8000 ਕਰੋੜ ਰੁਪਏ ਦੀ ਲਾਗਤ ਨਾਲ ਫਿਰ ਤੋਂ ਤਿਆਰ ਹੋਵੇਗਾ ਜਵਾਹਰ ਲਾਲ ਨਹਿਰੂ ਸਟੇਡੀਅਮ

ਨਵੀਂ ਦਿੱਲੀ : ਕੇਂਦਰੀ ਖੇਡ ਮੰਤਰਾਲੇ ਨੇ ਦਿੱਲੀ ਦੇ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਨੂੰ ਦੁਬਾਰਾ ਤੋਂ ਬਣਾਉਣ ਦਾ ਫੈਸਲਾ ਕੀਤਾ ਹੈ। ਖੇਡ ਮੰਤਰਾਲਾ ਇਸ ਸਟੇਡੀਅਮ ਦੀ ਰੂਪ ਰੇਖਾ ਬਦਲਣ ਲਈ ਇਸ ‘ਤੇ 8000 ਕਰੋੜ ਰੁਪਏ ਖਰਚ ਕਰਨ ਵਾਲਾ ਹੈ, ਜਿਸਦੇ ਨਾਲ ਕਿ ਇਹ ਸਟੇਡੀਅਮ ਵਿਸ਼ਵ ਪੱਧਰ ਦਾ ਬਣੇਗਾ। ਇਸ ਗੱਲ ਨੂੰ ਲੈ ਕੇ ਖੇਡ ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਸਟੇਡੀਅਮ ਨੂੰ ਇਸ ਤਰ੍ਹਾਂ ਨਾਲ ਤਿਆਰ ਕੀਤਾ ਜਾਵੇਗਾ ਜੋ ਭਵਿੱਖ ‘ਚ ਓਲੰਪਿਕ ਅਤੇ ਹੋਰ ਵੱਡੇ ਅੰਤਰਰਾਸ਼ਟਰੀ ਖੇਡ ਮੁਕਾਬਲਿਆਂ ਦੀ ਮੇਜ਼ਬਾਨੀ ਕਰ ਸਕੇ।

ਗੁਰਦੁਆਰੇ ‘ਚ ਨੰਗਾ ਹੋ ਕੇ ਕੀਤਾ ਹੰਗਾਮਾ,ਸਿੱਧਾ ਗੁਰੂ ਗ੍ਰੰਥ ਸਾਹਿਬ ‘ਤੇ ਮਾਰੀ ਛਾਲ

ਸਟੇਡੀਅਮ ਦਾ ਪੁਨਰਵਿਕਾਸ ਕਰਨ ਦਾ ਸੁਝਾਅ ਨੀਤੀ ਕਮਿਸ਼ਨ ਨੇ ਖੇਡ ਮੰਤਰਾਲੇ ਨੂੰ ਦਿੱਤਾ ਹੈ। ਖੇਡ ਮੰਤਰਾਲੇ ਨੇ ਪੰਜ ਮੈਂਬਰੀ ਸਲਾਹ ਦੇਣ ਵਾਲੀ ਟੀਮ ਦੇ ਗਠਨ ਦੀ ਸਿਫਾਰਿਸ਼ ਕੀਤੀ ਹੈ, ਜਿਸ ‘ਚ ਇੱਕ ਖੇਡ ਬੁਨਿਆਦੀ ਢਾਂਚਾ ਪ੍ਰਬੰਧਨ ਮਾਹਿਰ ਸ਼ਾਮਿਲ ਹੋਵੇਗਾ। ਦੇਸ਼ ਦੀ ਰਾਜਧਾਨੀ ਦਿੱਲੀ ਤੋਂ ਇਲਾਵਾ ਅਹਿਮਦਾਬਾਦ ਦੇ ਮੋਟੇਰਾ ‘ਚ ਇੱਕ ਵਿਸ਼ਵ ਪੱਧਰ ਕ੍ਰਿਕੇਟ ਸਟੇਡੀਅਮ ਬਣ ਚੁੱਕਿਆ ਹੈ, ਜਿਸ ‘ਚ ਹੋਰ ਸੁਵਿਧਾਵਾਂ ਵੀ ਸ਼ਾਮਿਲ ਹਨ।