ਸਟੇਜ਼ ‘ਤੇ ਬਹਿਸੇ ਕਾਂਗਰਸੀ ਵਿਧਾਇਕ, ਸ਼ਰੇਆਮ ਲਗਾਏ ਇੱਕ ਦੂਜੇ ‘ਤੇ ਇਲਜ਼ਾਮ, ਲੀਡਰ ‘ਤੇ ਵਰਕਰ ਵੀ ਦੇਖ ਕੇ ਹੋਏ ਹੈਰਾਨ
ਰੋਪੜ : ਲੋਕਾਂ ਦੀ ਅਤੇ ਐੱਮਪੀ ਮਨੀਸ਼ ਤਿਵਾੜੀ ਦੀ ਮੌਜੂਦਗੀ ‘ਚ ਫੰਡਾਂ ਨੂੰ ਲੈ ਕੇ ਸ਼ਰੇਆਮ ਬਹਿਸ ਰਹੇ ਇਹ ਨੇ ਆਮ ਆਦਮੀ ਪਾਰਟੀ ਛੱਡ ਕਾਂਗਰਸ ‘ਚ ਸ਼ਾਮਿਲ ਹੋਏ ਰੋਪੜ ਤੋਂ ਵਿਧਾਇਕ ਅਮਰਜੀਤ ਸਿੰਘ ਸੰਦੋਆ ਤੇ ਆਨੰਦਪੁਰ ਸਾਹਿਬ ਤੋਂ ਕਾਂਗਰਸ ਦੇ ਵਿਧਾਇਕ। ਵਿਧਾਨ ਸਭਾ ਦੇ ਸਪੀਕਰ ਰਾਣਾ ਕੇਪੀ ਸਿੰਘ ਇਹ ਦੋਵੇਂ ਕਾਂਗਰਸ ਪਾਰਟੀ ਦੇ ਕਿਸੇ ਸਮਾਗਮ ਵਿਚ ਪੁੱਜੇ ਹੋਏ ਸੀ। ਜਿੱਥੇ ਸੰਦੋਆ ਨੇ ਸ਼ਰੇਆਮ ਲੋਕਾਂ ਅਤੇ ਐੱਮਪੀ ਦੀ ਮੌਜੂਦਗੀ ‘ਚ ਕਹਿ ਦਿੱਤਾ ਕਿ ਮੇਰੇ ਹਲਕੇ ਰੋਪੜ ਨਾਲ ਵਿਤਕਰਾ ਹੋ ਰਿਹਾ ਹੈ। ਇਨ੍ਹਾਂ ਹੀ ਨਹੀਂ ਸੰਦੋਆ ਨੇ ਕਿਹਾ ਕਿ ਸਪੀਕਰ ਸਾਹਿਬ ਅਤੇ ਮੰਤਰੀ ਚੰਨੀ ਪੈਸਾ ਆਪਣੇ ਆਪਣੇ ਹਲਕੇ ‘ਚ ਹੀ ਖਰਚ ਕਰ ਰਹੇ ਹਨ। ਰੋਪੜ ਹਲਕੇ ਵੱਲ ਧਿਆਨ ਨਹੀਂ ਦਿੱਤਾ ਜਾਂਦਾ।
ਸਟੇਜ਼ ‘ਤੇ ਬਹਿਸੇ ਕਾਂਗਰਸੀ ਵਿਧਾਇਕ, ਸ਼ਰੇਆਮ ਲਗਾਏ ਇੱਕ ਦੂਜੇ ‘ਤੇ ਇਲਜ਼ਾਮ, ਲੀਡਰ ‘ਤੇ ਵਰਕਰ ਵੀ ਦੇਖ ਕੇ ਹੋਏ ਹੈਰਾਨ
ਦੇਖਿਆ ਤੁਸੀਂ ਕਿਸ ਤਰ੍ਹਾਂ ਸੰਦੋਆਂ ਨੇ ਸ਼ਰੇਆਮ ਆਪਣੇ ਹਲਕੇ ਨਾਲ ਵਿਤਕਰਾ ਹੋਣ ਦੇ ਇਲਜਾਮ ਲਗਾ ਦਿੱਤੇ। ਫਿਰ ਕੀ ਸੀ ਸਪੀਕਰ ਸਾਹਿਬ ਤੋਂ ਰਿਹਾ ਨਾ ਗਿਆ, ਸਪੀਕਰ ਸਾਹਿਬ ਨੇ ਖਰੀਆਂ ਖਰੀਆਂ ਸੁਣਾ ਦਿੱਤੀਆਂ। ਗੱਲਾਂ ਗੱਲਾਂ ‘ਚ ਸਪੀਕਰ ਸਾਹਿਬ ਨੇ ਤਾਂ ਇਥੋਂ ਤੱਕ ਆਖ ਦਿੱਤਾ ਕਿ ਉਹ ਸਿਰਫ ਆਪਣਿਆਂ ਨੂੰ ਹੀ ਪੈਸਾ ਦੇਣਗੇ, ਹੋਰ ਅਕਾਲੀਆਂ ਨੂੰ ਥੋੜੀ ਦੇਣੇ। ਬੇਸ਼ੱਕ ਸਪੀਕਰ ਸਾਹਿਬ ਨੇ ਗੱਲ ਕੁਝ ਹੋਰ ਕਹੀ ਪਰ ਸਪੀਕਰ ਨੇ ਗੱਲ ਲਗਾਈ ਕਿੱਥੇ ਹੈ ਉਹ ਸੰਦੋਆ ਅਤੇ ਬਾਕੀ ਲੋਕ ਵੀ ਸਮਝ ਗਏ ਸੀ।
ਇਸ ਵੀਡੀਓ ਨੂੰ ਦੇਖ ਨੇ ਹੁਣ ਅੰਦਾਜ਼ਾ ਲਗਾਉਣਾ ਔਖਾ ਨਹੀਂ ਹੈ ਕਿ ਇਸ ਪ੍ਰੋਗਰਾਮ ‘ਚ ਕਿ ਕੁਝ ਹੋਇਆ। ਬੇਸ਼ੱਕ ਵਿਕਾਸ ਨੂੰ ਮੁੱਖ ਰੱਖਦੇ ਹੋਏ ਜਾਂ ਵਿਕਾਸ ਦਾ ਬਹਾਨਾ ਲਗਾ ਕੇ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਸੰਦੋਆ ਕਾਂਗਰਸ ‘ਚ ਸ਼ਾਮਿਲ ਹੋਏ ਪਰ ਸੰਦੋਆ ਮੁਤਾਬਿਕ ਉਹਨਾਂ ਦਾ ਹਲਕਾ ਵਿਕਾਸ ਵੱਲੋਂ ਅੱਜ ਵੀ ਸੱਖਣਾ ਹੈ। ਉਥੇ ਹੀ ਦੂਜੇ ਪਾਸੇ ਸਪੀਕਰ ਨੇ ਸਾਫ ਕਰ ਦਿੱਤਾ ਕਿ ਉਨ੍ਹਾਂ ਵੱਲੋਂ ਰੋਪੜ ਲਈ ਪੈਸਾ ਜ਼ੁਰੂਰ ਦਿੱਤਾ ਗਿਆ ਪਰ ਦਿੱਤਾ ਆਪਣੇ ਲੋਕਾਂ ਨੂੰ ਗਿਆ। ਗ੍ਰਾਟਾਂ ਨੂੰ ਲੈ ਕੇ ਲੋਕਾਂ ਸਾਹਮਣੇ ਸ਼ਰੇਆਮ ਮਿਹਣੋ ਮਿਹਣੀ ਹੋਏ ਇਨ੍ਹਾਂ ਲੀਡਰਾਂ ਦੀਆਂ ਗੱਲਾਂ ਤੋਂ ਸਾਫ ਹੋ ਰਿਹਾ ਹੈ ਕਿ ਕਾਂਗਰਸ ‘ਚ ਸ਼ਾਮਿਲ ਹੋਏ ਸੰਦੋਆਂ ਨੂੰ ਕਾਂਗਰਸ ‘ਚ ਕੋਈ ਬਹੁਤੀ ਤਰਜੀਹ ਨਹੀਂ ਦਿੱਤੀ ਜਾਂਦੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
