ਲਖੀਮਪੁਰ ਹਿੰਸਾ ‘ਤੇ ਬੋਲੇ Rahul Gandhi – ‘ਦੇਸ਼ ‘ਚ ਪਹਿਲਾਂ ਲੋਕਤੰਤਰ ਹੋਇਆ ਕਰਦਾ ਸੀ ਪਰ ਹੁਣ ਹੈ ਤਾਨਾਸ਼ਾਹੀ’

ਨਵੀਂ ਦਿੱਲੀ : ਕਾਂਗਰਸੀ ਨੇਤਾ ਰਾਹੁਲ ਗਾਂਧੀ ਅੱਜ ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੂਪੇਸ਼ ਬਘੇਲ ਅਤੇ ਪੰਜਾਬ ਦੇ ਸੀਐਮ ਚਰਨਜੀਤ ਸਿੰਘ ਚੰਨੀ ਦੇ ਨਾਲ ਲਖੀਮਪੁਰ ਜਾਣਗੇ। ਹਾਲਾਂਕਿ ਯੋਗੀ ਆਦਿਤਿਆਨਾਥ ਸਰਕਾਰ ਨੇ ਰਾਹੁਲ ਗਾਂਧੀ ਨੂੰ ਲਖੀਮਪੁਰ ਖੀਰੀ ਇਲਾਕੇ ਦਾ ਦੌਰਾ ਕਰਨ ਦੀ ਆਗਿਆ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਹਿੰਸਾ ਤੋਂ ਬਾਅਦ ਹੀ ਲਖੀਮਪੁਰੀ ਖੀਰੀ ‘ਚ ਧਾਰਾ 144 ਲਾਗੂ ਹੈ। ਇਸ ਤੋਂ ਪਹਿਲਾਂ ਰਾਹੁਲ ਗਾਂਧੀ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਕੁਝ ਸਮੇਂ ਤੋਂ ਹਿੰਦੁਸਤਾਨ ਦੇ ਕਿਸਾਨਾਂ ‘ਤੇ ਸਰਕਾਰ ਦਾ ਹਮਲਾ ਹੋ ਰਿਹਾ ਹੈ। ਉਨ੍ਹਾਂ ਨੂੰ ਜੀਪ ਦੇ ਹੇਠਾਂ ਕੁਚਲਿਆ ਜਾ ਰਿਹਾ ਹੈ। ਗ੍ਰਹਿ ਮੰਤਰੀ ਦੇ ਪੁੱਤਰ ‘ਤੇ ਕੋਈ ਕਾਰਵਾਈ ਨਹੀ ਕੀਤੀ ਜਾ ਰਹੀ। ਤਿੰਨ ਨਵੇਂ ਕਾਨੂੰਨ ਲਿਆਂਦੇ ਗਏ, ਇਸ ਲਈ ਕਿਸਾਨ ਧਰਨੇ ’ਤੇ ਬੈਠੇ ਹਨ। ਕੱਲ੍ਹ ਪ੍ਰਧਾਨ ਮੰਤਰੀ ਮੋਦੀ ਲਖਨਊ ‘ਚ ਸਨ ਪਰ ਲਖੀਮਪੁਰ ਨਹੀਂ ਗਏ। ਅੱਜ ਅਸੀਂ ਦੋ ਮੁੱਖ ਮੰਤਰੀਆਂ ਦੇ ਨਾਲ ਲਖੀਮਪੁਰ ਜਾਣ ਦੀ ਕੋਸ਼ਿਸ਼ ਕਰਾਂਗੇ।

Khabran Da Sira🔴LIVE ਯੋਗੀ ਡਰਿਆ ਕਿਸਾਨਾਂ ਤੋਂ, ਭਾਜਪਾ ਵਿਰੁੱਧ ਸਾਰੇ ਦਲ ਇਕਮੱਤ, ਡਰਿਆ ਮੋਦੀ- ਕਾਨੂੰਨ ਹੋਣਗੇ ਰੱਦ

ਰਾਹੁਲ ਗਾਂਧੀ ਨੇ ਕਿਹਾ ਕਿ ਅਸੀਂ ਤਿੰਨ ਹੀ ਲੋਕ ਲਖੀਮਪੁਰ ਜਾਣਾ ਚਾਹੁੰਦੇ ਹਾਂ। ਧਾਰਾ 144 ‘ਚ ਪੰਜ ਲੋਕ ਨਹੀਂ ਜਾ ਸਕਦੇ , ਇਸ ਲਈ ਅਸੀਂ ਤਿੰਨ ਹੀ ਜਾਣਾ ਚਾਹੁੰਦੇ ਹਾਂ। ਅਸੀਂ ਪ੍ਰਸ਼ਾਸਨ ਨੂੰ ਪੱਤਰ ਲਿਖਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਾਡਾ ਕੰਮ ਪ੍ਰੈਸ਼ਰ ਬਣਾਉਣਾ ਹੈ। ਹਾਥਰਸ ‘ਚ ਅਸੀਂ ਪ੍ਰੈਸ਼ਰ ਬਣਾਇਆ ਤਾਂ ਕਾਰਵਾਈ ਹੋਈ। ਜੇਕਰ ਹਾਥਰਸ ‘ਚ ਅਸੀਂ ਨਾ ਜਾਂਦੇ ਤਾਂ ਅਪਰਾਧੀ ਬਚ ਕੇ ਨਿਕਲ ਜਾਂਦੇ। ਸਰਕਾਰ ਇਸ ਮੁੱਦੇ ‘ਤੇ ਸਾਨੂੰ ਦੂਰ ਰੱਖਣਾ ਚਾਹੁੰਦੀ ਹੈ ਤਾਂ ਕਿ ਪ੍ਰੈਸ਼ਰ ਨਾ ਬਣਾਇਆ ਜਾ ਸਕੇ।

ਅੱਧੀ ਰਾਤ ਨੂੰ ਕਿਸਾਨ ਆਗੂ ਨੇ ਠੋਕਿਆ ਖੱਟਰ, ਸਿੰਘੂ ਬਾਰਡਰ ਤੋਂ ਮਾਰੀ ਲਲਕਾਰ

ਰਾਹੁਲ ਗਾਂਧੀ ਨੇ ਕਿਹਾ ਕਿ ਪਹਿਲਾਂ ਭਾਰਤ ‘ਚ ਲੋਕਤੰਤਰ ਹੋਇਆ ਕਰਦਾ ਸੀ ਪਰ ਹੁਣ ਇੱਥੇ ਤਾਨਾਸ਼ਾਹੀ ਹੈ। ਪ੍ਰਿਅੰਕਾ ਗਾਂਧੀ ਦੀ ਗ੍ਰਿਫ਼ਤਾਰੀ ਦੇ ਸਵਾਲ ‘ਤੇ ਰਾਹੁਲ ਨੇ ਕਿਹਾ ਕਿ ਪ੍ਰਿਅੰਕਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਪਰ ਇੱਥੇ ਵੱਡਾ ਮੁੱਦਾ ਕਿਸਾਨਾਂ ਦਾ ਹੈ। ਰਾਹੁਲ ਗਾਂਧੀ ਨੇ ਕਿਹਾ ਕਿ ਸਾਡੇ ਪਰਿਵਾਰ ਨੂੰ ਮੈਨ ਹੈਂਡਲਿੰਗ ਨਾਲ ਕੋਈ ਫਰਕ ਨਹੀ ਪੈਂਦਾ। ਚਾਹੇ ਪ੍ਰਿਅੰਕਾ ਹੋਵੇ ਜਾਂ ਮੈਂ, ਸਾਡੀ ਸਾਲਾਂ ਪੁਰਾਣੀ ਟ੍ਰੇਨਿੰਗ ਹੈ। ਸਾਨੁੰ ਇਨ੍ਹਾਂ ਚੀਜਾਂ ਨਾਲ ਕੋਈ ਫਰਕ ਨਹੀ ਪੈਂਦਾ।