ਉੱਤਰ ਪ੍ਰਦੇਸ਼ ਦੇ ਬੱਚੇ ਨੇ ਰਚਿਆ ਇਤਿਹਾਸ, 10 ਸਾਲ ਦੀ ਉਮਰ ‘ਚ ਪਾਸ ਕੀਤੀ 10ਵੀਂ ਦੀ ਪ੍ਰੀਖਿਆ
ਲਖਨਊ : ਕੁਝ ਬੱਚੇ ਆਪਣੇ ਕੰਮਾਂ ਦੇ ਜ਼ਰੀਏ ਖਾਸ ਮੁਕਾਮ ਹਾਸਲ ਕਰ ਲੈਂਦੇ ਹਨ। ਅਜਿਹਾ ਹੀ ਇੱਕ ਮੁਕਾਮ ਹਾਸਲ ਕੀਤਾ ਹੈ ਉੱਤਰ ਪ੍ਰਦੇਸ਼ ਦੇ ਰਾਸ਼ਟਰਮ ਆਦਿੱਤਿਆ ਕ੍ਰਿਸ਼ਨਾ ਨੇ। ਉਨ੍ਹਾਂ ਨੇ 10 ਸਾਲ ਦੀ ਉਮਰ 79% ਅੰਕਾਂ ਦੇ ਨਾਲ 10ਵੀਂ ਦੀ ਪ੍ਰੀਖਿਆ ਪਾਸ ਕੀਤੀ ਹੈ। ਉਸ ਦੀ ਸਫ਼ਲਤਾ ਤੋਂ ਉਸ ਦੇ ਪਰਿਵਾਰਕ ਮੈਂਬਰ ਵੀ ਬਹੁਤ ਖੁਸ਼ ਹਨ। ਉਸ ਨੇ ਅੰਗਰੇਜ਼ੀ ’ਚ 83, ਹਿੰਦੀ ’ਚ 82, ਸਾਇੰਸ ’ਚ 76, ਗਣਿਤ ’ਚ 64, ਆਰਟਸ ’ਚ 86 ਅਤੇ ਸਮਾਜਿਕ ਵਿਗਿਆਨ ’ਚ 84 ਅੰਕ ਹਾਸਲ ਕੀਤੇ ਹਨ। ਪ੍ਰਿੰਸੀਪਲ ਐੱਚ. ਐੱਨ. ਉਪਾਧਿਆਏ ਨੇ ਕਿਹਾ ਕਿ ਆਦਿੱਤਿਆ ਇਕ ਉਤਸ਼ਾਹੀ ਵਿਦਿਆਰਥੀ ਹੈ। ਉਹ ਅੱਖਾਂ ਬੰਦ ਕਰ ਕੇ ਵੀ ਵਿਸ਼ਿਆਂ ਨੂੰ ਸੁਲਝਾ ਸਕਦਾ ਹੈ।
ਸਕੂਲ ਖੁੱਲ੍ਹਦੇ ਹੀ ਅਧਿਆਪਕਾਂ ਦਾ ਕੀ ਕਹਿਣਾ? ਵਿਦਿਆਰਥੀਆਂ ਨੇ ਕੀਤਾ ਅਜਿਹਾ ਕੰਮ, ਸਭ ਹੈਰਾਨ!
ਉਹ ਯੋਗ ’ਚ ਵੀ ਚੰਗੀ ਮੁਹਾਰਤ ਰੱਖਦਾ ਹੈ ਅਤੇ ਸਮਾਜਿਕ ਮੁੱਦਿਆਂ ’ਤੇ ਲੰਬੀ ਗੱਲਬਾਤ ਕਰ ਸਕਦਾ ਹੈ। ਉਹ ਸਾਡੇ ਸਕੂਲ ਲਈ ਇਕ ਸੰਪਤੀ ਹੈ। ਇਹ ਦੂਜੀ ਵਾਰ ਹੈ, ਜਦੋਂ ਯੂ. ਪੀ. ਸੈਕੰਡਰੀ ਸਿੱਖਿਆ ਬੋਰਡ ਨੇ ਛੋਟੇ ਬੱਚੇ ਨੂੰ 10ਵੀਂ ਦੇ ਬੋਰਡ ਦੀ ਪ੍ਰੀਖਿਆ ’ਚ ਬੈਠਣ ਦੀ ਆਗਿਆ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਸੁਸ਼ਮਾ ਵਰਮਾ ਨੇ 5 ਸਾਲ ਦੀ ਉਮਰ ’ਚ 9ਵੀਂ ਜਮਾਤ ’ਚ ਦਾਖ਼ਲਾ ਲਿਆ ਸੀ ਅਤੇ ਯੂ. ਪੀ. ਬੋਰਡ ਦੀ ਪ੍ਰੀਖਿਆ ਪਾਸ ਕੀਤੀ ਸੀ। ਯੂ. ਪੀ. ਬੋਰਡ ਦੀ ਪ੍ਰੀਖਿਆ ਪਾਸ ਕਰਨ ਤੋਂ ਬਾਅਦ ਉਹ ਦੇਸ਼ ਦੀ ਸਭ ਤੋਂ ਛੋਟੀ ਉਮਰ ਦੀ ਮੈਟ੍ਰਿਕ ਪਾਸ ਬਣੀ। ਬੋਰਡ ਦੇ ਨਿਯਮ ਮੁਤਾਬਕ ਜਮਾਤ 10ਵੀਂ ਦੀ ਬੋਰਡ ਪ੍ਰੀਖਿਆ ’ਚ ਬੈਠਣ ਲਈ ਵਿਦਿਆਰਥੀ ਦੀ ਉਮਰ ਘੱਟੋ-ਘੱਟ 14 ਸਾਲ ਹੋਣੀ ਚਾਹੀਦੀ ਹੈ।
🔴LIVE| ਕਿਸਾਨਾਂ ਨੇ ਘੇਰ ਲਿਆ ਅਮਰਿੰਦਰ ਸਿੰਘ, ਮਾਹੌਲ ਗਰਮ! ਅਡਾਨੀਆਂ ਨੇ ਟੇਕੇ ਕਿਸਾਨਾਂ ਅੱਗੇ ਗੋਡੇ, ਮੰਨੀ ਗਲਤੀ!
ਸਕੂਲ ਦੇ ਜ਼ਿਲ੍ਹਾ ਇੰਸਪੈਕਟਰ ਮੁਕੇਸ਼ ਕੁਮਾਰ ਨੇ ਕਿਹਾ ਕਿ ਉਹ ਬੇਮਿਸਾਲ ਹੋਣਹਾਰ ਵਿਦਿਆਰਥੀ ਹਨ। ਉਹ ਆਪਣੀ ਉਮਰ ਦੇ ਬਹੁਤ ਸਾਰੇ ਲੋਕਾਂ ਅਤੇ ਇੱਥੋਂ ਤੱਕ ਕਿ ਸੀਨੀਅਰ ਵਿਦਿਆਰਥੀਆਂ ਲਈ ਇਕ ਪ੍ਰੇਰਣਾ ਸਰੋਤ ਹਨ। ਉਨ੍ਹਾਂ ਦੇ ਅਸਾਧਾਰਨ ਹੁਨਰ ਨੂੰ ਵੇਖਦੇ ਹੋਏ ਯੂ. ਪੀ. ਸੈਕੰਡਰੀ ਸਿੱਖਿਆ ਬੋਰਡ ਨੇ 2019 ਵਿਚ ਉਨ੍ਹਾਂ ਨੂੰ ਵਿਸ਼ੇਸ਼ ਆਗਿਆ ਦਿੱਤੀ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਲਖਨਊ ਦੇ ਐੱਮ. ਡੀ. ਸ਼ੁਕਲਾ ਇੰਟਰ ਕਾਲਜ ’ਚ ਜਮਾਤ 9ਵੀਂ ’ਚ ਦਾਖ਼ਲਾ ਮਿਲਿਆ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
