Moosewala ਨੂੰ ਸਮਰਪਿਤ ਗੀਤ, Jenny Johal ਨੇ ਸਰਕਾਰ ਦੇ ਨਾਲ ਕਲਾਕਾਰਾਂ ਨੂੰ ਪਾਈ ਝਾੜ
ਚੰਡੀਗੜ੍ਹ : ਪੰਜਾਬੀ ਗਾਇਕਾ ਜੈਨੀ ਜੌਹਲ ਨੇ ਸਿੱਧੂ ਮੂਸੇਵਾਲਾ ਨੂੰ ਸਮਰਪਿਤ ਗੀਤ ਅੱਜ ਰਿਲੀਜ਼ ਕਰ ਦਿੱਤਾ ਹੈ। ਇਸ ਗੀਤ ਦਾ ਨਾਂ ਹੈ ‘Moose’। ਸਿੱਧੂ ਮੂਸੇਵਾਲਾ ਨੂੰ ਸਮਰਪਿਤ ਇਸ ਗੀਤ ’ਚ ਜੈਨੀ ਜੌਹਲ ਨੇ ਸਰਕਾਰ ਤੇ ਕਲਾਕਾਰਾਂ ਨੂੰ ਝਾੜ ਪਾਈ ਹੈ।ਗੀਤ ਦੀ ਸ਼ੁਰੂਆਤ ’ਚ ਜੈਨੀ ਸਿੱਧੂ ਮੂਸੇਵਾਲਾ ਨੂੰ ਗੋਲੀਆਂ ਮਾਰਨ ਵਾਲੇ ਗੈਂਗਸਟਰਾਂ ਨੂੰ ਲਾਹਨਤਾਂ ਪਾਉਂਦੀ ਸੁਣਾਈ ਦਿੰਦੀ ਹੈ ਤੇ ਨਾਲ ਕਹਿੰਦੀ ਹੈ ਕਿ ਮੂਸੇ ਜੱਟ ਨੂੰ ਤੁਸੀਂ ਮਾਰ ਕੇ ਅਮਰ ਕਰ ਗਏ ਹੋ।
ਇਸ ਤੋਂ ਬਾਅਦ ਜੈਨੀ ਸਰਕਾਰ ਨੂੰ ਝਾੜ ਪਾਉਂਦੀ ਨਜ਼ਰ ਆਉਂਦੀ ਹੈ। ਜੈਨੀ ਕਹਿੰਦੀ ਹੈ ਕਿ ਸੁਰੱਖਿਆ ਦੇ ਕੇ ਉਨ੍ਹਾਂ ਨੇ ਗੁੰਡਿਆਂ ਨੂੰ ਪਾਲਿਆ ਹੈ ਤੇ ਗੰਦੀਆਂ ਸਿਆਸਤਾਂ ਨੇ ਸਾਡਾ ਹੀਰਾ ਖਾ ਲਿਆ ਹੈ। ਪੰਜਾਬੀ ਕਲਾਕਾਰਾਂ ਬਾਰੇ ਬੋਲਦਿਆਂ ਜੈਨੀ ਕਹਿੰਦੀ ਹੈ ਕਿ ਇੰਡਸਟਰੀ ਝੂਠੇ ਬੰਦਿਆਂ ਦੀ ਹੈ, ਜਿਨ੍ਹਾਂ ਨੇ ਸਿਰਫ ‘ਆਰ. ਆਈ. ਪੀ.’ ਤੇ ਟੁੱਟੇ ਦਿਲ ਪਾ ਕੇ ਗੱਲ ਸਾਰ ਦਿੱਤੀ ਹੈ। ਜੈਨੀ ਨੇ ਇਹ ਵੀ ਕਿਹਾ ਕਿ ਕੁਝ ਅਜਿਹੇ ਝੂਠੇ ਦੋਸਤ ਵੀ ਉਸ ਦੇ ਨਾਲ ਸਨ, ਜੋ ਸਿਰਫ ਗੀਤਾਂ ਤੇ ਕੋਲੈਬਸ ਲਈ ਹੀ ਉਸ ਦੇ ਨਾਲ ਸਨ ਤੇ ਮੌਤ ਦੇ ਡਰੋਂ ਇਨਸਾਫ ਦੀ ਗੱਲ ਨਹੀਂ ਕਰ ਰਹੇ। ਅਖੀਰ ’ਚ ਜੈਨੀ ਜੌਹਲ ਸਿੱਧੂ ਦੇ ਮਾਪਿਆਂ ਦੀ ਗੱਲ ਕਰਦੀ ਹੈ, ਜਿਨ੍ਹਾਂ ਨੇ ਇੰਨੇ ਵੱਡੇ ਦੁੱਖ ’ਚ ਵੀ ਹਿੰਮਤ ਬਣਾਈ ਰੱਖੀ।
View this post on Instagram
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
