91 ਸਾਲ ਬਾਅਦ ਫਿਰ ਸ਼ੁਰੂ ਹੋਇਆ ਦਾਂਡੀ ਮਾਰਚ , PM Modi ਨੇ ਯਾਤਰਾ ਨੂੰ ਦਿਖਾਈ ਹਰੀ ਝੰਡੀ

ਅਹਿਮਦਾਬਾਦ : ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਸਾਬਰਮਤੀ ਆਸ਼ਰਮ ਤੋਂ ਨਵਸਾਰੀ ਜਿਲ੍ਹੇ ਦੇ ਦਾਂਡੀ ਪਿੰਡ ਤੱਕ ਪੈਦਲ ਮਾਰਚ ਨੂੰ ਹਰੀ ਝੰਡੀ ਦਿਖਾਈ, ਜਿਸਦੇ ਨਾਲ 1930 ‘ਚ ਮਹਾਤਮਾ ਗਾਂਧੀ ਦੀ ਅਗਵਾਈ ‘ਚ ਨਿਕਲੇ ਦਾਂਡੀ ਮਾਰਚ ਜਾਂ ਲੂਣ ਮਾਰਚ ਦਾ ਇਤਿਹਾਸ ਫਿਰ ਤੋਂ ਜੀਵਿਤ ਹੋ ਗਿਆ। ਇਹ ਮਾਰਚ ਆਜ਼ਾਦੀ ਦਾ ਅੰਮ੍ਰਿਤ ਮਹੋਤਸਵ ਦਾ ਹਿੱਸਾ ਹੈ। ਪ੍ਰਧਾਨ ਮੰਤਰੀ ਨੇ ਭਾਰਤ ਦੀ ਅਜਾਦੀ ਦੀ 75ਵੀਂ ਵਰ੍ਹੇਗੰਢ ਨੂੰ ਸਰਮਿਪਤ ‘‘ਆਜ਼ਾਦੀ ਦਾ ਅੰਮ੍ਰਿਤ ਮਹੋਤਸਵ’ ਸਮਾਰੋਹ ਦੀ ਸ਼ੁੱਕਰਵਾਰ ਨੂੰ ਸ਼ੁਰੂਆਤ ਕੀਤੀ। 75ਵੀਂ ਵਰ੍ਹੇਗੰਢ ਦਾ ਸਮਾਰੋਹ 15 ਅਗਸਤ 2023 ਤੱਕ ਚੱਲੇਗਾ। ਅਹਿਮਦਾਬਾਦ ਦੇ ਸਾਬਰਮਤੀ ਆਸ਼ਰਮ ਤੋਂ 81 ਲੋਕਾਂ ਨੇ ਪੈਦਲ ਯਾਤਰਾ ਸ਼ੁਰੂ ਕੀਤੀ।

🔴LIVE|| ਕਲਕੱਤੇ ‘ਚ ਗਰਜਿਆ ਰਾਜੇਵਾਲ !ਸੜਕਾਂ ਹੋਈਆਂ ਜਾਮ! ਭਾਜਪਾ ਦੀ ਵਧੀ ਚਿੰਤਾ !

ਉਹ 386 ਕਿਮੀ ਦੂਰ ਨਵਸਾਰੀ ਦੇ ਦਾਂਡੀ ਤੱਕ ਜਾਣਗੇ 25 ਦਿਨ ਦੀ ਇਸ ਪੈਦਲ ਯਾਤਰਾ ਦੀ ਸਮਾਪਤੀ ਪੰਜ ਅਪ੍ਰੈਲ ਨੂੰ ਹੋਵੇਗੀ। ਪੀਐਮ ਮੋਦੀ ਦਾਂਡੀ ਪੁਲ ਤੋਂ ਪ੍ਰਤੀਕਾਤਮਕ ਦਾਂਡੀ ਯਾਤਰਾ ’ਤੇ ਵੀ ਨਿਕਲੇ। ਉਨ੍ਹਾਂ ਨਾਲ ਮੁੱਖ ਮੰਤਰੀ ਵਿਜੇ ਰੁਪਾਣੀ ਨੇ ਵੀ ਪ੍ਰਤੀਕਾਤਮਕ ਤੌਰ ਉੱਤੇ ਪੈਦਲ ਮਾਰਚ ਕੀਤਾ। ਇਸ ਯਾਤਰਾ ਵਿੱਚ ਕੇਂਦਰ ਤੇ ਰਾਜ ਦੇ ਕਈ ਮੰਤਰੀ ਸ਼ਾਮਲ ਹੋਏ। ਅਹਿਮਦਾਬਾਦ ਦਾ ਸਾਬਰਮਤੀ ਆਸ਼ਰਮ ਅੱਜ ਇੱਕ ਵਾਰ ਫਿਰ ਉਸ ਦਾਂਡੀ ਮਾਰਚ ਦਾ ਗਵਾਹ ਬਣਿਆ, ਜਿਸ ਨੇ ਅੰਗਰੇਜ਼ੀ ਹਕੂਮਤ ਵਿਰੁੱਧ ਸਭ ਤੋਂ ਵੱਡੇ ਸੰਘਰਸ਼ ਦੀ ਮਜ਼ਬੂਤ ਨੀਂਹ ਤਿਆਰ ਕੀਤੀ ਸੀ। ਮਹਾਤਮਾ ਗਾਂਧੀ ਨੇ ਨਮਕ ਸੱਤਿਆਗ੍ਰਹਿ ਦੀ ਸ਼ੁਰੂਆਤ ਕੀਤੀ ਸੀ। PM ਮੋਦੀ ਅਨੁਸਾਰ ਅਗਲੇ 75 ਹਫ਼ਤਿਆਂ ਲਈ ਕੁਝ ਪ੍ਰੋਗਰਾਮ ਪਹਿਲਾਂ ਤੋਂ ਤਿਆਰ ਹਨ।

🔴LIVE|| ਅਮਰੀਕਾ ਤੋਂ ਕਿਸਾਨਾਂ ਲਈ ਖ਼ੁਸ਼ਖ਼ਬਰੀ, ਮੋਦੀ ਨੂੰ ਝਟਕਾ! ਬੰਗਾਲ ‘ਚੋਂ ਬੀਜੇਪੀ ਦਾ ਸਫਾਇਆ !

ਮਹਾਤਮਾ ਗਾਂਧੀ ਦੀ ਅਗਵਾਈ ਹੇਠ 1930 ’ਚ ਸਾਬਰਮਤੀ ਆਸ਼ਰਮ ਤੋਂ ਨਵਸਾਰੀ ਦੇ ਦਾਂਡੀ ਤੱਕ ਦਾਂਡੀ ਮਾਰਚ ਕੱਢਿਆ ਗਿਆ ਸੀ। ਇਹ ਮਾਰਚ ਬ੍ਰਿਟਿਸ਼ ਸਰਕਾਰ ਦੇ ਨਮਕ ਦੇ ਏਕਾਧਿਕਾਰ ਵਿਰੁੱਧ ਅਹਿੰਸਕ ਪ੍ਰਦਰਸ਼ਨ ਸੀ। ਦਾਂਡੀ ਮਾਰਚ 12 ਮਾਰਚ ਤੋਂ 6 ਅਪ੍ਰੈਲ 1930 ਤੱਕ ਚੱਲਿਆ ਸੀ। ਉਸ ਦੇ 17 ਸਾਲਾਂ ਬਾਅਦ 1947 ’ਚ ਅੰਗਰੇਜ਼ਾਂ ਨੂੰ ਭਾਰਤ ਛੱਡ ਕੇ ਜਾਣਾ ਪਿਆ ਸੀ। ਆਜ਼ਾਦੀ ਦੇ 75 ਸਾਲਾ ਜਸ਼ਨ ਮਨਾਉਣ ਲਈ ਦਿੱਲੀ ਸਰਕਾਰ ਨੇ ਵੀ ਖ਼ਾਸ ਤਿਆਰੀ ਕੀਤੀ ਹੈ। ਦਿੱਲੀ ਸਰਕਾਰ ਨੇ ਇਸ ਨੂੰ ‘ਆਜ਼ਾਦੀ ਮਹੋਤਸਵ’ ਦੇ ਨਾਂਅ ਨਾਲ ਮਨਾਏਗੀ। ਦਿੱਲੀ ’ਚ 75 ਹਫ਼ਤਿਆਂ ਤੱਕ ਦੇਸ਼ ਭਗਤੀ ਦਾ ਉਤਸਵ ਮਨਾਇਆ ਜਾਵੇਗਾ। ਦਿੱਲੀ ਸਰਕਾਰ ਨੇ ਆਪਣੇ ਬਜਟ ਵਿੱਚ ‘ਇੰਡੀਆ ਐਟ 75’ ਦਾ ਵਿਜ਼ਨ ਪੇਸ਼ ਕੀਤਾ ਸੀ।