ਚੰਡੀਗੜ੍ਹ – ਪੰਜਾਬ ਲੋਕ ਨਿਰਮਾਣ ਮਹਿਕਮਾ (ਬਿਜਲੀ ਵਿੰਗ ) ਵੱਲੋਂ ਸਾਬਕਾ ਕੈਬਨਿਟ ਮੰਤਰੀ ਰਜ਼ੀਆ ਸੁਲਤਾਨਾ ਨੂੰ ਇੱਕ ਪੱਤਰ ਜਾਰੀ ਕਰਕੇ ਮਹਿਕਮੇ ਵੱਲੋਂ ਅਲਾਟ ਕੀਤਾ ਸਾਮਾਨ ਬਿਜਲੀ ਵਿੰਗ ਦੇ ਸਪੁਰਦ ਕਰਨ ਲਈ ਗੁਜ਼ਾਰਿਸ਼ ਕੀਤੀ ਗਈ ਹੈ।
ਜਾਰੀ ਕੀਤੇ ਪੱਤਰ ਵਿੱਚ 670 ਲਿਟਰ ਸੈਮਸੰਗ ਕੰਪਨੀ ਦਾ ਫਰਿੱਜ , ਸੈਮਸੰਗ ਦਾ 49 ਇੰਚ ਦਾ LED TV ਅਤੇ ਇੱਕ ਹੀਟਰ , ਇਨ੍ਹਾਂ ਤਿੰਨ ਵਸਤਾਂ ਦਾ ਜ਼ਿਕਰ ਕੀਤਾ ਗਿਆ ਹੈ। ਇਨ੍ਹਾਂ ਤਿੰਨੋਂ ਚੀਜ਼ਾਂ ਦੀ ਕੁੱਲ ਕੀਮਤ ਰੁਪਏ 5 ਲੱਖ 66 ਹਜ਼ਾਰ 950 ਦੱਸੀ ਗਈ ਹੈ। ਪੱਤਰ ਵਿੱਚ ਲਿਖਿਆ ਹੈ ਕਿ ਬੇਨਤੀ ਕੀਤੀ ਜਾਂਦੀ ਹੈ ਕਿ ਸਾਮਾਨ ਨੂੰ ਵਿਭਾਗ ਦੇ ਪੰਜਾਬ ਸਿਵਲ ਸਕੱਤਰੇਤ -1 , ਸੈਕਟਰ 1 , ਚੰਡੀਗੜ੍ਹ ਸਾਈਕਲ ਸਟੈਂਡ ਵਿੱਚ ਬਣੇ ਸਟੋਰ ਵਿੱਚ ਜਮ੍ਹਾਂ ਕਰਵਾਉਣ ਦੀ ਖੇਚਲ ਕੀਤੀ ਜਾਵੇ ਜਾਂ ਫੇਰ ਸਾਮਾਨ ਦਾ ਕੁੱਲ ਖਰਚਾ ਚੈੱਕ ਜਾਂ ਡੀ ਡੀ ਰਾਹੀਂ ਸਬੰਧਤ ਮਹਿਕਮੇ ਵਿੱਚ ਜਮ੍ਹਾਂ ਕਰਵਾ ਦਿੱਤਾ ਜਾਵੇ ।
ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਾਬਕਾ ਖਜ਼ਾਨਾ ਮੰਤਰੀ ਮਨਪ੍ਰੀਤ ਬਾਦਲ ਨੁੂੰ ਵੀ ਇੱਕ ਅਜਿਹੀ ਚਿੱਠੀ ਲਿਖ ਨੋਟਿਸ ਦਿੱਤਾ ਗਿਆ ਸੀ ਅਤੇ ਜਿਸ ਵਿੱਚ ਉਨ੍ਹਾਂ ਦੀ ਸਰਕਾਰੀ ਰਿਹਾਇਸ਼ ਲਈ ਅਲਾਟ ਕੀਤਾ ਗਿਆ ਸਮਾਨ , ਜਿਸ ਦਾ ਵੇਰਵਾ ਪੱਤਰ ਵਿੱਚ ਦਿੱਤਾ ਗਿਆ ਸੀ , ਗਿਣਤੀ ਵੇਲੇ ਰਿਹਾਇਸ਼ ਵਿੱਚ ਨਹੀਂ ਪਾਇਆ ਗਿਆ ਸੀ। ਜਿਸ ਵਿੱਚ ਡਾਈਨਿੰਗ ਟੇਬਲ ਤੇ ਕੁਰਸੀਆਂ ਦਾ ਜ਼ਿਕਰ ਵੀ ਆਇਆ ਸੀ। ਪਰ ਇਸ ਦੇ ਜਵਾਬ ਵਿੱਚ ਸਾਬਕਾ ਖਜ਼ਾਨਾ ਮੰਤਰੀ ਨੇ ਬਕਾਇਦਾ ਰਕਮ ਦਾ ਚੈੱਕ ਸਰਕਾਰੀ ਮਹਿਕਮੇ ਵਿੱਚ ਜਮ੍ਹਾਂ ਕਰਵਾ ਦਿੱਤੇ ਜਾਣ ਦੀ ਗੱਲ ਕਹੀ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
