ਆਂਧਰਾ ਪ੍ਰਦੇਸ਼ CM ਰੈੱਡੀ ਨੇ ਮੰਤਰੀ ਮੰਡਲ ਕੀਤਾ ਭੰਗ, ਮੰਤਰੀਆਂ ਨੇ ਦਿੱਤਾ ਅਸਤੀਫ਼ਾ

ਸਾਰੇ ਮੰਤਰੀਆਂ ਦੇ ਅਸਤੀਫ਼ੇ ਆਂਧਰਾ ਦੇ ਗਵਰਨਰ ਬਿਸਵਾਭੂਸ਼ਨ ਹਰੀਚੰਦਨ ਕੋਲ ਭੇਜੇ ਗਏ। ਅਸਤੀਫ਼ਾ ਦੇਣ ਤੋਂ ਬਾਅਦ ਮੰਤਰੀਆਂ ਨੇ ਦੱਸਿਆ ਕਿ ਜਗਨ ਰੈੱਡੀ ਜੋ ਕਿ ਵਾਈ ਐਸ ਆਰ ਕਾਂਗਰਸ ਪਾਰਟੀ ਦੇ ਪ੍ਰਧਾਨ ਵੀ ਹਨ, ਉਨ੍ਹਾਂ ਵੱਲੋਂ ਇਹ ਫੈਸਲਾ ਆਉਣ ਵਾਲੀਆਂ ਚੋਣਾਂ ਨੂੰ ਵੇਖਦੇ ਹੋਏ ਲਿਆ ਗਿਆ ਹੈ ਅਤੇ  ਸੀਨੀਅਰ ਲੀਡਰਾਂ ਨੂੰ  ਜ਼ਿੰਮੇਵਾਰੀ ਦਿੱਤੀ ਜਾਵੇਗੀ ਤਾਂ ਜੋ ਪਾਰਟੀ ਨੂੰ ਹੋਰ ਮਜ਼ਬੂਤੀ ਦਿੱਤੀ ਜਾ ਸਕੇ। ਉਨ੍ਹਾਂ ਇਹ ਵੀ ਦੱਸਿਆ ਕਿ  ਸਾਰੇ ਮੰਤਰੀ ਮੰਡਲ  ਦੇ ਮੰਤਰੀਆਂ ਨੇ  ਸਹਿਮਤੀ ਅਤੇ ਖ਼ੁਸ਼ੀ ਨਾਲ ਅਸਤੀਫ਼ਾ ਦਿੱਤਾ ਹੈ।

ਸਿਵਲ ਸਪਲਾਈ ਮੰਤਰੀ  ਕੋਡਾਲੀ ਨਾਨੀ ਨੇ ਦੱਸਿਆ ਕਿ ਮੁੱਖ ਮੰਤਰੀ 11ਅਪ੍ਰੈਲ ਤੱਕ ਆਪਣੀ ਨਵੀਂ ਕੈਬਨਿਟ ਤਿਆਰ ਕਰ ਲੈਣਗੇ। ਇਸ ਭੰਗ ਕੀਤੀ ਗਈ ਕੈਬਨਿਟ ਵਿੱਚੋਂ 4-5 ਮੰਤਰੀ  ਨਵੇਂ ਕੈਬਨਿਟ ਵਿੱਚ ਲਏ ਜਾਣਗੇ  ਅਤੇ ਬਾਕੀ ਸਾਰੇ ਨਵੇਂ ਚਿਹਰੇ ਹੋਣਗੇ। ਉਨ੍ਹਾਂ ਅੱਗੇ ਕਿਹਾ ਕਿ ਉਹ  ਮੁੱਖ ਮੰਤਰੀ ਵੱਲੋਂ ਲਏ ਗਏ  ਡਿਊਟੀ ਨੂੰ ਤਨਦੇਹੀ ਨਾਲ ਨਿਭਾਉਣਗੇ ਅਤੇ  ਪਾਰਟੀ ਦੇ ਸੇਵਾਦਾਰ ਅਤੇ ਸਿਪਾਹੀ ਦੀ ਤਰ੍ਹਾਂ ਕੰਮ ਕਰਦੇ ਰਹਿਣਗੇ।