ਮਿਲਿੰਦ ਨੇ ਪ੍ਰਿਆ ਮਲਿਕ ਨੂੰ ਓਲੰਪਿਕ ‘ਚ ਗੋਲਡ ਮੈਡਲ ਜਿੱਤਣ ‘ਤੇ ਦਿੱਤੀ ਵਧਾਈ, ਪਰ ਹੋ ਗਈ ਟਰੋਲ

ਮੁੰਬਈ : ਮਾਡਲ – ਅਦਾਕਾਰ ਮਿਲਿੰਦ ਸੋਮਨ ਐਤਵਾਰ ਨੂੰ ਭਾਰਤੀ ਪਹਿਲਵਾਨ ਪ੍ਰਿਆ ਮਲਿਕ ਨੂੰ ਵਧਾਈ ਮੈਸੇਜ਼ ਟਵੀਟ ਕਰਨ ਤੋਂ ਬਾਅਦ ਟਰੋਲ ਹੋ ਗਏ। ਦਰਅਸਲ ਮਲਿਕ ਨੇ ਹੰਗਰੀ ‘ਚ ਹੋਈ ਵਰਲਡ ਕੈਡੇਟ ਰੈਸਲਿੰਗ ਚੈਂਪੀਅਨਸ਼ਿਪ 2021 ‘ਚ ਗੋਲਡ ਮੈਡਲ ਹਾਸਲ ਕੀਤਾ ਸੀ। ਹਾਲਾਂਕਿ ਸੋਮਨ ਨੇ ਇੱਕ ਅਲੱਗ ਟਵੀਟ ‘ਚ ਮੁਆਫੀ ਮੰਗਦੇ ਹੋਏ ਕਿਹਾ ਕਿ ਉਨ੍ਹਾਂ ਨੂੰ ਟਵੀਟ ਕਰਨ ਤੋਂ ਪਹਿਲਾਂ ਜਾਂਚ ਕਰ ਲੈਣੀ ਚਾਹੀਦੀ ਸੀ। ਸੋਮਨ ਨੇ ਐਤਵਾਰ ਨੂੰ ਟਵੀਟ ਕੀਤਾ ‘‘ਧੰਨਵਾਦ ਪ੍ਰਿਆ ਮਲਿਕ। ਹੈਸ਼ਟੈਗ ਗੋਲਡ ਹੈਸ਼ਟੈਗ ਟੋਕੀਓ ਓਲੰਪਿਕ।’’

ਲਓ ਕਿਸਾਨਾਂ ਨੇ ਲੈ ਲਿਆ ਬਦਲਾ….! D5 Channel Punjabi

ਉਨ੍ਹਾਂ ਦੀ ਪੋਸਟ ‘ਤੇ ਟਿੱਪਣੀ ਕਰਦੇ ਹੋਏ, ਨੈਟੀਜਨਸ ਨੇ ਉਨ੍ਹਾਂ ਨੂੰ ਗਲਤ ਜਾਣਕਾਰੀ ਸਾਂਝੀ ਕਰਨ ਲਈ ਟਰੋਲ ਕੀਤਾ ਅਤੇ ਉਨ੍ਹਾਂ ਨੂੰ ਟਵੀਟ ਨੂੰ ਹਟਾਉਣ ਦੀ ਅਪੀਲ ਕੀਤੀ। ਇੱਕ ਯੂਜ਼ਰ ਨੇ ਲਿਖਿਆ, ‘‘ਸਰ ਇਹ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ਹੈ, ਓਲੰਪਿਕ ਨਹੀਂ, ਇਹ ਹੰਗਰੀ ‘ਚ ਆਯੋਜਿਤ ਕੀਤੀ ਜਾਂਦੀ ਹੈ।’’ ਇੱਕ ਹੋਰ ਯੂਜ਼ਰ ਨੇ ਸੁਝਾਅ ਦਿੱਤਾ, ‘‘ਕ੍ਰਿਪਾ ਥੋੜ੍ਹਾ ਗੂਗਲ ਕਰੋ ਅਤੇ ਪਤਾ ਕਰੋ ਕਿ ਉਸਨੇ ਕਿਸ ਵਿਸ਼ਵ ਖੇਡ ਮੁਕਾਬਲੇ ‘ਚ ਜਿੱਤ ਹਾਸਲ ਕੀਤੀ। ਇਸਦੇ ਬਾਰੇ ‘ਚ ਜਾਣੇ ਬਿਨਾਂ ਵਧਾਈ ਟਵੀਟ ਪੋਸਟ ਕਰਨਾ ਲਾਜ਼ਮੀ ਨਹੀਂ ਹੈ।’ ਇੱਕ ਹੋਰ ਯੂਜ਼ਰ ਨੇ ਟਿੱਪਣੀ ਕੀਤੀ ‘ਸਰ ਕ੍ਰਿਪਾ ਕਰਕੇ ਇਸਨੂੰ ਹਟਾ ਦਿਓ। ਉਸਨੇ ਹੰਗਰੀ ‘ਚ ਵਿਸ਼ਵ ਚੈਂਪੀਅਨਸ਼ਿਪ ਜਿੱਤੀ। ਇੱਥੇ ਤੱਕ ਕਿ ਮੈਂ ਵੀ ਸ਼ੁਰੂ ‘ਚ ਉਤਸ਼ਾਹਿਤ ਹੋ ਗਿਆ ਸੀ।’’

ਪਾਰਲੀਮੈਂਟ ਵੱਲ ਜਾਂਦੇ ਕਿਸਾਨਾਂ ‘ਤੇ ਪੁਲਿਸ ਦਾ ਵੱਡਾ ਐਕਸ਼ਨ || D5 Channel Punjabi

ਇਸਦਾ ਜਵਾਬ ਦਿੰਦੇ ਹੋਏ ਸੋਮਨ ਨੇ ਲਿਖਿਆ, ‘‘ਮੈਨੂੰ ਪਤਾ ਹੈ, ਮੈਂ ਹੁਣ ਵੀ ਖੁਸ਼ ਹਾਂ ਅਤੇ ਮੈਂ ਟਵੀਟ ਨੂੰ ਡਿਲੀਟ ਨਹੀਂ ਕਰਾਂਗਾ, ਕਦੇ – ਕਦੇ ਗਲਤੀ ਕਰਨਾ ਠੀਕ ਹੁੰਦਾ ਹੈ।’’ ਇੱਕ ਅਲੱਗ ਟਵੀਟ ‘ਚ ਮਾਡਲ – ਅਦਾਕਾਰ ਨੇ ਵਿਅਕਤ ਕੀਤਾ, ‘‘ਮਾਫ ਕਰੋ, ਟਵੀਟ ਕਰਨ ਤੋਂ ਪਹਿਲਾਂ ਜਾਂਚ ਕਰਨੀ ਚਾਹੀਦੀ ਸੀ, ਪਰ ਖੁਸ਼ੀ ਨਾਲ ਹਾਵੀ ਹੋ ਗਿਆ ਸੀ। ਪ੍ਰਿਆ ਮਲਿਕ ਨੇ ਵਿਸ਼ਵ ਕੁਸ਼ਤੀ ਚੈਂਪੀਅਨਸ਼ਿਪ ‘ਚ ਗੋਲਡ ਜਿੱਤਿਆ। ’’

Thank you Priya Malik! #gold #TokoyoOlympics #wrestling welcome to Mt Olympus 👏👏👏👏🙂

— Milind Usha Soman (@milindrunning) July 25, 2021