ਕੈਂਸਰ ਨੂੰ ਹਰਾਉਣ ਵਾਲੇ ਕੈਨੇਡਾ ਦੇ ਮੈਕਸ ਪੈਰੇਟ ਨੇ ਸਰਦਰੁੱਤ ਓਲੰਪਿਕ ’ਚ ਜਿੱਤਿਆ ਸੋਨ ਤਮਗਾ

ਬੀਜਿੰਗ : ਕੈਂਸਰ ਖਿਲਾਫ ਜੰਗ ਜਿੱਤਣ ਵਾਲੇ ਕੈਨੇਡਾ ਦੇ ਸਨੋਬੋਰਡਿੰਗ ਖਿਡਾਰੀ ਮੈਕਸ ਪੈਰੇਟ (Max Parrot) ਨੇ ਸੋਮਵਾਰ ਨੂੰ ਇੱਥੇ ਸਰਦਰੁੱਤ ਓਲੰਪਿਕ ਦੇ ਸਨੋਬੋਰਡਿੰਗ ਮੁਕਾਬਲੇ ਦੇ ਪੁਰਸ਼ਾਂ ਸਲੋਪਸਟਾਇਲ ਵਰਗ ‘ਚ ਸੋਨਾ ਤਮਗਾ ਜਿੱਤ ਕੇ ਵਾਪਸੀ ਦਾ ਜਸ਼ਨ ਮਨਾਇਆ। ਪੈਰੇਟ ਦੀ ਜਿੱਤ ਦੀ ਖ਼ਾਸ ਗੱਲ ਉਸ ਦਾ ਦੂਜਾ ਜੰਪ ਸੀ। ਜਦੋਂ ਉਹ ਦੂਜੇ ਕਿੱਕਰ (ਰੈਂਪ) ’ਤੇ ਪਹੁੰਚਿਆ ਤਾਂ ਸਿੱਧਾ ਜਾਣ ਦੀ ਬਜਾਏ ਉਸ ਨੇ ਇਕ ਐਂਗਲ ਲਿਆ ਅਤੇ ਉਹ ਅਜਿਹਾ ਕਰਨ ਵਾਲਾ ਇਕਲੌਤਾ ਭਾਗੀਦਾਰ ਸੀ। ਉਹ ਫਿਰ ਪਿੱਛੇ ਝੁਕਿਆ ਅਤੇ 1440 ਡਿਗਰੀ ਦਾ ਇਕ ਸਪਿਨ ਲੈਂਦੇ ਹੋਏ ਲੈਂਡਿੰਗ ਕੀਤੀ।

ਕਿਸਾਨਾਂ ਦਾ ਨਵਾਂ ਐਲਾਨ, ਸਿਆਸੀ ਧਿਰਾਂ ਨੂੰ ਪਾਈਆਂ ਭਾਜੜਾਂ! ਵਿਰੋਧੀ ਕਰਤੇ ਹੱਕੇ-ਬੱਕੇ! ||D5 Channel Punjabi

ਪੈਰੇਟ ਨੇ ਸੋਨ ਤਮਗਾ ਜਿੱਤਣ ਤੋਂ ਬਾਅਦ ਕਿਹਾ, ‘ਇਹ ਮੇਰੇ ਪੂਰੇ ਕਰੀਅਰ ਦੀ ਸਭ ਤੋਂ ਵੱਡੀ ਜਿੱਤ ਹੈ। ’ ਪਿਓਂਗਚੈਂਗ ਓਲੰਪਿਕ 2018 ਵਿਚ ਚਾਂਦੀ ਦਾ ਤਮਗਾ ਜਿੱਤਣ ਤੋਂ ਬਾਅਦ ਪੈਰੇਟ ਨੂੰ ਹਾਜਕਿਨ ਲਿੰਫੋਮਾ ਨਾਲ ਪੀੜਤ ਹੋਣ ਦਾ ਪਤਾ ਲੱਗਾ ਸੀ ਜੋ ਕੈਂਸਰ ਦੀ ਇਕ ਕਿਸਮ ਹੈ । ਇਸ ਤੋਂ ਬਾਅਦ ਉਸ ਨੂੰ 6 ਮਹੀਨੀਆਂ ਵਿਚ 12 ਵਾਰ ਕੀਮੋਥੈਰੇਪੀ ਕਰਵਾਉਣੀ ਪਈ । ਪੈਰੇਟ ਨੇ ਕਿਹਾ , ‘ਮੈਨੂੰ ਇਸ ਨਾਲ ਲੜਨ ਲਈ ਸਭ ਕੁਝ ਛੱਡਣਾ ਪਿਆ । ਮੈਂ ਨਰਕ ਵਰਗੀ ਸਥਿਤੀ ਵਿਚੋਂ ਲੰਘਿਆ । ਇਹ ਪਹਿਲੀ ਵਾਰ ਸੀ ਜਦੋਂ ਮੈਂ ਆਪਣੀ ਸਨੋਬੋਰਡ ਅਲਮਾਰੀ ਨੂੰ ਬੰਦ ਕਰਕੇ ਰੱਖ ਦਿੱਤਾ । ਮੈਨੂੰ ਅਜਿਹਾ ਲੱਗ ਰਿਹਾ ਸੀ ਜਿਵੇਂ ਸ਼ੇਰ ਨੂੰ ਪਿੰਜਰੇ ਵਿਚ ਬੰਦ ਕਰ ਦਿੱਤਾ ਗਿਆ ਹੋਵੇ । ’ ਚੀਨ ਦੇ ਯੂ ਯੀਮਿੰਗ ਨੇ ਇਸ ਮੁਕਾਬਲੇ ਵਿਚ ਚਾਂਦੀ ਦਾ ਤਮਗਾ ਜਿੱਤਿਆ, ਜਦਕਿ ਕੈਨੇਡੇ ਦੇ ਮਾਰਕ ਮੈਕਮੋਰਿਸ ਨੇ ਕਾਂਸੀ ਦਾ ਤਮਗਾ ਜਿੱਤਿਆ।