ਬਾਲੀਵੁਡ ਨੂੰ ਇੱਕ ਹੋਰ ਵੱਡਾ ਝਟਕਾ, ਮਸ਼ਹੂਰ ਕੋਰੀਓਗ੍ਰਾਫਰ ਸਰੋਜ ਖਾਨ ਦਾ ਦੇਹਾਂਤ
ਮੁੰਬਈ : ਮਸ਼ਹੂਰ ਕੋਰੀਓਗ੍ਰਾਫਰ ਸਰੋਜ ਖਾਨ ਦਾ ਦੇਹਾਂਤ ਹੋ ਗਿਆ ਹੈ। ਸਾਂਹ ਲੈਣ ‘ਚ ਸ਼ਿਕਾਇਤ ਤੋਂ ਬਾਅਦ ਉਨ੍ਹਾਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਸੀ। ਜਿੱਥੇ ਵੀਰਵਾਰ ਦੇਰ ਰਾਤ 1.52 ‘ਤੇ ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। ਕੁਝ ਦਿਨ ਪਹਿਲਾਂ ਹੀ ਉਨ੍ਹਾਂ ਦਾ ਕੋਰੋਨਾ ਟੈਸਟ ਵੀ ਕਰਵਾਇਆ ਗਿਆ ਸੀ ਜੋ ਨੈਗੇਟਿਵ ਆਇਆ ਸੀ। ਸਰੋਜ ਖਾਨ 72 ਸਾਲ ਦੀ ਸੀ। ਉਨ੍ਹਾਂ ਨੇ ਮਾਧੁਰੀ ਦਿਕਸ਼ਿਤ ਅਤੇ ਸ਼੍ਰੀਦੇਵੀ ਸਮੇਤ ਬਾਲੀਵੁਡ ਦੇ ਕਈ ਕਲਾਕਾਰਾਂ ਨੂੰ ਡਾਂਸ ਸਿਖਾਇਆ ਸੀ।
ਪੰਜਾਬੀ ਨੌਜਵਾਨਾਂ ਦੀ ਵੀਡੀਓ ਵਾਇਰਲ, ਭਗਵੰਤ ਮਾਨ ਤੱਕ ਵੀ ਭੇਜੀ ਸੀ ਵੀਡੀਓ ਪਰ …
ਦੱਸ ਦਈਏ ਕਿ ਸਰੋਜ ਖਾਨ ਨੂੰ ਗੁਰੂ ਨਾਨਕ ਹਸਪਤਾਲ ‘ਚ ਸਾਹ ਦੀ ਤਕਲੀਫ ਦੇ ਚੱਲਦਿਆਂ 20 ਜੂਨ ਨੂੰ ਭਰਤੀ ਕਰਵਾਇਆ ਗਿਆ ਸੀ। ਉਹਨਾਂ ਦੀ ਸਿਹਤ ਹੌਲੀ-ਹੌਲੀ ਠੀਕ ਹੋ ਰਹੀ ਸੀ, ਡਾਕਟਰਾਂ ਅਨੁਸਾਰ ਜ਼ਲਦ ਹੀ ਉਹਨਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਜਾਣੀ ਸੀ। ਸਰੋਜ ਖਾਨ ਦਾ ਅੰਤਿਮ ਸਸਕਾਰ ਸ਼ੁੱਕਰਵਾਰ ਨੂੰ ਮੁੰਬਈ ਸਥਿਤ ਮਲਾਡ਼ ਦੇ ਮਾਲਵਾਣੀ ਵਿਖੇ ਹੋਵੇਗਾ। ਚਾਰ ਦਹਾਕਿਆਂ ਦੇ ਲੰਬੇ ਕਰੀਅਰ ‘ਚ ਸਰੋਜ ਖਾਨ ਨੂੰ 2000 ਤੋਂ ਜ਼ਿਆਦਾ ਗਾਣਿਆਂ ਦੀ ਕੋਰੀਓਗ੍ਰਾਫੀ ਕਰਨ ਦਾ ਮਾਣ ਹਾਸਲ ਹੈ।
ਬਾਦਲਾਂ ‘ਤੇ ਮਿਹਰਬਾਨ ਕੈਪਟਨ ਸਰਕਾਰ, ਸਰਕਾਰੀ ਖ਼ਜ਼ਾਨੇ ‘ਤੇ ਕਰੋੜਾਂ ਦਾ ਬੋਝ | Badal | Captain Amarinder Singh
ਸਰੋਜ ਖਾਨ ਨੂੰ ਅਪਣੀ ਕੋਰੀਓਗ੍ਰਾਫੀ ਦੀ ਕਲਾ ਦੇ ਚੱਲਦਿਆਂ 3 ਵਾਰ ਨੈਸ਼ਨਲ ਐਵਾਰਡ ਮਿਲ ਚੁੱਕਿਆ ਸੀ। ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ ਦੇਵਦਾਸ ‘ਚ ਡੋਲਾ-ਰੇ-ਡੋਲਾ ਗਾਣੇ ਦੀ ਕੋਰੀਓਗ੍ਰਾਫੀ ਲਈ ਉਹਨਾਂ ਨੂੰ ਨੈਸ਼ਨਲ ਐਵਾਰਡ ਮਿਲਿਆ ਸੀ। ਮਾਧੁਰੀ ਦਿਕਸ਼ਿਤ ਦੀ ਫਿਲਮ ਤੇਜ਼ਾਬ ਦੇ ਯਾਦਗਾਰ ਆਈਟਮ ਸਾਂਗ ਏਕ-ਦੋ-ਤੀਨ ਅਤੇ ਸਾਲ 2007 ਵਿਚ ਆਈ ਫਿਲਮ ਜਬ ਵੀ ਮੇਟ ਦੇ ਗਾਣੇ ਯੇ ਇਸ਼ਕ… ਲਈ ਵੀ ਉਹਨਾਂ ਨੂੰ ਨੈਸ਼ਨਲ ਅਵਾਰਡ ਮਿਲਿਆ ਸੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
