ਵਿਦੇਸ਼ ਤੋਂ ਵਾਪਿਸ ਪਰਤਦਿਆਂ ਹੀ ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਸਰਕਾਰ ‘ਤੇ ਸਾਧੇ ਨਿਸ਼ਾਨੇ, ਕਿਹਾ “ਸਰਕਾਰ ਦੇ ਸਾਰੇ ਮੰਤਰੀ ਸੁੱਤੇ ਪਏ”

ਮਾਨਸਾ : ਸਿੱਧੂ ਮੂਸੇਵਾਲਾ ਦੇ ਪਿਤਾ ਵਿਦੇਸ਼ ਤੋਂ ਵਾਪਿਸ ਪਰਤਦਿਆਂ ਹੀ ਸਰਕਾਰ ਖਿਲਾਫ਼ ਮੋਰਚਾ ਖੋਲ੍ਹ ਦਿੱਤਾ ਹੈ। ਉਨ੍ਹਾਂ ਨੇ ਅੱਜ ਪਿੰਡ ਮੂਸਾ ਵਿਖੇ ਲੋਕਾਂ ਨਾਲ ਗੱਲਬਾਤ ਕਰਦੀਆਂ ਕਿਹਾ ਕਿ ਸਰਕਾਰ ਛੋਟੇ-ਮੋਟੇ ਭ੍ਰਿਸ਼ਟਾਚਾਰ ਕਰਨ ਵਾਲੀਆ ਨੂੰ ਤਾਂ ਅੰਦਰ ਕਰ ਰਹੀ ਹੈ ਪਰ ਮੇਰੇ ਪੁੱਤਰ ਦੀ ਸਕਿਉਰਟੀ ਲੀਕ ਕਰਨ ਵਾਲੀਆਂ ਖਿਲਾਫ਼ ਹੱਲੇ ਤੱਕ ਕੋਈ ਕਾਰਵਾਈ ਨਹੀਂ ਹੋਈ। ਉਨ੍ਹਾਂ ਕਿਹਾ ਕਿ ਸਰਕਾਰ ਦੇ ਸਾਰੇ ਮੰਤਰੀ ਸੁੱਤੇ ਪਏ ਹਨ।

ਨਵੇਂ ਬਣੇ ਸਿਹਤ ਮੰਤਰੀ ਦਾ ਐਕਸ਼ਨ! CM Mann ਨਾਲ ਮੀਟਿੰਗ! ਨਸ਼ੇ ਦੇ ਮੱਗਰਮੱਛਾਂ ਨੂੰ ਚੇਤਾਵਨੀ | D5 Channel Punjabi

ਸਿੱਧੂ ਮੂਸੇਵਾਲਾ ਦੇ ਪਿਤਾ ਨੇ ਕਿਹਾ ਕਿ ਇਕ NRI 2 ਦਿਨ ਪਹਿਲਾ UK ਤੋਂ ਪੰਜਾਬ ਆਇਆ ਸੀ ‘ਤੇ ਉਸਨੇ ਆਪਣਾ ਰਿਚਾਰਜ ਕਰਵਾਇਆ ਹੀ ਸੀ ‘ਤੇ ਉਸ ਨੂੰ ਕੁੱਛ ਸਮੇਂ ਬਾਅਦ ਹੀ 10 ਲੱਖ ਦੀ ਫਿਰੋਤੀ ਲਈ ਫੋਨ ਆ ਗਿਆ। ਉਹ ਉਸੇ ਦਿਨ ਯੂਕੇ ਵਾਪਸ ਚਲਾ ਗਿਆ।  ਉਨ੍ਹਾਂ ਕਿਹਾ ਕਿ ਗੈਂਗਸਟਰ ਦੇ ਹੌਸਲੇ ਇੰਨੇ ਬੁਲੰਦ ਹੋ ਗਏ ਹਨ ਕਿ ਉਨ੍ਹਾਂ ਨੇ ਥਾਣਿਆਂ ਤੇ ਹਮਲਾ ਸ਼ੁਰੂ ਕਰ ਦਿੱਤੇ ਹਨ। ਸਰਕਾਰ ਤੇ ਮੰਤਰੀ ਕੋਈ ਵੀ ਆਪਣਾ ਮੂੰਹ ਖੋਲ੍ਹਣ ਲਈ ਤਿਆਰ ਨਹੀਂ। ਉਨ੍ਹਾਂ ਕਿਹਾ ਕਿ ਉਹ ਆਪਣੇ ਪੁੱਤਰ ਨੂੰ ਇਨਸਾਫ ਦਿਵਾਉਣ ਲਈ ਹਰ ਲੜਾਈ ਲੜਨਗੇ। ਉਨ੍ਹਾਂ ਕਿਹਾ ਕਿ ਉਹ ਯੂਕੇ ਤੋਂ ਵਾਪਸ ਆਏ ਹਨ। ਉੱਥੇ ਜੋ ਵੀ ਉਨ੍ਹਾਂ ਨੂੰ ਮਿਲਿਆ ਸਭ ਨੇ ਪੁੱਛਿਆ ਕਿ ਪੰਜਾਬ ਨੂੰ ਕੀ ਹੋ ਗਿਆ ਹੈ?