ਪ੍ਰਸ਼ਾਂਤ ਬੋਸ ਦੀ ਗ੍ਰਿਫਤਾਰੀ ਖਿਲਾਫ ਨਕਸਲੀਆਂ ਦਾ ਭਾਰਤ ਬੰਦ ਸ਼ੁਰੂ, ਝਾਰਖੰਡ ਦੇ ਲਾਤੇਹਾਰ ‘ਚ ਧਮਾਕੇ ਨਾਲ ਰੇਲਵੇ ਟਰੈਕ ਉਡਾਇਆ

ਰਾਂਚੀ:ਮਾਓਵਾਦੀ ਸੰਗਠਨ ਦੇ ਚੋਟੀ ਦੇ ਆਗੂ ਪ੍ਰਸ਼ਾਂਤ ਬੋਸ ਅਤੇ ਉਨ੍ਹਾਂ ਦੀ ਪਤਨੀ ਸ਼ੀਲਾ ਮਰਾਂਡੀ ਦੀ ਗ੍ਰਿਫ਼ਤਾਰੀ ਦੇ ਵਿਰੋਧ ਵਿੱਚ ਸ਼ੁੱਕਰਵਾਰ ਅੱਧੀ ਰਾਤ ਤੋਂ ਨਕਸਲੀਆਂ ਵੱਲੋਂ 24 ਘੰਟੇ ਦਾ ਭਾਰਤ ਬੰਦ ਸ਼ੁਰੂ ਹੋ ਗਿਆ ਹੈ।ਰਾਤ ਕਰੀਬ 12:45 ਵਜੇ, ਨਕਸਲੀਆਂ ਨੇ ਧਨਬਾਦ ਰੇਲਵੇ ਡਿਵੀਜ਼ਨ ਦੇ ਤੋਰੀ ਅਤੇ ਲਾਤੇਹਾਰ ਰੇਲਵੇ ਸੈਕਸ਼ਨ ਦੇ ਵਿਚਕਾਰ ਰੇਲਵੇ ਟਰੈਕ ਨੂੰ ਉਡਾ ਦਿੱਤਾ।ਇਸ ਕਾਰਨ ਰੇਲਵੇ ਦੀ ਇਕ ਟਰਾਲੀ ਪਟੜੀ ਤੋਂ ਉਤਰ ਗਈ ਪਰ ਕੋਈ ਜ਼ਖਮੀ ਨਹੀਂ ਹੋਇਆ। ਇਸ ਰੇਲ ਮਾਰਗ ’ਤੇ ਅੱਪ-ਡਾਊਨ ਰੇਲ ਆਵਾਜਾਈ ਵਿੱਚ ਵਿਘਨ ਪਿਆ ਹੈ।ਧਨਬਾਦ ਰੇਲਵੇ ਡਿਵੀਜ਼ਨ ਦੇ ਪੀਆਰਓ ਪੀਕੇ ਮਿਸ਼ਰਾ ਨੇ ਦੱਸਿਆ ਕਿ ਬੀਤੀ ਰਾਤ ਕਰੀਬ 12:50 ਵਜੇ ਮਾਓਵਾਦੀਆਂ ਨੇ ਲਾਤੇਹਾਰ ਰੇਲਵੇ ਡਿਵੀਜ਼ਨ ਦੇ ਤੋਰੀ ਅਤੇ ਰਿਚੁਘੁਟਾ ਡੇਮੂ ਸਟੇਸ਼ਨ ਦੇ ਵਿਚਕਾਰ ਕਿਲੋਮੀਟਰ ਪੋਲ ਨੰਬਰ 206/25-27 ਦੇ ਵਿਚਕਾਰ ਅੱਪ ਅਤੇ ਡਾਊਨ ਲਾਈਨ ‘ਤੇ ਰੇਲਵੇ ਟ੍ਰੈਕ ਨੂੰ ਉਡਾ ਦਿੱਤਾ।

CM ਚੰਨੀ ਦਾ ਹੋਰ ਵੱਡਾ ਧਮਾਕਾ, ਕੈਬਨਿਟ ‘ਚ ਸ਼ਾਮਲ ਕੀਤੇ 2 ਨਵੇਂ ਮੰਤਰੀ, ਤੁਰੰਤ ਲਿਆ ਫੈਸਲਾ D5 Channel Punjabi

ਘਟਨਾ ਤੋਂ ਬਾਅਦ ਡੀਜ਼ਲ ਲਾਈਟ ਇੰਜਣ ਨੰਬਰ 70584 ਵਾਲੀ ਟਰਾਲੀ ਪਟੜੀ ਤੋਂ ਉਤਰ ਗਈ। ਧਨਬਾਦ ਰੇਲਵੇ ਡਿਵੀਜ਼ਨ ਨੇ ਬਰਕਾਕਾਨਾ ਅਤੇ ਬਾਰਵਦੀਹ ਤੋਂ ਦੁਰਘਟਨਾ ਰਾਹਤ ਵਾਹਨਾਂ ਨੂੰ ਬੁਲਾਇਆ ਹੈ।ਧਨਬਾਦ ਰੇਲਵੇ ਡਵੀਜ਼ਨ ਦੇ ਸੀਨੀਅਰ ਰੇਲਵੇ ਅਧਿਕਾਰੀ ਬੀਤੀ ਰਾਤ ਤੋਂ ਹੀ ਘਟਨਾ ਸਥਾਨ ‘ਤੇ ਡੇਰੇ ਲਾਏ ਹੋਏ ਹਨ। ਘਟਨਾ ਦੇ ਬਾਅਦ ਤੋਂ ਆਰਪੀਐਫ, ਜੀਆਰਪੀ ਦੇ ਨਾਲ ਸਥਾਨਕ ਪੁਲਿਸ ਹਾਈ ਅਲਰਟ ‘ਤੇ ਹੈ।ਇੱਥੇ ਦੇਸ਼ ਦੇ ਖਿਲਾਫ ਅੱਤਵਾਦੀ ਗਤੀਵਿਧੀਆਂ ‘ਚ ਸ਼ਾਮਲ ਨਕਸਲੀਆਂ ਖਿਲਾਫ ਸਰਚ ਆਪਰੇਸ਼ਨ ਅਤੇ ਕੋਂਬਿੰਗ ਆਪਰੇਸ਼ਨ ਚਲਾਇਆ ਜਾ ਰਿਹਾ ਹੈ।

BIG NEWS ਨਵਜੋਤ ਸਿੱਧੂ ਬਾਰੇ ਸਰਕਾਰ ਦਾ ਫੈਸਲਾ, ਸ੍ਰੀ ਕਰਤਾਰਪੁਰ ਸਾਹਿਬ ਜਾਣ ਦੀ ਮਿਲੀ ਇਜਾਜ਼ਤ

ਝਾਰਖੰਡ, ਛੱਤੀਸਗੜ੍ਹ, ਉੜੀਸਾ ਅਤੇ ਬੰਗਾਲ ਵਿੱਚ ਪੁਲਿਸ ਅਤੇ ਅਰਧ ਸੈਨਿਕ ਬਲਾਂ ਨੂੰ ਹਾਈ ਅਲਰਟ ‘ਤੇ ਰੱਖਿਆ ਗਿਆ ਹੈ। ਹਾਈਵੇਅ ਅਤੇ ਰੇਲ ਮਾਰਗਾਂ ‘ਤੇ ਖਾਸ ਧਿਆਨ ਰੱਖਿਆ ਜਾ ਰਿਹਾ ਹੈ।ਦੱਸ ਦੇਈਏ ਕਿ 12 ਨਵੰਬਰ ਨੂੰ ਝਾਰਖੰਡ ਪੁਲਿਸ ਨੇ ਸੀਪੀਆਈ-ਮਾਓਵਾਦੀ ਸੰਗਠਨ ਦੇ ਚੋਟੀ ਦੇ ਨੇਤਾ ਪ੍ਰਸ਼ਾਂਤ ਬੋਸ ਅਤੇ ਉਨ੍ਹਾਂ ਦੀ ਪਤਨੀ ਸ਼ੀਲਾ ਮਰਾਂਡੀ ਸਮੇਤ 6 ਨਕਸਲੀਆਂ ਨੂੰ ਜਮਸ਼ੇਦਪੁਰ ਨੇੜੇ ਕੰਦਰਾਟੋਲ ਪੁਲ ਤੋਂ ਗ੍ਰਿਫਤਾਰ ਕੀਤਾ ਸੀ। ਪੁਲਿਸ ਇਨ੍ਹਾਂ ਨਕਸਲੀਆਂ ਨੂੰ ਰਿਮਾਂਡ ‘ਤੇ ਲੈ ਕੇ ਪੁੱਛਗਿੱਛ ਕਰ ਰਹੀ ਹੈ।