ਜੈਪੁਰ ਘੁੰਮਣ ਗਏ ਅੰਮ੍ਰਿਤਸਰ ਦੇ ਭੈਣ – ਭਰਾ ਦੀ ਅਸਮਾਨੀ ਬਿਜਲੀ ਡਿੱਗਣ ਨਾਲ ਮੌਤ

ਛੇਹਰਟਾ : ਅੰਮ੍ਰਿਤਸਰ ਤੋਂ ਜੈਪੁਰ ਘੁੰਮਣ ਗਏ ਭਰਾ – ਭੈਣ ਦੀ ਅਸਮਾਨੀ ਬਿਜਲੀ ਡਿੱਗਣ ਨਾਲ ਮੌਤ ਹੋ ਗਈ। ਵਿਸ਼ਾਲ ਵਾਸੀ ਭੱਲਾ ਕਾਲੋਨੀ ਛੇਹਰਟਾ ਨੇ ਦੱਸਿਆ ਕਿ ਉਸਦਾ ਵੱਡਾ ਭਰਾ ਅਮਿਤ ਸ਼ਰਮਾ (29) ਅਤੇ ਭੈਣ ਸ਼ਿਵਾਨੀ ਸ਼ਰਮਾ (24) 8 ਜੁਲਾਈ ਨੂੰ ਆਪਣੇ ਰਿਸ਼ਤੇਦਾਰਾਂ ਦੇ ਕੋਲ ਜੈਪੁਰ ਗਏ ਸਨ। ਉਨ੍ਹਾਂ ਨੇ 13 ਜੁਲਾਈ ਨੂੰ ਵਾਪਸ ਆਉਣਾ ਸੀ। 11 ਜੁਲਾਈ ਨੂੰ ਅਮਿਤ ਅਤੇ ਸ਼ਿਵਾਨੀ ਜੈਪੁਰ ਦੇ ਆਮੇਰ ਮਹਿਲ ‘ਚ ਘੁੰਮਣ ਗਏ। ਉੱਥੇ ਜਦੋਂ ਸ਼ਿਵਾਨੀ ਵਾਚ ਟਾਵਰ ‘ਤੇ ਸੈਲਫੀ ਲੈ ਰਹੀ ਸੀ ਤਾਂ ਅਚਾਨਕ ਉਸ ‘ਤੇ ਅਸਮਾਨੀ ਬਿਜਲੀ ਡਿੱਗ ਗਈ। ਇਸ ਦੌਰਾਨ ਜਦੋਂ ਅਮਿਤ ਉੱਥੇ ਸ਼ਿਵਾਨੀ ਨੂੰ ਦੇਖਣ ਗਿਆ ਤਾਂ ਦੁਬਾਰਾ ਬਿਜਲੀ ਡਿੱਗਣ ਨਾਲ ਉਸਦੀ ਵੀ ਮੌਤ ਹੋ ਗਈ। ਖ਼ਬਰ ਮਿਲਣ ਤੋਂ ਬਾਅਦ ਇਲਾਕੇ ‘ਚ ਸੋਗ ਦੀ ਲਹਿਰ ਦੌੜ ਗਈ ਹੈ।

ਦੇਖੋ ਬੀਜੇਪੀ ਲੀਡਰ ਦੀ ਕਰਤੂਤ, ਕਿਸਾਨ ਬੀਬੀਆਂ ਨੂੰ ਕਰਦਾ ਗਲਤ ਇਸ਼ਾਰੇ! ਫੇਰ ਕਿਸਾਨਾਂ ਨੇ ਘਰ ਦੇ ਬਾਹਰ ਗੱਡਤੇ ਟੈਂਟ

ਪਰਿਵਾਰਿਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਦੇਰ ਰਾਤ ਇਸ ਬਾਰੇ ‘ਚ ਪਤਾ ਲੱਗਿਆ। ਦੋਵੇਂ ਭਰਾ – ਭੈਣ ਬੁਲੇਟ ਮੋਟਰ ਸਾਈਕਲ ‘ਤੇ ਸਵਾਰ ਹੋ ਕੇ ਜੈਪੁਰ ਗਏ ਸਨ। ਦੱਸ ਦਈਏ ਕਿ ਪਰਿਵਾਰ ਬੱਚਿਆਂ ਦੇ ਵਿਆਹਾਂ ਦੀ ਤਿਆਰੀ ਕਰ ਰਿਹਾ ਸੀ ਪਰ ਦੋਵੇਂ ਭਰਾ – ਭੈਣ ਇਸ ਤਰ੍ਹਾਂ ਨਾਲ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਜਾਣਗੇ ਇਹ ਉਨ੍ਹਾਂ ਨੇ ਕਦੇ ਸੁਪਨੇ ‘ਚ ਵੀ ਨਹੀਂ ਸੋਚਿਆ ਸੀ।

ਲਵਪ੍ਰੀਤ ਮਾਮਲੇ ‘ਚ ਨਵਾਂ ਮੋੜ ! ਇੱਕ ਹੋਰ ਬੰਦਾ ਆਇਆ ਸਾਹਮਣੇ ! ਬੇਅੰਤ ਕੌਰ ਬਾਰੇ ਨਵੇਂ ਖੁਲਾਸੇ !

ਜ਼ਿਕਰਯੋਗ ਹੈ ਕਿ ਰਾਜਸਥਾਨ ‘ਚ ਐਤਵਾਰ ਨੂੰ ਬਾਰਿਸ਼ ਨੇ ਜੰਮਕੇ ਕਹਿਰ ਮਚਾਇਆ। ਮਾਨਸੂਨ ਦੀ ਲੰਬੀ ਮਿਆਦ ਤੋਂ ਬਾਅਦ ਜੈਪੁਰ ਸਮੇਤ ਕਈ ਜ਼ਿਲ੍ਹਿਆਂ ‘ਚ ਮੌਸਮ ਬਦਲਿਆਂ ਅਤੇ ਭਾਰੀ ਬਾਰਿਸ਼ ਹੋਈ। ਇਸ ਦੌਰਾਨ ਵੱਖਰੇ ਸਥਾਨਾਂ ‘ਤੇ ਬਿਜਲੀ ਡਿੱਗਣ ਨਾਲ 9 ਬੱਚਿਆਂ ਸਮੇਤ 22 ਲੋਕਾਂ ਦੀ ਮੌਤ ਹੋ ਗਈ। ਉਥੇ ਹੀ ਦੂਜੀ ਪਾਸੇ ਆਮੇਰ ਦੇ ਇਤਿਹਾਸਿਕ ਵਾਚ ਟਾਵਰ ‘ਤੇ ਘੁੰਮਣ ਆਏ ਲੋਕਾਂ ‘ਤੇ ਤੱਦ ਬਿਜਲੀ ਡਿੱਗ ਗਈ ਜਦੋਂ ਉਹ ਫੋਟੋਆਂ ਖਿਚਵਾ ਰਹੇ ਸਨ। ਜੈਪੁਰ ਦੇ ਐਡੀਸ਼ਨਲ ਪੁਲਿਸ ਕਮਿਸ਼ਨਰ ਰਾਹੁਲ ਪ੍ਰਕਾਸ਼ ਨੇ 11 ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਸੀ।