ਤਾਮਿਲਨਾਡੂ ਦੇ ਪ੍ਰਾਈਵੇਟ ਸਕੂਲ ਅੰਦਰ ਵਿਦਿਆਰਥਣ ਨਾਲ ਜ਼ਬਰ ਜ਼ਿਨਾਹ

ਤਾਮਿਲਨਾਡੂ : ਕੋਲਕਾਤਾ ‘ਚ ਮਹਿਲਾ ਡਾਕਟਰ ਨਾਲ ਹੋਈ ਬੇਰਹਿਮੀ ਤੋਂ ਬਾਅਦ ਦੇਸ਼ ਭਰ ‘ਚ ਔਰਤਾਂ ਦੀ ਸੁਰੱਖਿਆ ‘ਤੇ ਸਵਾਲ ਖੜ੍ਹੇ ਹੋ ਗਏ ਹਨ। ਇਸੇ ਦੌਰਾਨ ਤਾਮਿਲਨਾਡੂ ਦੇ ਇੱਕ ਨਿੱਜੀ ਸਕੂਲ ਵਿੱਚ 8ਵੀਂ ਜਮਾਤ ਦੀ ਵਿਦਿਆਰਥਣ ਨਾਲ ਬਲਾਤਕਾਰ ਦੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ NCC ਅਧਿਕਾਰੀ ‘ਤੇ ਨਾਬਾਲਗ ਨਾਲ ਬਲਾਤਕਾਰ ਕਰਨ ਦਾ ਦੋਸ਼ ਹੈ।ਸਕੂਲ ਦੇ ਪ੍ਰਿੰਸੀਪਲ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਮਾਪਿਆਂ ਦੀ ਸ਼ਿਕਾਇਤ ਤੋਂ ਬਾਅਦ ਬਰਗਾੜੀ ਪੁਲੀਸ ਨੇ ਪ੍ਰਿੰਸੀਪਲ ਨੂੰ ਮੁਲਜ਼ਮ ਸਮੇਤ ਗ੍ਰਿਫ਼ਤਾਰ ਕਰ ਲਿਆ ਹੈ।

ਘਟਨਾ 8 ਅਗਸਤ ਦੀ ਹੈ। ਐਨ.ਸੀ.ਸੀ ਕੈਂਪ 5 ਤੋਂ 9 ਅਗਸਤ ਤੱਕ ਲਗਾਇਆ ਗਿਆ। ਨਾਬਾਲਗ 16 ਹੋਰ ਵਿਦਿਆਰਥਣਾਂ ਦੇ ਨਾਲ ਇਸ ਵਿੱਚ ਸ਼ਾਮਲ ਸੀ। ਸਾਰੇ ਐਨ.ਸੀ.ਸੀ. ਕੈਡਿਟ ਸਕੂਲ ਵਿੱਚ ਹੀ ਠਹਿਰਦੇ ਸਨ ਅਤੇ ਆਡੀਟੋਰੀਅਮ ਵਿੱਚ ਸੌਂਦੇ ਸਨ। ਦੋਸ਼ ਹੈ ਕਿ 30 ਸਾਲਾ ਐਨਸੀਸੀ ਅਧਿਕਾਰੀ ਸ਼ਿਵਰਾਮਨ ਨੇ ਵਿਦਿਆਰਥਣ ਨੂੰ ਆਡੀਟੋਰੀਅਮ ਦੇ ਬਾਹਰ ਬੁਲਾਇਆ ਅਤੇ ਉਸ ਦਾ ਜਿਨਸੀ ਸ਼ੋਸ਼ਣ ਕੀਤਾ। ਜਦੋਂ ਵਿਦਿਆਰਥਣ ਨੇ ਇਸ ਦੀ ਸ਼ਿਕਾਇਤ ਪ੍ਰਿੰਸੀਪਲ ਸਤੀਸ਼ ਕੁਮਾਰ ਨੂੰ ਕੀਤੀ ਤਾਂ ਉਨ੍ਹਾਂ ਚੁੱਪ ਰਹਿਣ ਅਤੇ ਮਾਮਲੇ ਨੂੰ ਦਬਾਉਣ ਲਈ ਕਿਹਾ। ਕੈਂਪ ਖਤਮ ਕਰਕੇ ਵਿਦਿਆਰਥਣ ਘਰ ਪਹੁੰਚ ਗਈ। ਉਸ ਦੀ ਸਿਹਤ ਵਿਗੜਨ ਲੱਗੀ। ਸਕੂਲ ਦੇ ਪ੍ਰਿੰਸੀਪਲ ਅਤੇ ਐਨ ਸੀ ਸੀ ਅਧਿਕਾਰੀ ਨੂੰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਜਾਂਚ ਚਲ ਰਹੀ ਹੈ।