CM ਅਹੁਦੇ ਦੇ 3 ਦਾਅਵੇਦਾਰ, ਜੋ ਖੁਦ ਨੂੰ ਹੀ ਨਹੀਂ ਪਾ ਸਕੇ ਵੋਟ

ਚੰਡੀਗੜ੍ਹ  : ਪੰਜਾਬ ਵਿਧਾਨ ਸਭਾ ਚੋਣਾਂ ‘ਚ ਇਸ ਵਾਰ ਹੈਰਾਨ ਕਰਨ ਵਾਲੀ ਸਚਾਈ ਸਾਹਮਣੇ ਆਈ ਹੈ। ਦਰਅਸਲ ਸੂਬੇ ਦੀਆਂ 3 ਵੱਡੀਆਂ ਪਾਰਟੀਆਂ ਦੇ ਮੁੱਖ ਮੰਤਰੀ ਅਹੁਦੇ ਦੇ ਉਮੀਦਵਾਰ ਖੁਦ ਨੂੰ ਵੋਟ ਨਹੀਂ ਦੇ ਸਕੇ। ਇਹਨਾਂ ‘ਚ ਕਾਂਗਰਸ ਵੱਲੋਂ ਚਰਨਜੀਤ ਸਿੰਘ ਚੰਨੀ, ਆਪ ਵੱਲੋਂ ਭਗਵੰਤ ਮਾਨ ਅਤੇ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਸੁਖਬੀਰ ਸਿੰਘ ਬਾਦਲ ਸ਼ਾਮਿਲ ਹਨ। ਕਾਂਗਰਸ ਨੇ ਚਰਨਜੀਤ ਚੰਨੀ ਨੂੰ ਸੀਐਮ ਚਿਹਰਾ ਘੋਸ਼ਿਤ ਕੀਤਾ ਹੈ। ਉਨ੍ਹਾਂ ਨੂੰ ਭਦੌੜ ਅਤੇ ਚਮਕੌਰ ਸਾਹਿਬ ਸੀਟ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ। ਉਹ ਖਰੜ ਵਿਧਾਨ ਸਭਾ ਸੀਟ ਤੋਂ ਵੋਟਰ ਦੇ ਰੂਪ ‘ਚ ਦਰਜ ਹਨ। ਇਹੀ ਵਜ੍ਹਾ ਹੈ ਕਿ ਉਹ ਖੁਦ ਨੂੰ ਵੋਟ ਨਹੀਂ ਕਰ ਸਕੇ।

Punjab Election 2022 : ’22 ਦੀਆਂ ਚੋਣਾਂ ’ਚ ਟੁੱਟੇ ਰਿਕਾਰਡ! ਦੇਖੋ ਸਿੱਧਾ ਲਾਈਵ! || D5 Channel Punjabi

ਉਥੇ ਹੀ ਆਮ ਆਦਮੀ ਪਾਰਟੀ ਦੇ ਮੁੱਖ ਮੰਤਰੀ ਚਿਹਰਾ ਸੰਸਦ ਮੈਂਬਰ ਭਗਵੰਤ ਮਾਨ ਨੇ ਮੋਹਾਲੀ ‘ਚ ਆਪਣੀ ਵੋਟ ਪਾਈ ਪਰ ਆਪਣੇ ਹਲਕੇ ਧੂਰੀ ‘ਚ ਉਹ ਖੁਦ ਨੂੰ ਵੋਟ ਨਹੀਂ ਪਾ ਸਕੇ। ਅਕਾਲੀ ਦਲ – ਬਸਪਾ ਗਠ-ਜੋੜ ਦਾ ਸਭ ਤੋਂ ਵੱਡਾ ਚਿਹਰਾ ਸੁਖਬੀਰ ਬਾਦਲ ਵੀ ਖੁਦ ਨੂੰ ਵੋਟ ਨਹੀਂ ਕਰ ਸਕੇ। ਉਹ ਜਲਾਲਾਬਾਦ ਸੀਟ ਤੋਂ ਚੋਣ ਮੈਦਾਨ ‘ਚ ਹਨ, ਜਦੋਂ ਕਿ ਉਨ੍ਹਾਂ ਦੀ ਵੋਟ ਬਾਦਲ ਪਿੰਡ ‘ਚ ਹੈ।