ਇਹ ਕੰਪਨੀ ਤੁਹਾਨੂੰ ਟਾਫੀ ਖਾਣ ਦੀ ਦੇ ਰਹੀ ਹੈ 8 ਲੱਖ ਰੁਪਏ ਸੈਲਰੀ

ਕੈਨੇਡਾ : ਇੱਕ ਕੰਪਨੀ ਨੇ ਅਜਿਹੀ ਨੌਕਰੀ ਕੱਢੀ ਹੈ, ਜਿੱਥੇ ਤੁਸੀਂ ਬਸ ਬੈਠ ਕੇ ਟਾਫੀ ਖਾਣੀ ਹੈ ਅਤੇ ਇਸਦੇ ਬਦਲੇ ਮੋਟੀ ਸੈਲਰੀ ਵੀ ਮਿਲੇਗੀ। ਤੁਸੀਂ ਵੀ ਸੋਚ ਰਹੇ ਹੋਵੋਗੇ ਕਿ ਭਲਾ ਕੰਪਨੀ ਟਾਫੀ ਖਾਣ ਦੀ ਨੌਕਰੀ ਅਤੇ ਮੋਟੀ ਸੈਲਰੀ ਕਿਉਂ ਦੇਵੇਗੀ ? ਪਰ ਇਹ ਖਬਰ ਪੂਰੀ ਤਰ੍ਹਾਂ ਸੱਚ ਹੈ। ਕੈਨੇਡਾ ਦੀ ਟਾਫੀ ਕੰਪਨੀ ਕੈਂਡੀ ਫਨਹਾਊਸ ਇੱਕ ਅਜਿਹੇ ਕਰਮਚਾਰੀ ਦੀ ਤਲਾਸ਼ ਕਰ ਰਹੀ ਹੈ, ਜਿਸਨੂੰ ਟਾਫੀ ਦੇ ਸੁਆਦ ਦੇ ਬਾਰੇ ਵਿੱਚ ਬਖੂਬੀ ਪਤਾ ਹੋਵੇ। ਇਸ ਕੰਮ ਲਈ ਕੰਪਨੀ ਮੋਟੀ ਸੈਲਰੀ ਵੀ ਦੇ ਰਹੀ ਹੈ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਤੁਸੀਂ ਦੁਨੀਆ ਦੇ ਕਿਸੇ ਵੀ ਹਿੱਸੇ ‘ਚ ਰਹਿ ਕੇ ਇਹ ਨੌਕਰੀ ਕਰ ਸਕਦੇ ਹੋ। ਕੈਨੇਡਾ ਦੇ ਓਨਟਾਰੀਓ ਰਾਜ ਦੇ ਮਿਸੀਸਾਗਾ ਸ਼ਹਿਰ ‘ਚ ਇਹ ਕੰਪਨੀ ਸਥਿਤ ਹੈ। ਕੰਪਨੀ ਨੂੰ ਫੁੱਲ ਟਾਈਮ ਅਤੇ ਪਾਰਟ ਟਾਈਮ ਬੇਸਿਸ ‘ਤੇ ਕੈਂਡੀਯੋਲਾਜਿਸਟ ਦੀ ਲੋੜ ਹੈ।

🔴LIVE|ਲਾਲ ਕਿਲ੍ਹੇ ‘ਤੇ ਝੰਡਾ ਲਹਿਰਾਉਣ ਦਾ ਸੱਚ! ਕਿਸਦੀ ਸੀ ਸਾਜਿਸ਼!ਕੇਂਦਰ ਦਾ ਐਕਸ਼ਨ!ਦੀਪ ਸਿੱਧੂ ਦਾ ਸੱਚ ਆਇਆ ਬਾਹਰ!

ਇਹ ਕੈਂਡੀਯੋਲਾਜਿਸਟ ਕੰਪਨੀ ਦੀਆਂ ਬਣਾਈਆਂ ਟਾਫੀਆਂ ਦੇ ਸੁਆਦ ਦੇ ਬਾਰੇ ‘ਚ ਦੁਨੀਆ ਨੂੰ ਦੱਸੇਗਾ । ਆਪਣੇ ਇਸ਼ਤਿਹਾਰ ‘ਚ ਕੰਪਨੀ ਨੇ ਦੱਸਿਆ ਹੈ ਕਿ ਹਰ ਘੰਟੇ ਦੇ ਹਿਸਾਬ ਨਾਲ ਉਹ 47 ਡਾਲਰ ਦੀ ਰਕਮ ਦੇਵੇਗੀ। 8 ਘੰਟੇ ਦੇ ਕੰਮ ਲਈ ਤੁਹਾਨੂੰ ਹਰ ਦਿਨ 376 ਡਾਲਰ ਯਾਨੀ 27,447 ਰੁਪਏ ਕੰਪਨੀ ਦੇਵੇਗੀ। ਇਸ ਤਰ੍ਹਾਂ ਇੱਕ ਮਹੀਨੇ ਵਿੱਚ ਕੰਪਨੀ 8,23,410 ਰੁਪਏ ਦੀ ਸੈਲਰੀ ਦੇਵੇਗੀ। ਜੇਕਰ ਤੁਹਾਨੂੰ ਨੌਕਰੀ ਮਿਲ ਜਾਂਦੀ ਹੈ ਤਾਂ ਤੁਹਾਨੂੰ ਪ੍ਰੋਡਕਟ ਦੀ ਟੈਸਟਿੰਗ ਕਰਨੀ ਹੋਵੇਗੀ ਅਤੇ ਦੱਸਣਾ ਹੋਵੇਗਾ ਕਿ ਇਸ ਟਾਫੀ ‘ਚ ਕੀ ਚੰਗਾ ਅਤੇ ਕੀ ਬੁਰਾ ਹੈ। ਇਸ ਵਿੱਚ ਕਿਸ ਤਰ੍ਹਾਂ ਦਾ ਫਲੇਵਰ ਇਸਤੇਮਾਲ ਕੀਤਾ ਜਾਣਾ ਚਾਹੀਦਾ ਹੈ। ਆਪਣੀ ਵੈਬਸਾਈਟ ‘ਤੇ ਕੰਪਨੀ ਨੇ ਇਸ ਨੌਕਰੀ ਦੇ ਬਾਰੇ ‘ਚ ਇਸ਼ਤਿਹਾਰ ਕੱਢਿਆ ਹੈ। ਇਸਨੂੰ ਅਪਲਾਈ ਕਰਨ ਦੀ ਆਖਰੀ ਤਾਰੀਖ 15 ਫਰਵਰੀ ਹੈ।