ਜਦੋਂ ਰਾਵਣ ਨੇ ਛੱਡੀ ‘ਮਿਜ਼ਾਇਲ’, ਹੱਸ ਹੱਸ ਕਮਲੇ ਹੋ ਗਏ ਸਾਰੇ

ਅੰਮ੍ਰਿਤਸਰ : ਦੁਸ਼ਹਿਰਾ ਆਇਆ ਤੇ ਲੰਘ ਗਿਆ ਤੇ ਇਸ ਦੇ ਨਾਲ ਹੀ ਛੱਡ ਗਿਆ ਕੁਝ ਖੱਟੀਆਂ, ਮਿੱਠੀਆਂ, ਕੌੜੀਆਂ ਤੇ ਗਮਗੀਨ ਯਾਦਾਂ । ਗਮਗੀਨ ਯਾਦਾਂ ਹਨ ਅੰਮ੍ਰਿਤਸਰ ਰੇਲ ਹਾਦਸੇ ਦੀਆਂ ਜਿੱਥੇ ਕਿਹਾ ਜਾਂਦਾ ਹੈ ਕਿ ਰਾਵਣ ਦੀ ਆਤਮਾ ਨਿਕਲ ਕੇ ਰੇਲ ਗੱਡੀ ‘ਚ ਜਾ ਵੜੀ ਤੇ ਆਪਣੀ ਮੌਤ ਦਾ ਤਮਾਸ਼ਾ ਦੇਖ ਰਹੇ ਸੈਂਕੜੇ ਲੋਕਾਂ ਨੂੰ ਇਹ ਰਾਵਣ ਦੀ ਆਤਮਾ ਇਕ ਝਟਕੇ ਵਿੱਚ ਕਾਲ ਦਾ ਗਰਾਸ ਬਣਾ ਗਈ। ਇਸ ਦੇ ਨਾਲ ਹੀ ਪੰਜਾਬ ਦੇ ਕਈ ਹੋਰ ਸ਼ਹਿਰਾਂ ਪਿੰਡਾਂ ਤੇ ਕਸਬਿਆਂ ਵਿੱਚ ਵੀ ਦੁਸ਼ਹਿਰਾ ਮਨਾਇਆ ਗਿਆ । ਜਿਸ ਮੌਕੇ ਰਾਵਣ ਫੂਕਣ ਦੀਆਂ ਬਣਾਈਆਂ ਗਈਆਂ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਆਮ ਦੇਖਣ ਨੂੰ ਮਿਲ ਰਹੀਆਂ ਹਨ। ਅਜਿਹੀਆ ਹੀ ਵੀਡੀਓ ਵਿੱਚੋਂ ਇਕ ਨੇ ਤਾਂ ਸੋਸ਼ਲ ਮੀਡੀਆ ਉੱਤੇ ਧਮਾਲਾਂ ਪਾ ਰੱਖੀਆਂ ਹਨ। ਕਿਹਾ ਜਾ ਰਿਹਾ ਹੈ ਕਿ ਇਸ ਵੀਡੀਓ ਵਿਚ ਫੂਕੇ ਗਏ ਰਾਵਣ ਦੇ ਪੁੱਤਲੇ ਅੰਦਰ ਵੀ ਅਸਲੀ ਰਾਵਣ ਦੀ ਅਸਲੀ ਆਤਮਾ ਆਣ ਵੜੀ ਤੇ ਫਿਰ ਕੀ ਹੋਇਆ ਇਹ ਪਹਿਲਾ ਤੁਸੀਂ ਇਸ ਵੀਡੀਓ ਵਿੱਚ ਦੇਖੋ

ਕੁਲ ਤੀਂਹ ਸੈਕਿੰਟ ਦੀ ਬਣਾਈ ਗਈ ਇਹ ਵੀਡੀਓ ਕਿਸੇ ਖੇਤ ਵਿੱਚ ਰੱਖੇ ਗਏ ਰਾਵਣ ਦੇ ਪੁਤਲੇ ਦੀ ਹੈ ਜਿਸ ਨੂੰ ਰਾਮ ਲੀਲਾ ਦੇ ਪਾਤਰ ਭਗਵਾਨ ਰਾਮ ਅਤੇ ਲਛਮਣ ਤੀਰ ਨਾਲ ਅੱਗ ਲਾਉਦੇ ਹਨ। ਵੀਡੀਓ ਵਿੱਚ ਸਪੱਸ਼ਟ ਤੋਰ ਤੇ ਦਿਖਾਈ ਦੇ ਰਿਹਾ ਹੈ ਕਿ ਜਿਓਂ ਹੀ ਰਾਵਣ ਦੇ ਪੁੱਤਲੇ ਨੂੰ ਅੱਗ ਲੱਗਦੀ ਹੈ ਤਾਂ ਉਹ ਪੁਤਲਾ ਭਿਅੰਕਰ ਰੂਪ ਧਾਰਨ ਕਰਦਿਆਂ ਆਪਣੇ ਅੰਦਰੋ ਮਜਾਇਲਾਂ ਵਾਂਗੂੰ ਬਲਦੀਆਂ ਹੋਈਆਂ ਆਤਿਸ਼ਬਾਜੀਆਂ ਛੱਡਣ ਲੱਗ ਪਿਆ। ਹਾਲਾਤ ਇਹ ਸਨ ਕਿ ਰਾਵਣ ਵੱਲੋਂ ਕੀਤੇ ਜਾ ਰਹੇ ਇਨ੍ਹਾਂ ਜਵਾਬੀ ਹਮਲਿਆਂ ਤੋਂ ਬਚਣ ਲਈ ਉਥੇ ਖੜੇ ਤਾਮਾਸ਼ਬੀਨ ਤਾਂ ਭੱਜੇ ਹੀ ਨਾਲ ਹੀ ਰਾਮ ਲਛਮਣ ਦੇ ਪਾਤਰ ਵੀ ਧਮਾਕਿਆਂ ਕਾਰਨ ਹੋ ਰਹੇ ਚਾਨਣੇ ਵਿੱਚ ਹੀ ਦੌੜਦੇ ਨਜ਼ਰ ਆਏ। ਭਾਵੇਂ ਕਿ ਇਹ ਇਕ ਇਤਫਾਕ ਸੀ ਪਰ ਇਕੋ ਵਾਰ ਵਿੱਚ ਹੋਏ ਇਨ੍ਹਾਂ ਦੋ ਇਤਫਾਕਾਂ ਨੇ ਇਨ੍ਹਾਂ ਚਰਚਾਵਾਂ ਦਾ ਬਾਜ਼ਾਰ ਗਰਮ ਕਰ ਦਿੱਤਾ ਹੈ ਕਿ ਸਦੀਆਂ ਤੋਂ ਜਿਸ ਰਾਵਣ ਨੂੰ ਫੂਕ-ਫੂਕ ਕੇ ਲੋਕ ਤਮਾਸ਼ਾ ਦੇਖਦੇ ਆ ਰਹੇ ਹਨ ਆਖਿਰ ਇਕ ਨਾ ਇਕ ਦਿਨ ਤਾਂ ਉਸ ਰਾਵਣ ਨੇ ਜਾਵਾਬ ਦੇਣਾ ਹੀ ਸੀ।

Read Also Amritsar Rail Tragedy ਰਾਵਣ ਫੂਕਣ ਆਏ ਲੋਕਾਂ ਤੇ ਚੜ੍ਹੀ ਰੇਲ, 50 ਤੋਂ ਵੱਧ ਲੋਕਾਂ ਦੀ ਮੌਤ