ਘੱਟ ਨਹੀਂ ਹੋਈਆਂ ਸੋਨੂੰ ਸੂਦ ਦੀਆਂ ਮੁਸ਼ਕਿਲਾਂ, ਹੁਣ ਜੈਪੁਰ,ਲਖਨਊ ਅਤੇ ਨਾਗਪੁਰ ਸਥਿਤ ਦਫ਼ਤਰ ‘ਚ IT ਨੇ ਦਿੱਤੀ ਦਸਤਕ

ਮੁੰਬਈ : ਬਾਲੀਵੁਡ ਅਦਾਕਾਰ ਸੋਨੂੰ ਸੂਦ ਦੇ ਘਰ ‘ਤੇ ਇਨਕਮ ਟੈਕਸ ਦਾ ਸਰਵੇ ਖਤਮ ਹੋ ਗਿਆ ਹੈ। ਇਸ ਤੋਂ ਬਾਅਦ ਹੁਣ ਸੋਨੂੰ ਸੂਦ ਦੇ ਜੈਪੁਰ, ਲਖਨਊ ਅਤੇ ਨਾਗਪੁਰ ਸਥਿਤ ਘਰ ਅਤੇ ਦਫ਼ਤਰ ‘ਚ ਆਈਟੀ ਟੀਮ ਨੇ ਸਰਵੇ ਸ਼ੁਰੂ ਕਰ ਦਿੱਤਾ ਹੈ। ਇਨਕਮ ਟੈਕਸ ਟੀਮ ਦੇ ਇਸ ਤਰ੍ਹਾਂ ਦੇ ਸਰਵੇ ਤੋਂ ਸੋਨੂੰ ਸੂਦ ਦੇ ਫੈਂਨਜ਼ ਨਾਖੁਸ਼ ਦਿਖਾਈ ਦੇ ਰਹੇ ਹਨ।

ਦਿੱਲੀ ‘ਚ ਕਿਸਾਨਾਂ ਨੇ ਘੇਰਿਆ ਸੁਖਬੀਰ ਬਾਦਲ, ਦੱਸਿਆ ਸੰਸਦ ਘੇਰਨ ਦਾ ਸੱਚ || D5 Channel Punjabi

ਦੱਸ ਦਈਏ ਕਿ ਸੋਨੂੰ ਸੂਦ ਦੇ ਘਰ ‘ਚ ਇਨਕਮ ਟੈਕਸ ਦੀ ਟੀਮ ਲਗਾਤਾਰ ਦੂਜੇ ਦਿਨ ਸਰਵੇ ਕਰਨ ਤੋਂ ਬਾਅਦ ਦੇਰ ਰਾਤ ਕਰੀਬ 12:30 ਵਜੇ ਨਿਕਲ ਗਈ। ਪਿਛਲੇ ਦੋ ਦਿਨਾਂ ਤੋਂ ਇਨਕਮ ਟੈਕਸ ਦੇ ਅਧਿਕਾਰੀ ਸੋਨੂੰ ਸੂਦ ਦੇ ਮੁੰਬਈ ਸਥਿਤ ਘਰ ‘ਚ ਸਰਵੇ ਕਰ ਰਹੇ ਸਨ। ਸੋਨੂੰ ਸੂਦ ਦੇ ਘਰ ‘ਚ ਸਰਵੇ ਦੌਰਾਨ ਇਨਕਮ ਟੈਕਸ ਦੇ ਅਧਿਕਾਰੀਆਂ ਤੋਂ ਇਲਾਵਾ ਸੋਨੂੰ ਸੂਦ ਦਾ ਪੂਰਾ ਪਰਿਵਾਰ ਘਰ ‘ਚ ਮੌਜੂਦ ਸੀ।

ਮੁੱਖ ਮੰਤਰੀ ਨੇ ਸੱਦੀ ਵੱਡੀ ਮੀਟਿੰਗ, ਜਥੇਬੰਦੀਆਂ ਦੀ ਪੂਰੀਆਂ ਕਰੂ ਮੰਗਾਂ?

ਸੋਨੂੰ ਸੂਦ ਦੇ ਘਰ ਤੋਂ ਨਿਕਲਣ ਵਾਲੇ ਆਇਕਰ ਵਿਭਾਗ ਦੇ ਅਧਿਕਾਰੀਆਂ ਦੇ ਹੱਥ ‘ਚ ਕੁਝ ਬੈਗ ਵੀ ਨਜ਼ਰ ਆਏ। ਹਾਲਾਂਕਿ ਅਜੇ ਤੱਕ ਇਹ ਸਾਫ਼ ਨਹੀਂ ਹੋਇਆ ਹੈ ਕਿ ਇਨਕਮ ਟੈਕਸ ਦੇ ਅਧਿਕਾਰੀਆਂ ਨੂੰ ਸੋਨੂੰ ਸੂਦ ਦੇ ਘਰ ਤੋਂ ਕੁਝ ਹੱਥ ਲੱਗਾ ਹੈ ਜਾਂ ਨਹੀਂ। ਅਜਿਹੇ ‘ਚ ਹੁਣ ਸੋਨੂੰ ਸੂਦ ਦੇ ਬਾਕੀ ਟਿਕਾਣੀਆਂ ‘ਤੇ ਵੀ ਇਨਕਮ ਟੈਕਸ ਦੀ ਟੀਮ ਨੇ ਦਸਤਕ ਦੇ ਦਿੱਤੀ ਹੈ।