‘ਸਰਕਾਰ ਚਾਹੁੰਦੀ ਹੈ ਕਿ ਕਿਸਾਨ ਖੇਤੀ ਛੱਡ ਦੇਣ’
ਨਵੀਂ ਦਿੱਲੀ : ਭਾਰਤੀ ਕਿਸਾਨ ਯੂਨੀਅਨ (ਬੀਕੇਯੂ) ਦੇ ਆਗੂ ਰਾਕੇਸ਼ ਟਿਕੈਤ (Rakesh Tikait) ਨੇ ਸਰਕਾਰ ‘ਤੇ ਇਲਜ਼ਾਮ ਲਗਾਇਆ ਕਿ ਉਹ ਚਾਹੁੰਦੀ ਹੈ ਕਿ ਕਿਸਾਨ ਖੇਤੀ ਛੱਡ ਦੇਣ। ਉਨ੍ਹਾਂ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਜਾਤੀਆਂ ਅਤੇ ਧਰਮਾਂ ਚ ਵੰਡਣ ਨਾ ਸਗੋਂ ਇਕ ਭਾਈਚਾਰੇ ਦੇ ਰੂਪ ਚ ਵੋਟਿੰਗ ਕਰਨ ਤਾਂ ਕਿ ਸਰਕਾਰ ਨੂੰ ਉਨ੍ਹਾਂ ਦੇ ਪੱਖ ਚ ਨੀਤੀਆਂ ਬਦਲਣ ਲਈ ਮਜ਼ਬੂਰ ਕੀਤਾ ਜਾ ਸਕੇ। ਇਕ ਸਮਾਰੋਹ ‘ਚ ਟਿਕੈਤ ਨੇ ਇਕ ਮਜ਼ਬੂਤ ਵਿਰੋਧੀ ਧਿਰ ਤਿਆਰ ਕਰਨ ਦੀ ਅਪੀਲ ਕੀਤੀ।
ਟਿਕੈਤ ਨੇ ਕਿਹਾ, ਕਿਸਾਨਾਂ ਨੂੰ ਇਕ ਕਿਸਾਨ ਭਾਈਚਾਰੇ ਦੇ ਰੂਪ ‘ਚ ਵੋਟ ਦੇਣੀ ਚਾਹੀਦੀ ਹੈ। ਉਦੋਂ ਸਰਕਾਰ ਉਨ੍ਹਾਂ ਦੇ ਮਹੱਤਵ ਨੂੰ ਸਮਝੇਗੀ ਅਤੇ ਉਨ੍ਹਾਂ ਨੂੰ ਫ਼ਾਇਦਾ ਪਹੁੰਚਾਉਣ ਵਾਲੇ ਫ਼ੈਸਲੇ ਲਵੇਗੀ। ਟਿਕੈਤ ਨੇ ਬਿਜਲੀ ਦੇ ਸੰਬੰਧ ਚ ਕੇਂਦਰ ਦੀਆਂ ਨੀਤੀਆਂ ਲਈ ਉਸ ਦੀ ਆਲੋਚਨਾ ਕੀਤੀ। ਉਨ੍ਹਾਂ ਕਿਹਾ ਕਈ ਸੂਬੇ (ਕਿਸਾਨਾਂ ਨੂੰ) ਮੁਫ਼ਤ ਬਿਜਲੀ ਦਿੰਦੇ ਹਨ ਪਰ ਕੇਂਦਰ ਬਿਜਲੀ ਸੋਧ ਬਿੱਲ ਲਿਆਉਣਾ ਚਾਹੁੰਦਾ ਹੈ , ਜਿਸ ‘ਚ ਪ੍ਰਬੰਧ ਹੈ ਕਿ 2 ਮਵੇਸ਼ੀਆਂ ਵਾਲੇ ਛੋਟੇ ਕਿਸਾਨਾਂ ਨੂੰ ਵੀ ਵਪਾਰਕ ਖਪਤਕਾਰ ਕਨੈਕਸ਼ਨ ਲੈਣਾ ਹੋਵੇਗਾ। ਕੀ ਕਿਸਾਨ ਵਪਾਰਕ ਕਨੈਕਸ਼ਨ ਲੈ ਕੇ ਜਿਊਂਦੇ ਰਹਿ ਸਕਦਾ ਹੈ ? ਉਨ੍ਹਾਂ ਦੋਸ਼ ਲਗਾਇਆ ਕਿ ਕੇਂਦਰ ਸਰਕਾਰ ਚਾਹੁੰਦੀ ਹੈ ਕਿ ਕਿਸਾਨ ਖੇਤੀ ਕਰਨਾ ਛੱਡ ਦੇਣ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
