ਕੈਨੇਡਾ ‘ਚ ਇੱਕ ਹੋਰ ਪੰਜਾਬੀ ਨੌਜਵਾਨ ਦਾ ਗੋਲੀਆਂ ਮਾਰ ਕੇ ਕਤਲ
ਕੈਨੇਡਾ : ਕੈਨੇਡਾ ਦੇ ਐਬਸਫਰਡ ਇਲਾਕੇ ‘ਚ ਹੋਈਆਂ ਗੈਂਗਵਾਰਾਂ ‘ਚ ਸ਼ਾਮਿਲ ਪੰਜਾਬੀ ਨੌਜਵਾਨ, ਵਰਿੰਦਰਪਾਲ ਸਿੰਘ ਉਰਫ ਵੀ.ਪੀ. ਦਾ ਕਤਲ ਹੋ ਗਿਆ ਹੈ। ਵਾਰਦਾਤ 3 ਅਕਤੂਬਰ ਰਾਤ 9 ਵਜੇ ਦੀ ਕਰੀਬ ਵਾਪਰੀ, ਜਦੋਂ ਸਥਾਨਕ ਪੁਲਿਸ ਨੂੰ ਲੰਡਨ ਐਵਨਿਊ ਦੇ ਮਿਸ਼ਨ ਜੰਕਸ਼ਨ ਮਾਲ ਤੇ ਹੋਈ ਗੋਲੀਬਾਰੀ ਦੀ ਸੂਚਨਾ ਮਿਲੀ। ਸੂਚਨਾ ਮਿਲਣ ਤੋਂ ਪੁਲਿਸ ਘਟਨਾ ਸਧਾਨ ਤੇ ਪੁੱਜੀ ਤਾਂ ਉਥੇ ਵਰਿੰਦਰਪਾਲ ਸਿੰਘ ਉਰਫ ਵੀ.ਪੀ. ਜ਼ਖਮੀ ਹਾਲਤ ਵਿੱਚ ਪਿਆ ਸੀ ਪਰ ਐਂਬੂਲੈਂਸ ਟੀਮ ਪਹੁੰਚਣ ਤੋਂ ਪਹਿਲਾਂ ਵੀ.ਪੀ. ਸਿੰਘ ਨੇ ਦਮ ਤੋੜ ਦਿੱਤਾ। ਫਿਲਹਾਲ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ। ਇਸ ਤੋਂ ਪਹਿਲਾਂ ਇਸੇ ਸਾਲ ਅਗਸਤ ਮਹੀਨੇ ਵਿੱਚ ਵਰਿੰਦਰਪਾਲ ਸਿੰਘ ਗਿੱਲ ਬਾਰੇ ਇੱਕ ਵਾਰਨਿੰਗ ਜਾਰੀ ਕੀਤੀ ਗਈ ਸੀ।
Read Also ਅਮਰੀਕਾ : ਸਿੱਖ ਵਿਅਕਤੀ ਦੇ ਕਤਲ ਮਾਮਲੇ ‘ਚ ਇਕ ਗ੍ਰਿਫਤਾਰ
ਜਿਸ ਵਿੱਚ ਲੋਕਾਂ ਨੂੰ ਉਸ ਕੋਲੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਗਈ ਸੀ ਪਰ ਉਸਦੇ ਕੈਨੇਡਾ ਵਿੱਚ ਮੌਜੂਦ ਕਿਸ ਗੈਂਗ ਨਾਲ ਸਬੰਧ ਹਨ। ਇਸ ਬਾਰੇ ਸਪੱਸ਼ਟ ਨਹੀਂ ਕੀਤਾ ਗਿਆ ਸੀ, ਉਧਰ ਇਸ ਘਟਨਾ ਤੋਂ ਬਾਅਦ ਕੈਨੇਡਾ ‘ਚ ਰਹਿ ਰਹੇ ਪੰਜਾਬੀ ਭਾਈਚਾਰੇ ਵਿੱਚ ਚਿੰਤਾ ਦਾ ਮਾਹੌਲ ਹੈ।ਦੱਸ ਦਈਏ ਕਿ ਜਿਸ ਰਾਤ ਵਰਿੰਦਰਪਾਲ ਗਿੱਲ ਦਾ ਕਤਲ ਹੋਇਆ, ਉਸੇ ਰਾਤ ਐਬਸਰਡ ਵਿੱਚ ਇੱਕ ਗੱਡੀ ਨੂੰ ਅੱਗ ਲੱਗਣ ਦੀ ਖਬਰ ਵੀ ਮਿਲੀ ਹੈ, ਜਿਸ ਦੀ ਜਾਂਚ ਕਰ ਰਹੀ ਪੁਲਿਸ ਟੀਮ ਦਾ ਮੰਨਣਾ ਹੈ ਕਿ ਗੱਡੀ ਨੂੰ ਅੱਗ ਲੱਗੀ ਨਹੀਂ, ਸਗੋਂ ਲਗਾਈ ਗਈ ਹੈ ਅਤੇ ਵਰਿੰਦਰਪਾਲ ਦੇ ਕਤਲ ਅਤੇ ਗੱਡੀ ਨੂੰ ਅੱਗ ਲੱਗਣ ਦੀ ਘਟਨਾ ਦਾ ਆਪਸ ਵਿੱਚ ਸਬੰਧ ਜ਼ਰੂਰ ਹੈ। ਫਿਲਹਾਲ ਪੁਲਿਸ ਦੋਵੇਂ ਮਾਮਲਿਆਂ ਨੂੰ ਸੁਲਝਾਉਣ ਲਈ ਲੋਕਾਂ ਤੋਂ ਮਦਦ ਦੀ ਮੰਗ ਕਰ ਰਹੀ ਹੈ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
