Ammy Virk ਆਪਣੀ ਆਉਣ ਵਾਲੀ ਫਿਲਮ ‘ਚ Vicky Kaushal ਨਾਲ ਸਕ੍ਰੀਨ ਕਰਨਗੇ ਸ਼ੇਅਰ 

ਚੰਡੀਗੜ੍ਹ : ਪੰਜਾਬੀ ਗਾਇਕ ਅਤੇ ਅਦਾਕਾਰ ਐਮੀ ਵਿਰਕ ਦੀ ਫਿਲਮ ‘ਆਜਾ ਮੈਕਸੀਕੋ ਚੱਲੀਏ’ 25 ਫਰਵਰੀ ਨੂੰ ਰਿਲੀਜ਼ ਹੋਈ ਹੈ। ਇਸ ਫ਼ਿਲਮ ਨੇ ਵੀਕੈਂਡ ’ਤੇ 7.5 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਫ਼ਿਲਮ ’ਚ ਡੌਂਕੀ ਦਾ ਵਿਸ਼ਾ ਦਿਖਾਇਆ ਗਿਆ ਹੈ। ਉਥੇ ਫ਼ਿਲਮ ਦੀਆਂ ਸਟੋਰੀਜ਼ ਵਿਚਾਲੇ ਐਮੀ ਵਿਰਕ ਨੇ ਆਪਣੀ ਇਕ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਤਸਵੀਰ ’ਚ ਐਮੀ ਵਿਰਕ ਮਸ਼ਹੂਰ ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਨਾਲ ਨਜ਼ਰ ਆ ਰਹੇ ਹਨ।

ਜੇਲ੍ਹ ‘ਚ ਬੰਦ ਮਜੀਠੀਆ ਨੂੰ ਜੀਜੇ ਦਾ ਤੋਹਫ਼ਾ, ਜਨਮ ਦਿਨ ਦਾ ਕੱਟਿਆ ਜਾਊ Cake? ||D5 Channel Punjabi

ਐਮੀ ਵਿਰਕ ਨੇ ਤਸਵੀਰ ਸਾਂਝੀ ਕਰਦਿਆਂ ਲਿਖਿਆ, ‘ਬਲੈੱਸਡ ਐਂਡ ਪਿਓਰ ਸੌਲ ਵਿੱਕੀ ਕੌਸ਼ਲ ਭਾਅ ਜੀ। ਬਹੁਤ ਚੰਗਾ ਲੱਗਾ ਮਿਲ ਕੇ। ਸਵਾਦ ਆਊਗਾ ਫ਼ਿਲਮ ਦੇ ਸੈੱਟ ’ਤੇ। ਵਾਹਿਗੁਰੂ ਕਿਰਪਾ ਕਰਨ।’ ਇਸ ਤਸਵੀਰ ਨੂੰ ਵਿੱਕੀ ਕੌਸ਼ਲ ਨੇ ਵੀ ਆਪਣੀ ਇੰਸਟਾਗ੍ਰਾਮ ਸਟੋਰੀ ’ਚ ਸਾਂਝਾ ਕੀਤਾ ਹੈ। ਵਿੱਕੀ ਨੇ ਤਸਵੀਰ ਨਾਲ ਲਿਖਿਆ, ‘ਬਹੁਤ ਸਾਰਾ ਪਿਆਰ ਵੀਰੇ। ਖੱਪ ਪਾਉਣੀ ਪੂਰੀ।’ ਇਸ ਤਸਵੀਰ ਤੋਂ ਸਾਫ ਹੈ ਕਿ ਦੋਵੇਂ ਬਹੁਤ ਜਲਦ ਕਿਸੇ ਫ਼ਿਲਮ ’ਚ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਹਾਲਾਂਕਿ ਇਹ ਫ਼ਿਲਮ ਪੰਜਾਬੀ ਹੋਵੇਗੀ ਜਾਂ ਹਿੰਦੀ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ।