ਅਮਰੀਕਾ ਵੱਲੋਂ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀਆਂ Internship ਮਨਜ਼ੂਰੀਆਂ ’ਤੇ ਸਖ਼ਤੀ

ਅਮਰੀਕੀ ਸਰਕਾਰ ਨੇ ਯੂਨੀਵਰਸਿਟੀਆਂ ਨੂੰ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਲਈ Curricular Practical Training ਜਾਂ CPT ਅਧੀਨ ਇੰਟਰਨਸ਼ਿਪ ਦੀ ਮਨਜ਼ੂਰੀ ਦਿੰਦਿਆਂ ਸਖ਼ਤ ਨਿਯਮ ਲਾਗੂ ਕਰਨ ਲਈ ਕਿਹਾ ਹੈ।Student and Exchange Visitor Program ਵੱਲੋਂ ਜਾਰੀ ਮੈਮੋ ਵਿੱਚ ਕਿਹਾ ਗਿਆ ਹੈ ਕਿ ਕੁਝ ਵਿਦਿਅਕ ਸੰਸਥਾਵਾਂ ਅਜਿਹੀਆਂ CPT ਮਨਜ਼ੂਰੀਆਂ ਦੇ ਰਹੀਆਂ ਸਨ, ਜੋ ਸੰਭਵ ਤੌਰ ’ਤੇ ਸੰਘੀ ਨਿਯਮਾਂ ਨਾਲ ਮੇਲ ਨਹੀਂ ਖਾਂਦੀਆਂ।ਮੌਜੂਦਾ ਨਿਯਮਾਂ ਅਨੁਸਾਰ ਕਿਸੇ ਵਿਦਿਆਰਥੀ ਦੀ ਇੰਟਰਨਸ਼ਿਪ ਜਾਂ ਪ੍ਰੈਕਟੀਕਲ ਟ੍ਰੇਨਿੰਗ ਉਸ ਦੇ ਸਥਾਪਤ ਅਕਾਦਮਿਕ ਪਾਠਕ੍ਰਮ ਦਾ ਅਟੁੱਟ ਹਿੱਸਾ ਹੋਣੀ ਚਾਹੀਦੀ ਹੈ।ਅਮਰੀਕੀ ਹੋਮਲੈਂਡ ਸਿਕਿਉਰਿਟੀ ਵਿਭਾਗ ਦਾ ਕਹਿਣਾ ਹੈ ਕਿ ਕਾਨੂੰਨੀ ਨਿਯਮ ਨਹੀਂ ਬਦਲੇ, ਪਰ ਹੁਣ ਉਨ੍ਹਾਂ ਦੀ ਪਾਲਣਾ ਹੋਰ ਸਖ਼ਤੀ ਨਾਲ ਕਰਵਾਈ ਜਾਵੇਗੀ। ਉਲੰਘਣਾ ਕਰਨ ਵਾਲੀ ਸੰਸਥਾ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਦਾਖ਼ਲਾ ਦੇਣ ਦੀ ਆਪਣੀ ਮਾਨਤਾ ਗੁਆ ਸਕਦੀ ਹੈ।UCLA ਅਤੇ University of California, Berkeley ਨੇ ਨਵੀਆਂ ਹਦਾਇਤਾਂ ਦੀ ਸਮੀਖਿਆ ਦੌਰਾਨ ਕੁਝ CPT ਅਰਜ਼ੀਆਂ ਰੋਕ ਦਿੱਤੀਆਂ ਹਨ। ਹਾਲਾਂਕਿ ਡਿਗਰੀ ਲਈ ਲਾਜ਼ਮੀ ਟ੍ਰੇਨਿੰਗ ਅਤੇ ਕੁਝ ਮਾਸਟਰ ਜਾਂ ਡਾਕਟਰੇਟ ਖੋਜ ਨਾਲ ਜੁੜੀਆਂ ਅਰਜ਼ੀਆਂ ’ਤੇ ਕਾਰਵਾਈ ਜਾਰੀ ਰਹੇਗੀ।ਇਸ ਸਖ਼ਤੀ ਦਾ ਸਭ ਤੋਂ ਵੱਧ ਅਸਰ ਉਨ੍ਹਾਂ ਵਿਕਲਪਿਕ ਇੰਟਰਨਸ਼ਿਪਾਂ ’ਤੇ ਪੈ ਸਕਦਾ ਹੈ, ਜੋ ਵਿਦਿਆਰਥੀ ਦੇ ਵਿਸ਼ੇ ਨਾਲ ਤਾਂ ਸੰਬੰਧਿਤ ਹਨ ਪਰ ਉਸ ਦੀ ਡਿਗਰੀ ਲਈ ਲਾਜ਼ਮੀ ਨਹੀਂ ਹਨ।