ਭਾਰਤੀ ਪਹਿਲਵਾਨ ਅੰਤਿਮ ਪੰਘਾਲ ਦੀ ਪੈਰਿਸ ਓਲੰਪਿਕ ਵਿਲੇਜ ਦੀ ਮਾਨਤਾ ਰੱਦ ਕਰ ਦਿੱਤੀ ਗਈ ਹੈ ਅਤੇ ਉਨ੍ਹਾਂ ਨੂੰ ਪੈਰਿਸ ਛੱਡਣ ਦਾ ਹੁਕਮ ਦੇ ਦਿੱਤਾ ਗਿਆ ਹੈ। ਇਸ ਦੇ ਪਿੱਛੇ ਦੀ ਵਜ੍ਹਾ, ਉਨ੍ਹਾਂ ਦੀ ਭੈਣ ਹੈ, ਜਿਸ ਨੂੰ ਸੁਰੱਖਿਆ ਅਧਿਕਾਰੀਆਂ ਨੇ ਗਲਤ ਐਕਰੀਡੇਸ਼ਨ ਕਾਰਡ ਦੀ ਵਰਤੋਂ ਕਰਕੇ ਕੈਂਪਸ ਵਿਚ ਦਾਖਲ ਹੋਣ ਲਈ ਫੜ ਲਿਆ ਸੀ।
ਅੰਤਿਮ ਦੀ ਭੈਣ ਨਿਸ਼ਾ ਪੰਘਾਲ ਨੂੰ ਉਨ੍ਹਾਂ ਦੇ ਅਪਰਾਧ ਦੇ ਲਈ ਪੈਰਿਸ ਪੁਲਿਸ ਨੇ ਥੋੜ੍ਹੇ ਸਮੇਂ ਲਈ ਹਿਰਾਸਤ ਵਿੱਚ ਲਿਆ ਸੀ, ਪਰ ਬਾਅਦ ਵਿੱਚ ਭਾਰਤੀ ਓਲੰਪਿਕ ਸੰਘ (IOA) ਦੇ ਦਖਲ ਦੇਣ ਤੋਂ ਬਾਅਦ ਇੱਕ ਚੇਤਾਵਨੀ ਦੇ ਕੇ ਛੱਡ ਦਿੱਤਾ ਗਿਆ ਸੀ। ਹਾਲਾਂਕਿ, ਇਸ ਘਟਨਾ ਤੋਂ ਬਾਅਦ IOA ਨੇ ਅੰਤਿਮ ਨੂੰ ਆਪਣੇ ਕੋਚ, ਭਰਾ ਅਤੇ ਭੈਣ ਸਮੇਤ ਪੈਰਿਸ ਛੱਡਣ ਦਾ ਨਿਰਦੇਸ਼ ਦਿੱਤਾ ਹੈ।
ਪੰਘਾਲ ਲਈ 7 ਅਗਸਤ ਦਾ ਦਿਨ ਚੰਗਾ ਨਹੀਂ ਰਿਹਾ ਕਿਉਂਕਿ ਪੈਰਿਸ 2024 ਵਿੱਚ ਉਨ੍ਹਾਂ ਦੀ ਓਲੰਪਿਕ ਸ਼ੁਰੂਆਤ ਬੁੱਧਵਾਰ ਨੂੰ ਚੈਂਪ-ਡੇ-ਮਾਰਸ ਅਰੇਨਾ ਵਿੱਚ 53 ਕਿਲੋਗ੍ਰਾਮ ਕੁਸ਼ਤੀ ਮੁਕਾਬਲੇ ਦੇ ਪਹਿਲੇ ਦੌਰ ਵਿੱਚ ਹਾਰ ਦੇ ਨਾਲ ਖਤਮ ਹੋ ਗਈ। ਅੰਤਿਮ ਪੰਘਾਲ ਆਪਣੇ ਨਿੱਜੀ ਕੋਚ ਅਤੇ ਸਪੈਰਿੰਗ ਪਾਰਟਨਰ ਨੂੰ ਮਿਲਣ ਗਈ ਸੀ, ਜਦ ਕਿ ਉਨ੍ਹਾਂ ਨੇ ਆਪਣੀ ਭੈਣ ਨਿਸ਼ਾ ਨੂੰ ਕਿਹਾ ਸੀ ਕਿ ਉਹ ਐਕਰੀਡੇਸ਼ਨ ਦੀ ਵਰਤੋਂ ਕਰਕੇ ਪੈਰਿਸ ਗੇਮਸ ਵਿਲੇਜ ਤੋਂ ਆਪਣਾ ਸਮਾਨ ਲੈ ਆਵੇ।
ਅੰਤਿਮ ਪੰਘਾਲ ਨੂੰ ਮਹਿਲਾ ਫ੍ਰੀਸਟਾਈਲ 53 ਕਿਲੋਗ੍ਰਾਮ ਦੇ ਸ਼ੁਰੂਆਤੀ ਦੌਰ ਵਿੱਚ 0-10 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਫਾਈਨਲ ਮੁਕਾਬਲਾ ਤੁਰਕੀ ਦੇ ਯੇਨੇਪ ਯੇਟਗਿਲ ਨਾਲ ਸੀ। ਹੁਣ ਉਨ੍ਹਾਂ ਦੀ ਭੈਣ ਨੂੰ ਪੈਰਿਸ ਪੁਲਿਸ ਨੇ ਤਲਬ ਕੀਤਾ ਹੈ। ਉੱਥੇ ਹੀ 19 ਸਾਲਾ ਖਿਡਾਰਣ ਦੀ ਰੇਪਚੇਜ ਰਾਹੀਂ ਬ੍ਰਾਂਜ ਮੈਡਲ ਦੀ ਦੌੜ ਵਿੱਚ ਬਣੇ ਰਹਿਣ ਦੀ ਉੱਮੀਦ ਉਦੋਂ ਟੁੱਟ ਗਈ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
