ਕੈਬਨਿਟ ਮੰਤਰੀ ਮਨਪ੍ਰੀਤ ਬਾਦਲ ਦੀ DGP ਨੂੰ ਸਲਾਹ
ਬਠਿੰਡਾ : ਖ਼ਜ਼ਾਨਾ-ਮੰਤਰੀ ਮਨਪ੍ਰੀਤ ਬਾਦਲ ਨੇ ਪੰਜਾਬ ਦੇ ਡੀਜੀਪੀ ਨੂੰ ਸਲਾਹ ਦਿੱਤੀ ਹੈ ਕਿ ਪੁਲਿਸ ਫੋਰਸ ‘ਚ ਸ਼ਾਮਿਲ ਮੁਲਾਜ਼ਮਾਂ ਨੂੰ ਮੁਲਾਜ਼ਮ ਕਹਿਣ ਦੀ ਬਜਾਏ ਜਵਾਨ ਜਾਂ ਸ਼ੇਰ ਕਹਿ ਕੇ ਬੁਲਾਇਆ ਜਾਵੇ ਕਿਉਂਕਿ ਇਹ ਲੋਕ ਆਪਣੇ ਸਮਾਜ ਦੀ ਰੱਖਿਆ ਲਈ ਆਪਣੀ ਜਾਨ ਕੁਰਬਾਨ ਕਰਨ ਨੂੰ ਤਿਆਰ ਰਹਿਣ ਵਾਲੇ ਹਨ। ਇਹ ਜਵਾਨ ਹੁੰਦੇ ਹਨ ਅਤੇ ਇਨ੍ਹਾਂ ਦਾ ਰੁਤਬਾ ਇੱਕ ਮੁਲਾਜ਼ਮ ਤੋਂ ਕਿਤੇ ਉੱਚਾ ਹੈ। ਖ਼ਜ਼ਾਨਾ-ਮੰਤਰੀ ਮਨਪ੍ਰੀਤ ਬਾਦਲ ਨੇ ਐਤਵਾਰ ਨੂੰ ਜਿਲ੍ਹੇ ਭਰ ‘ਚ ਪੁਲਿਸ ਨਾਕਿਆਂ ‘ਤੇ ਤੈਨਾਤ ਪੁਲਿਸ ਮੁਲਾਜ਼ਮਾਂ ਦੇ ਕੋਲ ਪਹੁੰਚ ਕੇ ਉਨ੍ਹਾਂ ਦਾ ਮਾਣ ਕੀਤਾ ਅਤੇ ਉਨ੍ਹਾਂ ਦੀ ਹੌਸਲਾ ਅਫਜਾਈ ਕੀਤੀ।
Patiala Police Vs Nihang | ਕੈਬਨਿਟ ਮੰਤਰੀ Manpreet Badal ਦੀ DGP ਨੂੰ ਸਲਾਹ | D5 Channel Punjabi
ਵਿੱਤ ਮੰਤਰੀ ਨੇ ਕਿਹਾ ਕਿ ਸਾਨੂੰ ਸਾਡੀ ਬਹਾਦਰ ਫੋਰਸ ‘ਤੇ ਮਾਣ ਹੈ ਅਤੇ ਪਟਿਆਲਾ ਵਰਗੀ ਘਟਨਾ ਇਸ ਫੋਰਸ ਦੇ ਹੌਂਸਲੇ ਘੱਟ ਨਹੀਂ ਕਰ ਸਕਦੀ। ਵਿੱਤ ਮੰਤਰੀ ਨੇ ਕਿਹਾ ਕਿ ਆਪਣੇ ਲੋਕਾਂ ਨੂੰ ਕੋਵਿਡ – 19 ਤੋਂ ਬਚਾਉਣ ਲਈ ਸਾਡੀ ਪੁਲਿਸ ਫੋਰਸ ਦੇ ਜਵਾਨ ਸਖ਼ਤ ਡਿਊਟੀ ਦੇ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਾਡੇ ਪੂਰੇ ਸਮਾਜ ਲਈ ਇੱਕ ਚੁਣੋਤੀ ਭਰਪੂਰ ਸਮਾਂ ਹੈ ਅਤੇ ਨਾਗਰਿਕਾਂ ਨੂੰ ਵੀ ਪ੍ਰਸ਼ਾਸਨ ਦੇ ਨਾਲ ਸਹਿਯੋਗ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਸ ਬਿਮਾਰੀ ਨੂੰ ਪੈਸਿਆਂ ਨਾਲ ਨਹੀਂ ਸਗੋਂ ਅਨੁਸ਼ਾਸਨ ਦੇ ਨਾਲ ਘਰਾਂ ‘ਚ ਰਹਿਕੇ ਹੀ ਫੈਲਣ ਤੋਂ ਰੋਕਿਆ ਜਾ ਸਕਦਾ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
