ਦੁਬਈ ‘ਚ ਪਲਾਸਟਿਕ ਦਾ ਇਸਤੇਮਾਲ ਜੇਬ ‘ਤੇ ਪਵੇਗਾ ਭਾਰੀ
ਦੁਬਈ : ਸੰਯੁਕਤ ਅਰਬ ਅਮੀਰਾਤ (UAE) ਪੂਰੇ ਦੇਸ਼ ‘ਚ ਵੱਧਦੇ ਪ੍ਰਦੂਸ਼ਣ ਤੋਂ ਕਾਫ਼ੀ ਪ੍ਰੇਸ਼ਾਨ ਹੈ। ਇਹੀ ਕਾਰਨ ਹੈ ਕਿ ਦੁਬਈ ਪ੍ਰਸ਼ਾਸਨ (Plastic Ban in Dubai) ਨੇ ਐਲਾਨ ਕੀਤਾ ਹੈ ਕਿ ਉਹ ਹੁਣ ਪਲਾਸਟਿਕ ਬੈਗ ਦੇ ਇਸਤੇਮਾਲ ‘ਤੇ ਚਾਰਜ (Plastic Bag Charge) ਵਸੂਲੇਗੀ। ਦਰਅਸਲ ਪਲਾਸਟਿਕ ਬੈਗ ਦੇ ਕਾਰਨ ਸਾਫ਼ – ਸੁਥਰੀ ਦੁਬਈ ਦੀ ਖੂਬਸੂਰਤੀ ਵਿਗੜ ਰਹੀ ਹੈ। ਸਰਕਾਰ ਨੇ ਕਿਹਾ ਕਿ ਉਹ ਵਾਤਾਵਰਣ ਸਬੰਧੀ ਚਿੰਤਾਵਾਂ ਦੇ ਕਾਰਨ 2 ਸਾਲਾਂ ਦੇ ਅੰਦਰ ਪਲਾਸਟਿਕ ਬੈਗ ਦੀ ਵਰਤੋਂ ਨੂੰ ਗੈਰ-ਕਾਨੂੰਨੀ ਬਣਾਉਣ ਦਾ ਇਰਾਦਾ ਰੱਖਦੀ ਹੈ। ਸਰਕਾਰ ਵੱਲੋਂ ਸੰਚਾਲਿਤ ਦੁਬਈ ਮੀਡੀਆ ਦਫ਼ਤਰ ਵੱਲੋਂ ਜਾਰੀ ਇਕ ਬਿਆਨ ਵਿਚ ਕਿਹਾ ਗਿਆ ਹੈ ਕਿ 25 ਫਿਲ ਫ਼ੀਸ (6 ਸੈਂਟ) 1 ਜੁਲਾਈ ਤੋਂ ਵਸੂਲੀ ਜਾਵੇਗੀ।
Ram Rahim ਦੇ ਡੇਰੇ ਤੋਂ ਵੱਡਾ ਬਿਆਨ, ਸਿੱਖਾਂ ਦਾ ਵਧਿਆ ਪਾਰਾ! ਸਿਆਸਤ ’ਚ ਪਿਆ ਭੜਥੂ! | D5 Channel Punjabi
ਸਰਕਾਰ ਨੇ ਕਿਹਾ, ‘ਸਥਿਰਤਾ ਹੁਣ ਵਿਸ਼ਵਵਿਆਪੀ ਪੱਧਰ ’ਤੇ ਜ਼ਰੂਰੀ ਹੋ ਗਈ ਹੈ, ਜਿਸ ਤਹਿਤ ਸਮਾਜ ਦੇ ਵਿਹਾਰ ਨੂੰ ਇਸ ਤਰੀਕੇ ਨਾਲ ਬਦਲਣਾ ਸ਼ਾਮਲ ਹੈ ਕਿ ਵਾਤਾਵਰਣ ਪ੍ਰਦੂਸ਼ਣ ਵਿਚ ਵਿਅਕਤੀਗਤ ਯੋਗਦਾਨ ਨੂੰ ਘੱਟ ਕੀਤਾ ਜਾ ਸਕੇ।’ ਸਰਕਾਰ ਨੇ ਕਿਹਾ ਕਿ ਊਠ ਅਤੇ ਕੱਛੂ ਪਲਾਸਟਿਕ ਨਾਲ ਮਰ ਰਹੇ ਸਨ, ਇਸ ਲਈ ਵੀ ਇਹ ਪਾਬੰਦੀ ਜ਼ਰੂਰੀ ਸੀ। ਗਗਨਚੁੰਬੀ ਇਮਾਰਤਾਂ ਵਾਲੇ ਸ਼ਹਿਰ ਵਿਚ ਕੁਝ ਕਰਿਆਨੇ ਦੀਆਂ ਦੁਕਾਨਾਂ ਪਹਿਲਾਂ ਹੀ ਲੋਕਾਂ ਨੂੰ ਖ਼ਰੀਦਦਾਰੀ ਕਰਨ ਵੇਲੇ ਮੁੜ ਵਰਤੋਂ ਯੋਗ ਬੈਗ ਲਿਆਉਣ ਲਈ ਉਤਸ਼ਾਹਿਤ ਕਰ ਰਹੀਆਂ ਹਨ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
