ਹੱਜ ਯਾਤਰੀਆਂ ਲਈ ਇੰਤਜ਼ਾਮ ਦੀ ਜ਼ਿੰਮੇਵਾਰੀ ਕੇਂਦਰ ਸਰਕਾਰ ਅਤੇ ਹੱਜ ਕਮੇਟੀ ਆਫ਼ ਇੰਡੀਆ ਦੀ : ਵਿਧਾਇਕ ਜਮੀਲ ਉਰ ਰਹਿਮਾਨ
ਹੱਜ ਯਾਤਰੀਆਂ ਲਈ ਮੱਕਾ ਸ਼ਰੀਫ਼ ਵਿਖੇ ਵਧੀਆ ਸਹੂਲਤਾਂ ਲਈ ਵਿਧਾਇਕ ਜਮੀਲ ਉਰ ਰਹਿਮਾਨ ਨੇ ਲਿਖਿਆ ਪੱਤਰ
ਮਾਲੇਰਕੋਟਲਾ (ਅਤੁੱਲ ਵਰਮਾ) : ਬੀਤੇ ਦਿਨੀਂ ਹੱਜ ਤੇ ਗਏ ਯਾਤਰੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਦੇ ਸਬੰਧ ‘ਚ ਅੱਜ ਪੰਜਾਬ ਹੱਜ ਕਮੇਟੀ ਦੀ ਹਾਜ਼ਰੀ ਵਿੱਚ ਵਿਧਾਇਕ ਜਮੀਲ ਉਰ ਰਹਿਮਾਨ ਵੱਲੋਂ ਪ੍ਰੈੱਸ ਕਾਨਫ਼ਰੰਸ ਕੀਤੀ ਗਈ, ਪ੍ਰੈੱਸ ਕਾਨਫ਼ਰੰਸ ਨੂੰ ਸੰਬੋਧਨ ਕਰਦਿਆਂ ਵਿਧਾਇਕ ਜਮੀਲ ਉਰ ਰਹਿਮਾਨ ਨੇ ਕਿਹਾ ਕਿ ਹੱਜ ਤੇ ਗਏ ਯਾਤਰੀਆਂ ਦੇ ਮੱਕਾ ਮਦੀਨਾ ਵਿਖੇ ਰਿਹਾਇਸ਼ ਦੇ ਪ੍ਰਬੰਧਾਂ ਦੇ ਸਾਰੇ ਇੰਤਜ਼ਾਮ ਦੀ ਜ਼ਿੰਮੇਵਾਰੀ ਕੇਂਦਰ ਸਰਕਾਰ ਅਤੇ ਹੱਜ ਕਮੇਟੀ ਆਫ਼ ਇੰਡੀਆ ਦੀ ਹੁੰਦੀ ਹੈ, ਉਨ੍ਹਾਂ ਅੱਗੇ ਕਿਹਾ ਕਿ ਮਦੀਨਾ ਸ਼ਰੀਫ਼ ਵਿਖੇ ਬਣ ਰਹੀਆਂ 800 ਦੇ ਕਰੀਬ ਬਿਲਡਿੰਗਾਂ ਕਾਰਨ ਪੰਜਾਬ ਦੇ ਹੱਜ ਯਾਤਰੀਆਂ ਨੂੰ ਰਿਹਾਇਸ਼ ਵਿੱਚ ਸਹੂਲਤਾਂ ਦੀ ਕਮੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਰਾਜਪਾਲ ਫਿਰ ਦੇ ਗਿਆ ਵੱਡਾ ਬਿਆਨ! CM ਮਾਨ ਨੇ ਲਿਆ ਇਹ ਫੈਸਲਾ! ਸਰਕਾਰ ਨੇ ਵਧਾਈ ਫਸਲਾਂ ‘ਤੇ MSP,
ਵਿਧਾਇਕ ਰਹਿਮਾਨ ਨੇ ਕਿਹਾ ਕਿ ਪੰਜਾਬ ਹੱਜ ਕਮੇਟੀ ਦੀ ਜ਼ਿੰਮੇਵਾਰੀ ਸਿਰਫ਼ ਹੱਜ ਤੇ ਜਾਣ ਵਾਲੇ ਹਾਜੀਆਂ ਦੇ ਕਾਗ਼ਜ਼ ਪੱਤਰ ਪੂਰੇ ਕਰਵਾਉਣੇ ਅਤੇ ਉਨ੍ਹਾਂ ਦਾ ਟੀਕਾਕਰਨ ਕਰਵਾਉਣਾ ਅਤੇ ਹਾਜੀਆਂ ਨੂੰ ਹੱਜ ਦੇ ਅਰਕਾਨਾਂ ਦੀ ਜਾਣਕਾਰੀ ਮੁਹੱਈਆ ਕਰਵਾਉਣਾ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ ਹੱਜ ਤੇ ਜਾਣ ਵਾਲੇ ਹਾਜੀਆਂ ਦੇ ਨਾਂ ਤੇ ਸਿਆਸਤ ਨਹੀਂ ਕਰਨੀ ਚਾਹੀਦੀ ਸਗੋਂ ਇਸ ਮਸਲੇ ਦਾ ਹੱਲ ਕਰਨਾ ਚਾਹੀਦਾ ਹੈ।ਉਨ੍ਹਾਂ ਕਿਹਾ ਕਿ ਹੱਜ ਦੇ ਪ੍ਰਬੰਧਾਂ ਨਾਲ ਸੂਬਾਈ ਸਰਕਾਰ ਦਾ ਕੋਈ ਸਬੰਧ ਨਹੀਂ, ਉਨ੍ਹਾਂ ਕਿਹਾ ਕਿ ਇੱਕ ਰਾਜਸੀ ਪਾਰਟੀ ਦੀ ਨਵ ਨਿਯੁਕਤ ਅਹੁਦੇਦਾਰ ਵੱਲੋਂ ਜਾਣਕਾਰੀ ਤੋਂ ਬਿਨਾਂ ਸਸਤੀ ਸ਼ੋਹਰਤ ਲਈ ਪੰਜਾਬ ਸਰਕਾਰ ਅਤੇ ਵਿਧਾਇਕ ਮਾਲੇਰਕੋਟਲਾ ਵਿਰੁੱਧ ਬੇਤੁਕੀ ਬਿਆਨਬਾਜ਼ੀ ਨਿੰਦਣਯੋਗ ਹੈ। ਉਨ੍ਹਾਂ ਪੰਜਾਬ ਹੱਜ ਕਮੇਟੀ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਤੇ ਲਗਾਏ ਜਾਣ ਵਾਲੇ ਇਲਜ਼ਾਮਾਂ ਨੂੰ ਝੂਠਾ ਅਤੇ ਬੇਬੁਨਿਆਦ ਦੱਸਿਆ।
CM ਮਾਨ ਨੇ ਲਾਇਆ ਵਿਰੋਧੀਆਂ ਦਾ ਬੈਕ ਗੇਅਰ! ਚੱਲਦੇ ਲਾਇਵ ’ਚ ਮਾਂਜੇ ਲੀਡਰ!
ਇਸ ਸਾਰੇ ਮਸਲੇ ਦੇ ਸਬੰਧ ਵਿੱਚ ਵਿਧਾਇਕ ਮੁਹੰਮਦ ਜਮੀਲ ਉਰ ਰਹਿਮਾਨ ਵੱਲੋਂ ਹੱਜ ਕਮੇਟੀ ਆਫ਼ ਇੰਡੀਆ ਦੇ ਸੀ.ਈ.ਉ. ਜਨਾਬ ਯਾਕੂਬ ਸ਼ੇਖ਼ ਅਤੇ ਸਾਉਦੀ ਅਰਬ ਦੇ ਸ਼ਹਿਰ ਜੱਦਾ ਵਿਖੇ ਭਾਰਤ ਦੇ ਕੌਂਸਲ ਜਨਰਲ ਆਫ਼ ਇੰਡੀਆ ਜਨਾਬ ਸ਼ਾਹਿਦ ਆਲਮ ਨੂੰ ਇੱਕ ਪੱਤਰ ਲਿਖ ਕੇ ਬੇਨਤੀ ਕੀਤੀ ਕਿ ਪੰਜਾਬ ਦੇ ਹਾਜੀਆਂ ਲਈ ਮੱਕਾ ਹਰਮ ਸ਼ਰੀਫ਼ ਦੇ ਨੇੜੇ ਅਤੇ ਵਧੀਆ ਰਿਹਾਇਸ਼ ਲਈ ਢੁਕਵੇਂ ਕਦਮ ਚੁੱਕੇ ਜਾਣ ਤਾਂ ਜੋ ਹਾਜੀ ਮਨ ਦੀ ਸ਼ਾਂਤੀ, ਸ਼ਰਧਾ ਅਤੇ ਪੂਰੀ ਇਕਾਗਰਤਾ ਨਾਲ ਕਿਸੇ ਮੁਸ਼ਕਲ ਪ੍ਰੇਸ਼ਾਨੀ ਤੋਂ ਬਿਨਾਂ ਹੱਜ ਕਰ ਸਕਣ।
ਸਭ ਤੋਂ ਸਸਤੀਆਂ ਟਾਈਲਾਂ ਦਾ ਗੋਦਾਮ, ਮਜ਼ਬੂਤੀ ਪੱਥਰ ਵਰਗੀ ਤੇ ਰੇਟ ਇੱਟਾਂ ਵਾਲਾ | D5 Channel Punjabi
ਇਸ ਮੌਕੇ ਹੱਜ ਕਮੇਟੀ ਪੰਜਾਬ ਦੇ ਚੇਅਰਮੈਨ ਮੁਫ਼ਤੀ ਖ਼ਲੀਲ ਕਾਸਮੀ, ਹਾਜੀ ਮੁਹੰਮਦ ਅਖ਼ਤਰ, ਐਡਵੋਕੇਟ ਇਕਬਾਲ ਅਹਿਮਦ, ਮੌਲਾਨਾ ਆਜ਼ਮ ਅਲੀ, ਕੌਂਸਲਰ ਅਨਮ ਦੇ ਪਤੀ ਅਸਲਮ ਕਾਲਾ, ਮੁਫ਼ਤੀ ਮੁਹੰਮਦ ਯੂਸਫ, ਯਾਸਿਰ ਰਸ਼ੀਦ (ਸਾਰੇ ਹੱਜ ਕਮੇਟੀ ਮੈਂਬਰ), ਸਾਬਕਾ ਜ਼ਿਲ੍ਹਾ ਪ੍ਰਧਾਨ ਜਾਫ਼ਰ ਅਲੀ, ਕੌਂਸਲਰ ਭੋਲਾ, ਕੌਂਸਲਰ ਮੁਹੰਮਦ ਨਜ਼ੀਰ, ਯਾਸਰ ਅਰਫਾਤ, ਮੁਹੰਮਦ ਯਾਸੀਨ ਕਿਲ੍ਹਾ, ਪ੍ਰਧਾਨ ਅਬਦੁਲ ਸ਼ਕੂਰ ਕਿਲ੍ਹਾ ਆਦਿ ਹਾਜ਼ਰ ਸਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
