ਔਰਤ ਦੇ ਢਿੱਡ ‘ਚੋਂ ਨਿਕਲੀਆਂ 55 ਬੈਟਰੀਆਂ ਨੇ ਡਾਕਟਰ ਕੀਤੇ ਹੈਰਾਨ

ਡਬਲਿਨ : ਆਇਰਲੈਂਡ ਦੀ ਰਾਜਧਾਨੀ ਡਬਲਿਨ ਦਾ ਇੱਕ ਹੈਰਾਨੀਜਨਕ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਹਸਪਤਾਲ ਪਹੁੰਚੀ ਔਰਤ ਦੇ ਸਰੀਰ ਵਿੱਚੋਂ ਦਰਜਨਾਂ ਬੈਟਰੀਆਂ ਮਿਲੀਆਂ। ਡਬਲਿਨ ਦੇ ਸੇਂਟ ਵਿਨਸੈਂਟ ਯੂਨੀਵਰਸਿਟੀ ਹਸਪਤਾਲ ਦੇ ਸਟਾਫ ਨੇ ਦੱਸਿਆ ਕਿ 66 ਸਾਲਾ ਔਰਤ ਦੇ ਸਰੀਰ ਵਿੱਚੋਂ ਕੁੱਲ 55 ਬੈਟਰੀਆਂ ਮਿਲੀਆਂ। ਐਕਸਰੇ ਤੋਂ ਬਾਅਦ ਔਰਤ ਦੇ ਢਿੱਡ ਵਿੱਚ ਬੈਟਰੀਆਂ ਹੋਣ ਦੀ ਪੁਸ਼ਟੀ ਹੋਈ। ਖੁਦ ਨੂੰ ਨੁਕਸਾਨ ਪਹੁੰਚਾਉਣ ਲਈ ਔਰਤ ਨੇ ਜਾਣਬੁੱਝ ਕੇ ਬੈਟਰੀਆਂ ਨਿਗਲ ਲਈਆਂ ਸਨ। ਇਹ ਮਾਮਲਾ 15 ਸਤੰਬਰ ਨੂੰ ਆਇਰਿਸ਼ ਮੈਡੀਕਲ ਜਰਨਲ ਵਿੱਚ ਪ੍ਰਕਾਸ਼ਿਤ ਹੋਇਆ ਸੀ।

Raju Srivastav ਦਾ ਹੋਇਆ ਦੇਹਾਂਤ, Comedy ਜਗਤ ਨੂੰ ਵੱਡਾ ਘਾਟਾ | D5 Channel Punjabi

ਜਰਨਲ ਵਿੱਚ ਲਿਖਿਆ ਗਿਆ ਸੀ ਕਿ ਐਕਸਰੇ ਰਾਹੀਂ ਔਰਤ ਦੇ ਢਿੱਡ ਵਿੱਚ ਬਹੁਤ ਸਾਰੀਆਂ ਬੈਟਰੀਆਂ ਦਾ ਪਤਾ ਲੱਗਿਆ। ਹਾਲਾਂਕਿ ਕਿਸੇ ਵੀ ਬੈਟਰੀ ਨੇ ਉਸ ਦੇ ਗੈਸਟਰੋਇੰਟੇਸਟਾਈਨਲ ਟ੍ਰੈਕਟ ਵਿੱਚ ਰੁਕਾਵਟ ਨਹੀਂ ਪਾਈ ਅਤੇ ਨਾ ਹੀ ਸਰੀਰ ਦੇ ਅੰਦਰ ਕੋਈ ਵੀ ਬੈਟਰੀ ਟੁੱਟੀ। ਔਰਤ ਦਾ ਇਲਾਜ ਕਰ ਰਹੀ ਡਾਕਟਰਾਂ ਦੀ ਟੀਮ ਨੇ ਰਵਾਇਤੀ ਤਰੀਕੇ ਅਪਣਾਉਂਦੇ ਹੋਏ ਸਰੀਰ ਵਿਚੋਂ ਬੈਟਰੀਆਂ ਕੱਢ ਦਿੱਤੀਆਂ। ਡਾਕਟਰਾਂ ਨੂੰ ਉਮੀਦ ਸੀ ਕਿ ਔਰਤ ਦੇ ਢਿੱਡ ‘ਚੋਂ ਬੈਟਰੀਆਂ ਮਲ ਰਾਹੀਂ ਬਾਹਰ ਆ ਜਾਣਗੀਆਂ। ਇੱਕ ਹਫ਼ਤੇ ਦੇ ਸਮੇਂ ਬਾਅਦ ਔਰਤ ਦੇ ਢਿੱਡ ਵਿੱਚੋਂ ਸਿਰਫ਼ ਪੰਜ ਬੈਟਰੀਆਂ ਹੀ ਨਿਕਲ ਸਕੀਆਂ।

Lumpy Skin Disease : Punjab ’ਚ ਆਈ ਖ਼ਤਰਨਾਕ ਬਿਮਾਰੀ, ਕਿਸਾਨਾਂ ਨੇ ਸਰਕਾਰ ਨੂੰ ਹੱਲ ਕਰਨ ਦੀ ਅਪੀਲ

ਬੈਟਰੀ ਦੇ ਭਾਰ ਨਾਲ ਖਿੱਚੀ ਗਈ ਸੀ ਅੰਤੜੀ
ਤਿੰਨ ਹਫ਼ਤਿਆਂ ਤੋਂ ਐਕਸ-ਰੇ ਰਾਹੀਂ ਪਤਾ ਲੱਗਾ ਕਿ ਬੈਟਰੀਆਂ ਉਸ ਦੇ ਸਰੀਰ ਵਿਚ ਫਸੀਆਂ ਹੋਈਆਂ ਸਨ ਅਤੇ ਅੱਗੇ ਨਹੀਂ ਵਧ ਰਹੀਆਂ ਸਨ। ਇਸ ਸਮੇਂ ਤੱਕ ਔਰਤ ਢਿੱਡ ਵਿੱਚ ਦਰਦ ਮਹਿਸੂਸ ਕਰ ਰਹੀ ਸੀ। ਇਸ ਤੋਂ ਬਾਅਦ ਲੈਪਰੋਟੋਮੀ ਕੀਤੀ ਗਈ, ਜਿਸ ਵਿੱਚ ਸਰਜਨ ਚੀਰਾ ਬਣਾ ਕੇ ਢਿੱਡ ਤੱਕ ਪਹੁੰਚਦਾ ਹੈ। ਇੱਥੇ ਡਾਕਟਰਾਂ ਨੇ ਦੇਖਿਆ ਕਿ ਬੈਟਰੀ ਦੇ ਭਾਰ ਕਾਰਨ ਔਰਤ ਦੀ ਅੰਤੜੀ ਹੇਠਾਂ ਖਿੱਚੀ ਗਈ ਸੀ। ਜਿਸ ਤੋਂ ਬਾਅਦ ਟੀਮ ਕੋਲ ਆਪਰੇਸ਼ਨ ਕਰਨ ਤੋਂ ਇਲਾਵਾ ਹੋਰ ਕੋਈ ਵਿਕਲਪ ਨਹੀਂ ਬਚਿਆ।

Phagwara University ਦੇ Hostel ’ਚੋਂ ਮਿਲੀ ਲਾ+ਸ਼, ਪੁਲਿਸ ਨੇ ਪੂਰਾ ਇਲਾਕਾ ਕੀਤਾ ਸੀਲ | D5 Channel Punjabi

ਡਾਕਟਰ ਵੀ ਹੈਰਾਨ
ਢਿੱਡ ਵਿੱਚ ਛੋਟਾ ਛੇਦ ਬਣਾ ਕੇ 46 ਬੈਟਰੀਆਂ ਕੱਢੀਆਂ ਗਈਆਂ। ਇਹਨਾਂ ਵਿੱਚ AA ਅਤੇ AAA ਬੈਟਰੀਆਂ ਸ਼ਾਮਲ ਸਨ। ਇਹਨਾਂ ਵਿੱਚ ਆਸਾਨੀ ਨਾਲ ਸਮਝਣ ਲਈ ਘੜੀ-ਮਾਊਂਟਡ (AA) ਅਤੇ ਰਿਮੋਟ-ਮਾਊਂਟਡ (AAA) ਬੈਟਰੀਆਂ ਸ਼ਾਮਲ ਹਨ। ਚਾਰ ਬੈਟਰੀਆਂ ਗੁਦਾ ਵਿੱਚ ਫਸੀਆਂ ਹੋਈਆਂ ਸਨ, ਜੋ ਬਾਅਦ ਵਿੱਚ ਹਟਾ ਦਿੱਤੀਆਂ ਗਈਆਂ। ਆਖਰੀ ਐਕਸ-ਰੇ ਨੇ ਪੁਸ਼ਟੀ ਕੀਤੀ ਕਿ ਔਰਤ ਦੇ ਸਰੀਰ ਵਿੱਚ ਕੋਈ ਬੈਟਰੀ ਨਹੀਂ ਹੈ। ਇਲਾਜ ਤੋਂ ਬਾਅਦ ਉਸ ਨੂੰ ਘਰ ਭੇਜ ਦਿੱਤਾ ਗਿਆ। ਡਾਕਟਰਾਂ ਨੇ ਕੇਸ ਰਿਪੋਰਟ ਵਿੱਚ ਲਿਖਿਆ, ‘ਇਹ ਹੁਣ ਤੱਕ ਦੀ ਸਭ ਤੋਂ ਵੱਧ ਬੈਟਰੀ ਹੈ ਜੋ ਕਿਸੇ ਮਰੀਜ਼ ਦੁਆਰਾ ਨਿਗਲ ਗਈ ਹੈ।’ ਰਿਪੋਰਟ ‘ਚ ਕਿਹਾ ਗਿਆ ਕਿ ਬੈਟਰੀ ਨਿਗਲਣ ਦੇ ਜ਼ਿਆਦਾਤਰ ਮਾਮਲੇ ਬੱਚਿਆਂ ਦੇ ਸਾਹਮਣੇ ਆਉਂਦੇ ਹਨ।