ਅੰਮ੍ਰਿਤਸਰ ਦੇ ਹਰਿਮੰਦਰ ਸਾਹਿਬ ਦੇ ਨੇੜੇ ਹੈਰੀਟੇਜ ਸਟਰੀਟ ਵਿੱਚ ਹੋਏ ਧਮਾਕੇ ‘ਤੇ ਬੋਲੇ DGP ਪੰਜਾਬ

ਅੰਮ੍ਰਿਤਸਰ : ਅੱਜ ਸਵੇਰੇ ਅੰਮ੍ਰਿਤਸਰ ਦੇ ਹਰਿਮੰਦਰ ਸਾਹਿਬ ਦੇ ਨੇੜੇ ਹੈਰੀਟੇਜ ਸਟਰੀਟ ਵਿੱਚ ਮੂੜ ਤੋਂ ਧਮਾਕਾ ਹੋਇਆ ਹੈ। ਧਮਾਕੇ ਦੀ ਖ਼ਬਰ ਤੋਂ ਬਾਅਦ ਲੋਕਾਂ ਵਿਚ ਦਹਿਸ਼ਤ ਦਾ ਮਾਹੌਲ ਸਾਫ਼ ਦੇਖਿਆ ਜਾ ਸਕਦਾ। ਇਸ ਤੋਂ ਇੱਕ ਦਿਨ ਪਹਿਲਾਂ ਵੀ ਇਸ ਖੇਤਰ ਵਿੱਚ ਇੱਕ ਅਜਿਹਾ ਧਮਾਕਾ ਹੋਇਆ ਸੀ, ਜਿਸ ਵਿੱਚ ਇੱਕ ਵਿਅਕਤੀ ਜ਼ਖਮੀ ਹੋ ਗਿਆ ਸੀ। ਇਸ ਧਮਾਕੇ ਦੀ ਪੂਰੀ ਇਨਪੁਟ ਲੈਣ ਲਈ ਡੀ.ਜੀ.ਪੀ ਪੰਜਾਬ ਪੁਲਿਸ ਗੌਰਵ ਯਾਦਵ ਖੁਦ ਘਟਨਾਂ ਵਾਲੀ ਜੱਗ੍ਹਾਂ ‘ਤੇ ਪਹੁੰਚੇ ਹਨ। ਉਨ੍ਹਾਂ ਮੀਡੀਆ ਨਾਲ ਗੱਲਬਾਤ ਕਰਦੇ ਦੱਸਿਆ ਕਿ ਦੋਨੋ ਧਮਾਕਿਆਂ ਵਿਚ IED ਦਾ ਇਸਤਮਾਲ ਕੀਤਾ ਗਿਆ।

ਘਰ ’ਤੇ ਡਿੱਗਿਆ ਜਹਾਜ਼, ਮਚਿਆ ਚੀਕ ਚਿਹਾੜਾ, ਦੇਖੋ ਮੌਕੇ ਦੀਆਂ ਤਸਵੀਰਾਂ | D5 Channel | Rajasthan Plane Crash

ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੰਮ੍ਰਿਤਸਰ ਦੀ ਹੈਰੀਟੇਜ ਸੜਕ ‘ਤੇ ਅੱਜ ਸਵੇਰੇ ਹੋਏ ਧਮਾਕੇ ਦੀ ਪੰਜਾਬ ਪੁਲਿਸ ਨੇ ਪੁਸ਼ਟੀ ਕੀਤੀ ਹੈ। 24 ਘੰਟਿਆਂ ‘ਚ ਇਹ ਦੂਜਾ ਧਮਾਕਾ ਹੈ ਜੋ ਹਰਿਮੰਦਰ ਸਾਹਿਬ ਦੇ ਨੇੜੇ ਉਸੇ ਥਾਂ ‘ਤੇ ਹੋਇਆ ਹੈ। ਧਮਾਕੇ ਵਾਲੀ ਜਗ੍ਹਾਂ ਤੇ ਮੌਕੇ ਤੋਂ ਕੋਈ ਡੈਟੋਨੇਟਰ ਨਹੀਂ ਮਿਲਿਆ। ਉਨ੍ਹਾਂ ਅੱਗੇ ਦੱਸਿਆ ਕਿ ਵਿਸਫੋਟਕਾਂ ਨੂੰ ਇੱਕ ਕੰਟੇਨਰ ਵਿੱਚ ਧਮਾਕਾ ਕੀਤਾ ਗਿਆ ਹੈ। ਪੁਲਿਸ ਵੱਲੋਂ ਹਰੇਕ ਪੱਸੋ ਜਾਂਚ ਕੀਤੀ ਜਾਏਗੀ। ਡੀ.ਜੀ.ਪੀ. ਨੇ ਪੰਜਾਬ ਦੇ ਲੋਕਾਂ ਨੂੰ ਸ਼ਾਂਤੀ ਬਣਾਉਣ ਰੱਖਣ ਦੀ ਵੀ ਅਪੀਲ ਕੀਤੀ ਹੈ। ਉਨ੍ਹਾਂ ਇਹ ਵੀ ਕਿਹਾ ਹੈ ਕਿ ਝੁੱਠਿਆਂ ਖ਼ਬਰਾਂ ‘ਤੇ ਵਿਸ਼ਵਾਸ਼ ਨਾ ਕਰਨ। ਇਸ ਹਾਦਸੇ ਦੀ ਸਚਾਈ ਪੰਜਾਬ ਪੁਲਿਸ ਜੱਲਦ ਹੀ ਪੰਜਾਬ ਲੋਕਾਂ ਸਾਹਮਣੇ ਜਨਤਕ ਕਰੇਗੀ।