SportsBreaking NewsD5 specialNewsPunjabTop News

ਸੰਗਰੂਰ ਦੀ ਸਾਇਕਲਿਸਟ ਬਲਜੀਤ ਕੌਰ ਘਰ ਦੀ ਗਰੀਬੀ ਦੇ ਚੱਲਦਿਆਂ ਖੇਤਾਂ ‘ਚ ਝੋਨਾ ਲਗਾਉਣ ਨੂੰ ਮਜ਼ਬੂਰ 

ਸੰਗਰੂਰ : ‘ਖੇਲੇਗਾ ਇੰਡੀਆ ਤੋਂ ਬੜੇਗਾ ਇੰਡੀਆ’ ਇਹ ਨਾਅਰਾ ਸਰਕਾਰ ਵਲੋਂ ਵਿਦਿਆਰਥੀਆਂ ਅਤੇ ਨੌਜਵਾਨਾਂ ਨੂੰ ਖੇਡਾਂ ਪ੍ਰਤੀ ਉਤਸ਼ਾਹਿਤ ਕਰਨ ਲਈ ਦਿੱਤਾ ਗਿਆ ਹੈ। ਖਿਡਾਰੀਆਂ ਨੂੰ ਹਰ ਸਹੂਲਤ ਦੇਣ ਦੇ ਦਾਅਵੇ ਕੀਤੇ ਜਾ ਰਹੇ ਹਨ ਪਰ ਇਨਾਂ ਦਾਅਵਿਆਂ ਦੀ ਜ਼ਮੀਨੀ ਹਕੀਕਤ ਕੁਝ ਹੋਰ ਹੀ ਹੈ। ਤਸਵੀਰਾਂ ‘ਚ ਅੱਤ ਦੀ ਗਰਮੀ ‘ਚ ਆਪਣੇ ਪਰਿਵਾਰ ਨਾਲ ਝੋਨਾ ਲਗਾ ਰਹੀ ਇਹ ਲੜਕੀ ਸਟੇਟ ਪੱਧਰ ਦੀ ਖਿਡਾਰੀ ਹੈ ਤੇ ਸਾਇਕਲਿੰਗ ‘ਚ ਕਈ ਮੈਡਲ ਜਿੱਤ ਚੁੱਕੀ ਹੈ। ਸਰਕਾਰਾਂ ਤੇ ਪ੍ਰਸ਼ਾਸਨ ਦੀ ਬੇਰੁਖੀ ਦਾ ਸ਼ਿਕਾਰ ਇਹ ਖਿਡਾਰਨ ਪਰਿਵਾਰ ਦੇ ਗੁਜ਼ਾਰੇ ਲਈ ਝੋਨਾ ਲਗਾਉਣ ਲਈ ਮਜ਼ਬੂਰ ਹੈ। ਸਾਇਕਲਿਸਟ ਬਲਜੀਤ ਕੌਰ ਦਾ ਕਹਿਣਾ ਕਿ ਉਹ ਸਿਆਸੀ ਆਗੂਆਂ ਅੱਗੇ ਮਦਦ ਦੀ ਗੁਹਾਰ ਲਗਾ ਚੁੱਕੀ ਹੈ ਪਰ ਹਰ ਵਾਰ ਭਰੋਸੇ ਤੋਂ ਇਲਾਵਾ ਕੁਝ ਵੀ ਨਹੀਂ ਮਿਲਿਆ।

BIG NEWS ਦਿੱਲੀ ਤੋਂ ਆਈ ਵੱਡੀ ਖ਼ਬਰ,ਕਾਂਗਰਸ ਹਾਈਕਮਾਨ ਦਾ ਆਇਆ ਫੈਸਲਾ ! ਪੰਜਾਬ ਕਾਂਗਰਸ ‘ਚ ਵੱਡਾ ਫੇਰਬਦਲ !

ਬਲਜੀਤ ਦੇ ਪਰਿਵਾਰਕ ਮੈਂਬਰ ਵੀ ਬੇਬਸ ਨਜ਼ਰ ਆਏ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਤੱਕ ਬੜੀ ਮਿਹਨਤ ਨਾਲ ਬਲਜੀਤ ਨੇ ਮੈਡਲ ਹਾਸਲ ਕੀਤੇ ਹਨ ਪਰ ਫਿਰ ਵੀ ਸਰਕਾਰ ਨੇ ਕੋਈ ਸਹੂਲਤ ਨਹੀਂ ਦਿੱਤੀ। ਦੱਸ ਦਈਏ ਕਿ ਹੋਰਨਾਂ ਖਿਡਾਰੀਆਂ ਨੂੰ ਖੇਡਾਂ ਪ੍ਰਤੀ ਪ੍ਰੇਰਿਤ ਕਰਨ ਲਈ ਸੰਗਰੂਰ ‘ਚ ਬਲਜੀਤ ਕੌਰ ਦੀ ਕੰਧਾਂ ‘ਤੇ ਤਸਵੀਰ ਬਣਾਈ ਗਈ ਹੈ ਪਰ ਫਿਰ ਵੀ ਅਜੇ ਤੱਕ ਸਰਕਾਰ ਤੇ ਪ੍ਰਸ਼ਾਸਨ ਨੇ ਕੰਧ ‘ਤੇ ਫੋਟੋ ਬਣਾਉਣ ਤੋਂ ਬਿਨ੍ਹਾਂ ਇਸ ਖਿਡਾਰਨ ਲਈ ਕੁਝ ਨਹੀਂ ਸੋਚਿਆ। ਹੁਣ ਵੱਡਾ ਸਵਾਲ ਇਹ ਹੈ ਕਿ ਇਹਨਾਂ ਹਾਲਾਤਾਂ ‘ਚ ਕਿਵੇਂ ਖੇਡੇਗਾ ਇੰਡੀਆ ਤੇ ਕਿਵੇਂ ਵਧੇਗਾ ਇੰਡੀਆ। ਸਰਕਾਰਾਂ ਨੂੰ ਚਾਹੀਦਾ ਹੈ ਕਿ ਅਜਿਹੇ ਹੋਣਹਾਰ ਖਿਡਾਰੀਆਂ ਬਾਰੇ ਕੁਝ ਸੋਚੇ ਤੇ ਅੱਗੇ ਵਧਣ ‘ਚ ਸਹਿਯੋਗ ਕਰੇ।

Post Disclaimer

Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.

Related Articles

Back to top button