ਇਸ ਮਾਮਲੇ ‘ਚ ਰਾਜਪੁਰਾ ਦੇ ਇੰਸਪੈਕਟਰ ਅਤੇ ਦੋ ਸਹਾਇਕ ਥਾਣੇਦਾਰਾਂ ‘ਤੇ ਕੇਸ ਦਰਜ

ਰਾਜਪੁਰਾ: ਨਸ਼ੀਲੀਆਂ ਗੋਲੀਆਂ ਦੇ ਪਾਰਸਲ ਦੇ ਮਾਮਲੇ ਨੂੰ ਰਫਾ-ਦਫਾ ਕਰਕੇ ਦੌਸ਼ੀਆਂ ਨੂੰ ਬਚਾਉਣ ਦੇ ਇਲਜ਼ਾਮ ਵਿੱਚ ਐਸਐਸਪੀ ਮਨਦੀਪ ਸਿੰਘ ਸਿੱਧੂ ਨੇ ਸੋਮਵਾਰ ਨੂੰ ਸੀਆਈਏ ਸਟਾਫ ਰਾਜਪੁਰਾ ਦੇ ਇੰਸਪੈਕਟਰ ਗੁਰਜੀਤ ਸਿੰਘ, ਸਹਾਇਕ ਥਾਣੇਦਾਰ ਸਾਹਿਬ ਸਿੰਘ ਅਤੇ ਸਹਾਇਕ ਥਾਣੇਦਾਰ ਗੁਰਦੀਪ ਸਿੰਘ ਨੂੰ ਮਾਮਲੇ ਵਿੱਚ ਨਾਮਜਦ ਕਰਕੇ ਤਿੰਨਾਂ ਨੂੰ ਨੌਕਰੀ ਤੋਂ ਮੁਅੱਤਲ ਕਰ ਦਿੱਤਾ। ਇੱਕ ਸਹਾਇਕ ਥਾਣੇਦਾਰ ਸਾਹਿਬ ਸਿੰਘ ਨੂੰ ਗਿਰਫਤਾਰ ਵੀ ਕਰ ਲਿਆ ਗਿਆ ਹੈ। ਇਹ ਵੀ ਦੇਖੋ: Gurudwara Sahib ‘ਚ ਹੋਈ ਕੁੱਟਮਾਰ ਮਾਮਲਾ, ਮਾਮਲੇ ‘ਚ ਆਇਆ ਨਵਾਂ ਮੋੜ, ਹੋਏ ਵੱਡੇ ਖੁਲਾਸੇ

ਐਸਐਸਪੀ ਨੇ ਇਹ ਕਾਰਵਾਈ ਇਸ ਮਾਮਲੇ ਵਿੱਚ ਐਸਪੀ ( ਡੀ ) ਹਰਮੀਤ ਸਿੰਘ ਹੁੰਦਲ ਅਤੇ ਉਪ ਪੁਲਿਸ ਕਪਤਾਨ ਸਰਕਲ ਰਾਜਪੁਰਾ ਆਕਾਸ਼ਦੀਪ ਸਿੰਘ ਔਲਖ ਵਲੋਂ ਦਿੱਤੀ ਜਾਂਚ ਰਿਪੋਰਟ ਦੇ ਆਧਾਰ ਉੱਤੇ ਕੀਤੀ। ਐਸਐਸਪੀ ਸਿੱਧੂ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਦੇ ਦੌਰਾਨ ਇਹ ਗੱਲ ਸਾਹਮਣੇ ਆਈ ਕਿ 16 ਨਵੰਬਰ ਨੂੰ ਕਲੋਵੀਡੋਲ ਦਵਾਈ ਦੇ 66 ਬਕਸੇ ਦਾ ਇੱਕ ਪਾਰਸਲ ਆਹੂਜਾ ਮੈਡੀਕਲ ਸਟੋਰ ਦੀ ਦੁਕਾਨ ਉੱਤੇ ਚੰਦਨ ਟਰਾਂਸਪੋਰਟ ਦੇ ਜਰੀਏ ਆਇਆ।

ਇਹ ਵੀ ਦੇਖੋ: ਬੋਤੇ ਨਾਲ ਖੇਤੀ ਕਰਦਾ ਗ਼ਰੀਬ ਪਰਿਵਾਰ | ਸਿਰ ‘ਤੇ ਛੱਤ ਨਹੀਂ, ਪੈਨਸ਼ਨ ਮਿਲਦੀ ਨੀਂ

ਸਟੋਰ ਦੇ ਮਾਲਿਕ ਸੁਸ਼ੀਲ ਕੁਮਾਰ ਆਹੂਜਾ ਨੇ ਡਿਲੀਵਰੀ ਦੇਣ ਵਾਲੇ ਨੂੰ ਕਿਹਾ ਕਿ ਉਸਨੇ ਇਹ ਪਾਰਸਲ ਨਹੀਂ ਮੰਗਵਾਇਆ ਹੈ। ਜਦੋਂ ਉਸਨੇ ਬਿੱਲ ਵੇਖਿਆ ਤਾਂ ਉਸ ਵਿੱਚ ਪਤਾ ਜੋ ਉਸੇ ਦੇ ਸਟੋਰ ਦਾ ਸੀ, ਪਰ ਟੈਲੀਫੋਨ ਨੰਬਰ ਕਿਸੇ ਹੋਰ ਦਾ ਸੀ। ਉਨ੍ਹਾਂ ਨੇ ਇਸਦੇ ਬਾਰੇ ਵਿੱਚ ਪੁਲਿਸ ਨੂੰ ਦੱਸਿਆ।