ਮਾਨ ਸਰਕਾਰ ਨੇ 10 ਕੈਬਨਿਟ ਮੰਤਰੀਆਂ ਨੂੰ ਕੋਠੀਆਂ ਕੀਤੀਆਂ ਅਲਾਟ
ਪਟਿਆਲਾ : ਪੰਜਾਬ ਸਰਕਾਰ ਨੇ ਸੂਬੇ ਦੇ ਨਵੇਂ 10 ਕੈਬਨਿਟ ਮੰਤਰੀਆਂ ਨੂੰ ਸਰਕਾਰੀ ਕੋਠੀਆਂ ਅਲਾਟ ਕਰ ਦਿੱਤੀਆਂ ਹਨ। ਇਹ ਕੋਠੀਆਂ ਇਸ ਸਮੇਂ ਚੰਡੀਗੜ੍ਹ ਦੇ ਸੈਕਟਰ-2 ਅਤੇ ਸੈਕਟਰ-39 ’ਚ ਸਥਿਤ ਹਨ। ਸੂਬਾ ਸਰਕਾਰ ਦੇ ਪ੍ਰਸੋਨਲ ਮਹਿਕਮੇ ਵੱਲੋਂ ਜਾਰੀ ਕੀਤੇ ਗਏ ਪੱਤਰ ਵਿਚ ਦੱਸਿਆ ਗਿਆ ਹੈ ਕਿ ਪੰਜਾਬ ਦੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਨੂੰ ਚੰਡੀਗੜ੍ਹ ਦੇ ਸੈਕਟਰ-2 ਵਿਚ ਕੋਠੀ ਨੰ.47, ਕੈਬਨਿਟ ਮੰਤਰੀ ਗੁਰਮੀਤ ਸਿੰਘ ਮੀਤ ਹੇਅਰ ਨੂੰ ਸੈਕਟਰ-2 ਵਿਚ ਕੋਠੀ ਨੰ.43, ਕੈਬਨਿਟ ਮੰਤਰੀ ਡਾ. ਬਲਜੀਤ ਕੌਰ ਨੂੰ ਸੈਕਟਰ-2 ਚੰਡੀਗੜ੍ਹ ਵਿਚ ਕੋਠੀ ਨੰ.10 ਅਲਾਟ ਕੀਤੀ ਗਈ ਹੈ।
ਕੇਂਦਰ ਦੀ ਪੰਜਾਬ ਨੂੰ ਕੋਰੀ ਨਾਂਹ, ਰੱਖੀਆਂ ਸ਼ਰਤਾਂ, CM Bhagwant Mann ਲਈ ਵੱਡੀ ਮੁਸੀਬਤ! D5 Channel Punjabi
ਸਿਹਤ ਮੰਤਰੀ ਡਾ. ਵਿਜੇ ਸਿੰਗਲਾ ਨੂੰ ਚੰਡੀਗੜ੍ਹ ਦੇ ਸੈਕਟਰ-39 ਵਿਚ ਕੋਠੀ ਨੰ.951, ਪੇਂਡੂ ਵਿਕਾਸ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਨੂੰ ਸੈਕਟਰ-39 ਵਿਚ ਕੋਠੀ ਨੰ.952, ਜੇਲ ਤੇ ਮਾਈਨਿੰਗ ਮੰਤਰੀ ਹਰਜੋਤ ਸਿੰਘ ਬੈਂਸ ਨੂੰ ਸੈਕਟਰ-39 ਵਿਚ ਕੋਠੀ ਨੰ.953, ਕੈਬਨਿਟ ਮੰਤਰੀ ਹਰਭਜਨ ਸਿੰਘ ਨੂੰ ਸੈਕਟਰ-39 ਵਿਚ ਕੋਠੀ ਨੰ. 954, ਮਾਲ ਮੰਤਰੀ ਬ੍ਰਹਮ ਸ਼ੰਕਰ ਜਿੰਪਾ ਨੂੰ ਸੈਕਟਰ-39 ਵਿਚ ਕੋਠੀ ਨੰ. 957, ਕੈਬਨਿਟ ਮੰਤਰੀ ਲਾਲਜੀਤ ਸਿੰਘ ਭੁੱਲਰ ਨੂੰ ਸੈਕਟਰ-39 ਵਿਚ ਹੀ ਕੋਠੀ ਨੰ. 955 ਅਤੇ ਕੈਬਨਿਟ ਮੰਤਰੀ ਲਾਲਚੰਦ ਕਟਾਰੂਚੱਕ ਨੂੰ ਸੈਕਟਰ-39 ਵਿਚ ਕੋਠੀ ਨੰ. 956 ਅਲਾਟ ਕੀਤੀ ਗਈ ਹੈ।
ਬਾਬਿਆਂ ਦੀ ਤੰਦਰੁਸਤੀ ਦਾ ਰਾਜ਼, ਆਹ ਬੰਦੇ ਨੇ ਲੱਭਿਆ ਆਧੁਨਿਕ ਨੁਸਖਾ, ਵੱਡੀਆਂ ਬਿਮਾਰੀਆਂ ਦਾ ਛੋਟਾ ਹੱਲ |
ਪੰਜਾਬ ਵਿਚ ਮੁੱਖ ਮੰਤਰੀ ਭਗਵੰਤ ਮਾਨ ਸਮੇਤ ਇਸ ਸਮੇਂ ਕੁਲ ਮੰਤਰੀਆਂ ਦੀ ਗਿਣਤੀ 11 ਹੈ। ਭਗਵੰਤ ਮਾਨ ਨੂੰ ਮੁੱਖ ਮੰਤਰੀ ਵਾਲੀ ਰਿਹਾਇਸ਼ ਮਿਲ ਚੁੱਕੀ ਹੈ। ਦੂਜੇ ਪਾਸੇ ਅਜੇ 7 ਮੰਤਰੀਆਂ ਦੇ ਅਹੁਦੇ ਸਰਕਾਰ ਵਿਚ ਖ਼ਾਲੀ ਪਏ ਹੋਏ ਹਨ। ਸੈਕਟਰ-2 ਤੇ ਸੈਕਟਰ-39 ਵਿਚ ਅਜੇ ਕਈ ਸਰਕਾਰੀ ਕੋਠੀਆਂ ਖ਼ਾਲੀ ਪਈਆਂ ਹੋਈਆਂ ਹਨ, ਜੋ ਆਉਣ ਵਾਲੇ ਸਮੇਂ ਵਿਚ ਨਵੇਂ ਬਣਨ ਵਾਲੇ ਮੰਤਰੀਆਂ ਨੂੰ ਅਲਾਟ ਕੀਤੀਆਂ ਜਾਣਗੀਆਂ। ਨਵੇਂ ਬਣਨ ਵਾਲੇ ਵਿਧਾਇਕਾਂ ਨੂੰ ਐੱਮ. ਐੱਲ. ਏ. ਹੋਸਟਲ ਵਿਚ ਫਲੈਟ ਸਰਕਾਰ ਵੱਲੋਂ ਅਲਾਟ ਕੀਤੇ ਜਾਣਗੇ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
