ਸਟਾਕ ਮਾਰਕੀਟ ਦੇ ‘Big Bull’ ਰਾਕੇਸ਼ ਝੁਨਝੁਨਵਾਲਾ ਦਾ ਦੇਹਾਂਤ

ਮੁੰਬਈ : ਸ਼ੇਅਰ ਬਾਜ਼ਾਰ ਦੇ ਦਿੱਗਜ ਰਾਕੇਸ਼ ਝੁਨਝੁਨਵਾਲਾ ਦਾ 62 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ਵਿਚ ਸਵੇਰੇ 6.45 ਵਜੇ ਰਾਕੇਸ਼ ਝੁਨਝੁਨਵਾਲਾ ਨੇ ਆਖਰੀ ਸਾਹ ਲਿਆ। ਹਸਪਤਾਲ ਮੁਤਾਬਕ ਰਾਕੇਸ਼ ਪਿਛਲੇ ਕੁਝ ਦਿਨਾਂ ਤੋਂ ਬਿਮਾਰ ਸਨ। ਮੀਡੀਆ ਰਿਪੋਰਟਾਂ ਦੀ ਮੰਨੀਏ ਤਾਂ, ਰਾਕੇਸ਼ ਝੁਨਝੁਨਵਾਲਾ ਨੂੰ ਸ਼ੇਅਰ ਬਾਜ਼ਾਰ ਦੇ ਦਿੱਗਜ ਵਜੋਂ ਵੀ ਜਾਣਿਆ ਜਾਂਦਾ ਸੀ, ਉਨ੍ਹਾਂ ਦੀ ਕੁੱਲ ਜਾਇਦਾਦ $ 5.5 ਬਿਲੀਅਨ ਹੈ।

ਵਧਦੀਆਂ ਕੀਮਤਾਂ ’ਤੇ CM ਮਾਨ ਦਾ ਵੱਡਾ ਫੈਸਲਾ, ਹੁਣ ਫਿਕਸ ਰੇਟ ’ਤੇ ਹੀ ਮਿਲੂ ਆਹ ਸਾਮਾਨ | D5 Channel Punjabi

ਰਾਕੇਸ਼ ਝੁਨਝੁਨਵਾਲਾ ਨੇ ਪਿਛਲੇ ਹਫਤੇ ਹੀ ‘ਆਕਾਸਾ’ ਏਅਰਲਾਈਨ ਲਾਂਚ ਕਰਕੇ ਹਵਾਬਾਜ਼ੀ ਖੇਤਰ ‘ਚ ਵੀ ਐਂਟਰੀ ਕੀਤੀ ਸੀ। ਝੁਨਝੁਨਵਾਲਾ ਕਦੇ ਸਟਾਕ ਮਾਰਕਿਟ ਵਿੱਚ ਬਿੱਗਬੁੱਲ ਦੇ ਨਾਂ ਨਾਲ ਜਾਣੇ ਜਾਂਦੇ ਸਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅਤੇ ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਸਮੇਤ ਕਈ ਲੋਕਾਂ ਨੇ ਉਨ੍ਹਾਂ ਦੀ ਮੌਤ ‘ਤੇ ਦੁੱਖ ਪ੍ਰਗਟ ਕੀਤਾ ਹੈ।