਰਬਜੀਤ ਕੌਰ ਦੇ ਨਿਕਾਹ ਦੇ ਰਿਕਾਰਡ 6 ਮਾਰਚ ਤੱਕ ਜਮ੍ਹਾਂ ਕਰਨ ਦੇ ਹੁਕਮ

ਕਪੂਰਥਲਾ ਦੇ ਪਿੰਡ ਅਮਾਨੀਪੁਰ ਦੀ ਰਹਿਣ ਵਾਲੀ ਸਰਬਜੀਤ ਕੌਰ 4 ਨਵੰਬਰ, 2025 ਨੂੰ ਗੁਰੂ ਨਾਨਕ ਦੇਵ ਜੀ ਦੇ ਜਨਮ ਦਿਹਾੜੇ ਦਾ ਜਸ਼ਨ ਮਨਾਉਣ ਲਈ 1,932 ਸ਼ਰਧਾਲੂਆਂ ਦੇ ਸਮੂਹ ਨਾਲ ਅਟਾਰੀ ਸਰਹੱਦ ਰਾਹੀਂ ਅੰਮ੍ਰਿਤਸਰ ਤੋਂ ਪਾਕਿਸਤਾਨ ਗਈ ਸੀ। ਇਹ ਸਿੱਖ ਸਮੂਹ 10 ਦਿਨ ਪਾਕਿਸਤਾਨ ਵਿੱਚ ਰਿਹਾ। ਦਰਸ਼ਨਾਂ ਤੋਂ ਬਾਅਦ ਬਾਕੀ ਸ਼ਰਧਾਲੂ ਵਾਪਸ ਆ ਗਏ ਜਦੋਂਕਿ ਸਰਬਜੀਤ ਕੌਰ ਉੱਥੇ ਹੀ ਰਹਿ ਗਈ। ਲਾਹੌਰ ਹਾਈ ਕੋਰਟ ਵਿੱਚ ਕਰਨੈਲ ਸਿੰਘ ਦੀ ਪਟੀਸ਼ਨ ‘ਤੇ ਸੁਣਵਾਈ, ਸਰਬਜੀਤ ਕੌਰ ਦੇ ਨਿਕਾਹ ਦੇ ਰਿਕਾਰਡ 6 ਮਾਰਚ ਤੱਕ ਜਮ੍ਹਾਂ ਕਰਨ ਦੇ ਹੁਕਮ
ਕਰਨੈਲ ਸਿੰਘ ਦੀ ਪਟੀਸ਼ਨ ‘ਤੇ ਸੁਣਵਾਈਲਾਹੌਰ ਹਾਈ ਕੋਰਟ ਨੇ ਸਿੱਖ ਜੱਥੇ ਨਾਲ ਪਾਕਿਸਤਾਨ ਦੇ ਗੁਰੂਘਰਾਂ ਦੇ ਦਰਸ਼ਨਾਂ ਦੇ ਬਹਾਣੇ ਜਾਕੇ ਮੁਸਲਿਮ ਸ਼ਖਸ ਨਾ ਨਿਕਾਹ ਕਰਨ ਵਾਲੀ ਪੰਜਾਬੀ ਔਰਤ ਸਰਬਜੀਤ ਕੌਰ ਦੇ ਭਾਰਤੀ ਪਤੀ ਕਰਨੈਲ ਸਿੰਘ ਵੱਲੋਂ ਦਾਇਰ ਪਟੀਸ਼ਨ ‘ਤੇ ਸੁਣਵਾਈ ਕੀਤੀ। ਇਸ ਮਾਮਲੇ ਦੀ ਸੁਣਵਾਈ ਜੱਜ ਫਾਰੂਕ ਹੈਦਰ ਦੀ ਅਦਾਲਤ ਵਿੱਚ ਇਤਰਾਜ਼ ਪਟੀਸ਼ਨ ਵਜੋਂ ਹੋਈ।ਜਾਣਕਾਰੀ ਲਈ ਦੱਸ ਦੇਈਏ ਕਿ ਸਰਬਜੀਤ ਦੇ ਪਤੀ ਨੇ ਹਾਲ ਹੀ ਵਿੱਚ ਵਕੀਲ ਅਲੀ ਚੰਗੇਜ਼ੀ ਸੰਧੂ ਰਾਹੀਂ ਲਾਹੌਰ ਹਾਈ ਕੋਰਟ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ ਹੈ। ਵਕੀਲ ਅਲੀ ਚੰਗੇਜ਼ੀ ਸੰਧੂ ਅਤੇ ਮੁਹੰਮਦ ਨਵਾਜ਼ ਸ਼ੇਖ ਨੇ ਰਜਿਸਟਰਾਰ ਦਫ਼ਤਰ ਵੱਲੋਂ ਉਠਾਏ ਗਏ ਇਤਰਾਜ਼ਾਂ ਵਿਰੁੱਧ ਆਪਣੀਆਂ ਦਲੀਲਾਂ ਪੇਸ਼ ਕੀਤੀਆਂ।
ਲਾਹੌਰ ਹਾਈ ਕੋਰਟ ਨੇ ਸਾਰੀਆਂ ਪਟੀਸ਼ਨਾਂ ਅਤੇ ਰਿਕਾਰਡ ਮਾਰਚ, 2026 ਤੱਕ ਜਮ੍ਹਾਂ ਕਰਨ ਦਾ ਹੁਕਮ ਦਿੱਤਾ ਹੈ ਤਾਂ ਜੋ ਮਾਮਲੇ ਨੂੰ ਮੈਰਿਟ ਦੇ ਆਧਾਰ ‘ਤੇ ਹੱਲ ਕੀਤਾ ਜਾ ਸਕੇ ਅਤੇ ਵੱਖ-ਵੱਖ ਅਦਾਲਤਾਂ ਦੇ ਵਿਰੋਧੀ ਫੈਸਲਿਆਂ ਤੋਂ ਵੀ ਬੱਚਿਆ ਜਾ ਸਕੇ।
ਸੁਣਵਾਈ ਦਾ ਸਾਰ
ਲਾਹੌਰ ਹਾਈ ਕੋਰਟ ਨੇ ਹੁਕਮ ਦਿੱਤਾ ਕਿ ਸਾਰੀਆਂ ਪਟੀਸ਼ਨਾਂ ਅਤੇ ਅਦਾਲਤੀ ਰਿਕਾਰਡਾਂ ਦੀਆਂ ਪੂਰੀਆਂ ਕਾਪੀਆਂ ਪੇਸ਼ ਕੀਤੀਆਂ ਜਾਣ ਤਾਂ ਜੋ ਕੇਸ ਦਾ ਫੈਸਲਾ ਇਸਦੀ ਮੈਰਿਟ ਦੇ ਆਧਾਰ ‘ਤੇ ਕੀਤਾ ਜਾ ਸਕੇ। ਇਹ ਹੁਕਮ ਵਿਸ਼ੇਸ਼ ਤੌਰ ‘ਤੇ ਸਰਬਜੀਤ ਕੌਰ ਅਤੇ ਨਾਸਿਰ ਹੁਸੈਨ ਦੇ ਮਾਮਲੇ ਵਿੱਚ ਦਿੱਤਾ ਗਿਆ ਹੈ।
ਵਕੀਲ ਅਲੀ ਚੰਗੇਜ਼ੀ ਸੰਧੂ ਦੇ ਇਤਰਾਜ਼ਾਂ ਦੇ ਵਿਰੁੱਧ ਦਲੀਲਾਂ ਪੇਸ਼ ਕੀਤੀਆਂ, ਜਿਸ ਵਿੱਚ ਉਨ੍ਹਾਂ ਨੇ ਸਪੈਸ਼ਲ ਪਾਵਰ ਆਫ਼ ਅਟਾਰਨੀ ਐਕਟ 1882 ਅਤੇ ਅੰਤਰਰਾਸ਼ਟਰੀ ਕਾਨੂੰਨ, ਜਿਵੇਂ ਕਿ ਯੁਨੀਵਰਸਲ ਡਿਕਲੇਰੇਸ਼ਨ ਆਫ ਹਿਊਮਨ ਰਾਈਟਸ ਅਤੇ ਸੰਯੁਕਤ ਰਾਸ਼ਟਰ ਦਾ ਸਿਿਲ ਅਤੇ ਸਿਆਸੀ ਕਨਵੈਨਸ਼ਨ ਦਾ ਹਵਾਲਾ ਦਿੱਤਾ।
ਅਦਾਲਤ ਵਿੱਚ ਵਿਚਾਰੇ ਗਏ ਮੁੱਖ ਨੁਕਤੇ:
ਜੱਜ: ਪਾਕਿਸਤਾਨ ਵਿੱਚ ਵਿਦੇਸ਼ੀਆਂ ਦੁਆਰਾ ਸਪੈਸ਼ਲ ਪਾਵਰ ਆਫ਼ ਅਟਾਰਨੀ ਕਿਵੇਂ ਲਾਗੂ ਕੀਤੀ ਜਾਂਦੀ ਹੈ?
ਵਕੀਲ: ਪਾਕਿਸਤਾਨ ਦਾ ਸਪੈਸ਼ਲ ਪਾਵਰ ਆਫ਼ ਅਟਾਰਨੀ ਐਕਟ 1882 ਵਿਦੇਸ਼ੀ ਲੋਕਾਂ ਦੁਆਰਾ ਦਸਤਾਵੇਜ਼ਾਂ ਪੇਸ਼ ਕਰਨ ‘ਤੇ ਪਾਬੰਦੀ ਨਹੀਂ ਲਗਾਉਂਦਾ ਹੈ। ਇਸ ਲਈ, ਇੱਕ ਵਿਦੇਸ਼ੀ ਪਾਕਿਸਤਾਨ ਵਿੱਚ ਇੱਕ ਵਿਸ਼ੇਸ਼ ਪਾਵਰ ਆਫ਼ ਅਟਾਰਨੀ ਦੇ ਸਕਦਾ ਹੈ।
ਜੱਜ: ਸਰਬਜੀਤ ਕੌਰ ਨੇ ਲਾਹੌਰ ਹਾਈ ਕੋਰਟ ਵਿੱਚ ਕਈ ਪਟੀਸ਼ਨਾਂ ਕਿਵੇਂ ਦਾਇਰ ਕੀਤੀਆਂ?
ਵਕੀਲ: ਸਰਬਜੀਤ ਕੌਰ ਨੇ ਆਪਣੇ ਕਥਿਤ ਪਾਕਿਸਤਾਨੀ ਪਤੀ, ਨਾਸਿਰ ਹੁਸੈਨ ਰਾਹੀਂ ਕਈ ਪਟੀਸ਼ਨਾਂ ਦਾਇਰ ਕੀਤੀਆਂ। ਉਸਨੇ ਸਪੱਸ਼ਟ ਕੀਤਾ ਕਿ ਨਾਸਿਰ ਹੁਸੈਨ ਇੱਕ ਪਾਕਿਸਤਾਨੀ ਨਾਗਰਿਕ ਹੈ ਅਤੇ ਸਰੀਰਕ ਤੌਰ ‘ਤੇ ਪਾਕਿਸਤਾਨ ਵਿੱਚ ਮੌਜੂਦ ਹੈ, ਜਦੋਂ ਕਿ ਕਰਨੈਲ ਸਿੰਘ ਅਜਿਹਾ ਨਹੀਂ ਕਰ ਸਕਦਾ ਕਿਉਂਕਿ ਉਹ ਪਾਕਿਸਤਾਨ ਵਿੱਚ ਨਹੀਂ ਹੈ।
ਜੱਜ: ਕੁੱਲ ਕਿੰਨੀਆਂ ਪਟੀਸ਼ਨਾਂ ਦਾਇਰ ਕੀਤੀਆਂ ਗਈਆਂ ਹਨ?
ਵਕੀਲ: ਸਰਬਜੀਤ ਕੌਰ ਦੇ ਮਾਮਲੇ ਵਿੱਚ ਕਈ ਪਟੀਸ਼ਨਾਂ ਦਾਇਰ ਕੀਤੀਆਂ ਗਈਆਂ ਹਨ, ਸਾਰੀਆਂ ਵੱਖ-ਵੱਖ ਪ੍ਰਾਰਥਨਾਵਾਂ ਅਤੇ ਆਧਾਰਾਂ ਨਾਲ।
ਜੱਜ: ਅਗਲੀ ਅਦਾਲਤ ਦੀ ਤਾਰੀਖ: 6 ਮਾਰਚ, 2026 – ਸਾਰੀਆਂ ਪਟੀਸ਼ਨਾਂ ਦੀਆਂ ਕਾਪੀਆਂ ਜਮ੍ਹਾਂ ਕੀਤੀਆਂ ਜਾਣੀਆਂ ਹਨ।
ਪਟੀਸ਼ਨ ਦੀ ਮੁੱਖ ਸਮੱਗਰੀ:
ਸਰਬਜੀਤ ਕੌਰ ਦੇ ਭਾਰਤੀ ਪਤੀ ਕਰਨੈਲ ਸਿੰਘ ਨੇ ਲਾਹੌਰ ਹਾਈ ਕੋਰਟ ਵਿੱਚ ਇੱਕ ਪਟੀਸ਼ਨ ਦਾਇਰ ਕੀਤੀ।
ਮੰਗ: ਸਰਬਜੀਤ ਕੌਰ ਅਤੇ ਨਾਸਿਰ ਹੁਸੈਨ ਦੇ ਵਿਆਹ ਨੂੰ ਰੱਦ ਕੀਤਾ ਜਾਵੇ।
ਕਾਰਨ: ਸਰਬਜੀਤ ਨੇ ਸੰਘੀ ਸ਼ਰੀਅਤ ਅਦਾਲਤ ਅਤੇ ਸੰਵਿਧਾਨਕ ਅਦਾਲਤ ਦੁਆਰਾ ਨਿਰਧਾਰਤ ਕਾਨੂੰਨੀ ਪ੍ਰਕਿਰਿਆ ਦੀ ਪਾਲਣਾ ਨਹੀਂ ਕੀਤੀ।
ਐਡਵੋਕੇਟ ਅਲੀ ਚੰਗੇਜ਼ੀ ਸੰਧੂ ਦੀਆਂ ਦਲੀਲਾਂ
ਵਿਆਹ ਲਈ ਜ਼ਰੂਰੀ ਹੈ ਕਿ ਗੈਰ-ਮੁਸਲਿਮ ਔਰਤ ਪਹਿਲਾਂ ਆਪਣੇ ਘਰੇਲੂ ਕਾਨੂੰਨ ਅਨੁਸਾਰ ਨਿਆਂਇਕ ਤਲਾਕ ਲਵੇ। ਫਿਰ ਗੈਰ-ਮੁਸਲਿਮ ਪਤੀ ਨੂੰ ਉਸਨੂੰ ਇਸਲਾਮ ਕਬੂਲ ਕਰਨ ਲਈ ਸੱਦਾ ਦੇਣਾ ਹੋਵੇਗ ਅਤੇ 90 ਦਿਨ ਉਡੀਕ ਕਰਨੀ ਪਵੇਗੀ। ਤਲਾਕ ਤੋਂ ਬਿਨਾਂ ਦੂਜੇ ਵਿਆਹ ਵਿੱਚ ਕਿਸੇ ਵੀ ਜਿਨਸੀ ਸੰਬੰਧ ਨੂੰ ਜ਼ਿਨਾਹ ਮੰਨਿਆ ਜਾਵੇਗਾ।
ਕਰਨੈਲ ਸਿੰਘ ਦੀ ਮੰਗ:
ਨਾਸਿਰ ਹੁਸੈਨ ਵਿਰੁੱਧ ਬਲਾਤਕਾਰ ਅਤੇ ਇਸਲਾਮੀ ਕਾਨੂੰਨ ਦੀਆਂ ਹੋਰ ਉਲੰਘਣਾਵਾਂ ਦੇ ਆਰੋਪਾਂ ਦੀ ਜਾਂਚ ਕੀਤੀ ਜਾਵੇ।
ਸਰਬਜੀਤ ਕੌਰ ਨੂੰ ਦੇਸ਼ ਨਿਕਾਲਾ ਦੇਣ ਦਾ ਨਿਰਦੇਸ਼ ਦਿੱਤਾ ਜਾਵੇ।
ਉਸਦੇ ਬੱਚਿਆਂ ਅਤੇ ਕਰਨੈਲ ਸਿੰਘ ਨੂੰ ਸੰਪਰਕ ਕਰਨ ਦੀ ਆਗਿਆ ਦਿੱਤੀ ਜਾਵੇ।
ਮੁਕੱਦਮੇ ਦੌਰਾਨ ਸਰਬਜੀਤ ਨੂੰ ਮਹਿਲਾ ਸ਼ੈਲਟਰ ਵਿੱਚ ਰੱਖਿਆ ਜਾਵੇ।
ਨੱਥੀ ਨਗਨ ਵੀਡੀਓ ਅਤੇ ਫੋਟੋਆਂ ਦੀ ਵੌਇਸ ਫੋਰੈਂਸਿਕ ਜਾਂਚ।
ਵਿੱਤੀ ਅਤੇ ਹੋਰ ਸਬੂਤ:
ਨਾਸਿਰ ਹੁਸੈਨ ਨੇ ਆਪਣੇ ਰਿਸ਼ਤੇਦਾਰਾਂ ਨਾਲ ਸਰਬਜੀਤ ਦੇ ਨਗਨ ਵੀਡੀਓ ਅਤੇ ਫੋਟੋਆਂ ਸਾਂਝੀਆਂ ਕੀਤੀਆਂ।