chandigarhD5 Channel PunjabiIndiaNational
ਚੰਡੀਗੜ੍ਹ ਦੇ ਹਾਊਸਿੰਗ ਲੋਨ ਘੁਟਾਲ਼ੇ ‘ਚ ਸਾਬਕਾ ਬੈਂਕ ਮੈਨੇਜਰ ਤੇ ਦੋ ਹੋਰ ਚਾਰਜਸ਼ੀਟ
22 ਕਰੋੜ ਰੁਪਏ ਦਾ ਹੋਇਆ ਸੀ ਘੁਟਾਲਾ
ਚੰਡੀਗੜ੍ਹ: ਚੰਡੀਗੜ੍ਹ ਜ਼ਿਲ੍ਹਾ ਅਦਾਲਤ ਨੇ ਚੰਡੀਗੜ੍ਹ ‘ਚ ਸੈਕਟਰ–24 ‘ਚ ਪੰਜਾਬ ਐਂਡ ਸਿੰਧ ਬੈਂਕ ਦੀ ਸ਼ਾਖਾ ਵਿੱਚ 22 ਕਰੋੜ ਰੁਪਏ ਦੇ ਹਾਊਸਿੰਗ ਲੋਨ ਘੁਟਾਲੇ ਵਿੱਚ ਮੁਲਜ਼ਮਾਂ ਵਿਰੁੱਧ ਦੋਸ਼ ਆਇਦ ਕਰ ਦਿੱਤੇ ਨੇ। ਇਹ ਦੋਸ਼ ਸਾਬਕਾ ਬੈਂਕ ਮੈਨੇਜਰ ਰਾਜਿੰਦਰ ਸਿੰਘ ਕਲਸੀ ਸਮੇਤ ਤਿੰਨ ਵਿਅਕਤੀਆਂ ਵਿਰੁੱਧ ਆਇਦ ਹੋਏ ਨੇ। ਅਦਾਲਤ ਨੇ ਹੁਣ ਮੁਕੱਦਮਾ 5 ਦਸੰਬਰ ਤੋਂ ਸ਼ੁਰੂ ਕਰਨ ਦਾ ਹੁਕਮ ਦਿੱਤੈ।
ਇਹ ਘੁਟਾਲਾ 2012 ਵਿੱਚ ਸਾਹਮਣੇ ਆਇਆ ਸੀ। ਉਸ ਸਮੇਂ ਬੈਂਕ ਦੇ ਸਾਲਾਨਾ ਨਿਰੀਖਣ ਦੌਰਾਨ ਬੇਨਿਯਮੀਆਂ ਦਾ ਪਤਾ ਲੱਗਿਆ ਸੀ। ਬੈਂਕ ਦੇ ਤਤਕਾਲੀ ਸੀਨੀਅਰ ਮੈਨੇਜਰ ਕਮਲਜੀਤ ਸਿੰਘ ਨੇ ਪੁਲਿਸ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਰਾਜਿੰਦਰ ਸਿੰਘ ਕਲਸੀ ਨੇ ਕਥਿਤ ਤੌਰ ‘ਤੇ ਕਰਨ ਠਾਕੁਰ ਅਤੇ ਸੋਨੀਆ ਠਾਕੁਰ ਨਾਲ ਮਿਲ ਕੇ ਕੁੱਲ 22 ਕਰੋੜ ਰੁਪਏ ਦੇ 116 ਧੋਖਾਧੜੀ ਵਾਲੇ ਹਾਊਸਿੰਗ ਲੋਨ ਜਾਰੀ ਕੀਤੇ ਸਨ। ਦੋਸ਼ ਹੈ ਕਿ ਉਨ੍ਹਾਂ ਨੇ ਜਾਅਲੀ ਨਾਵਾਂ ਅਤੇ ਪਤਿਆਂ ਹੇਠ ਕਰਜ਼ੇ ਪ੍ਰਾਪਤ ਕੀਤੇ ਅਤੇ ਜਾਅਲੀ ਦਸਤਾਵੇਜ਼ਾਂ ਦੀ ਵਰਤੋਂ ਕੀਤੀ। ਇਸ ਘੁਟਾਲੇ ਕਾਰਨ ਬੈਂਕ ਨੂੰ ਕਰੋੜਾਂ ਰੁਪਏ ਦਾ ਨੁਕਸਾਨ ਹੋਇਆ।
ਸੈਕਟਰ 11 ਪੁਲਿਸ ਸਟੇਸ਼ਨ ਨੇ 2012 ਵਿੱਚ ਕੇਸ ਦਰਜ ਕੀਤਾ। ਇਸ ਤੋਂ ਬਾਅਦ, ਇਨਫੋਰਸਮੈਂਟ ਡਾਇਰੈਕਟੋਰੇਟ ਭਾਵ ਈਡੀ ਨੇ ਵੀ ਜਾਂਚ ਸ਼ੁਰੂ ਕੀਤੀ। ਲੰਬੀ ਜਾਂਚ ਤੋਂ ਬਾਅਦ, ਈਡੀ ਨੇ ਸਤੰਬਰ 2023 ਵਿੱਚ ਮਨੀ ਲਾਂਡਰਿੰਗ ਰੋਕਥਾਮ ਐਕਟ ਦੀਆਂ ਧਾਰਾਵਾਂ ਤਹਿਤ ਇੱਕ ਚਾਰਜਸ਼ੀਟ ਦਾਇਰ ਕੀਤੀ। ਇਸ ਚਾਰਜਸ਼ੀਟ ਦੇ ਆਧਾਰ ‘ਤੇ, ਅਦਾਲਤ ਨੇ ਦੋਸ਼ ਤੈਅ ਕੀਤੇ।
ਸੈਕਟਰ 11 ਪੁਲਿਸ ਸਟੇਸ਼ਨ ਨੇ 2012 ਵਿੱਚ ਕੇਸ ਦਰਜ ਕੀਤਾ। ਇਸ ਤੋਂ ਬਾਅਦ, ਇਨਫੋਰਸਮੈਂਟ ਡਾਇਰੈਕਟੋਰੇਟ ਭਾਵ ਈਡੀ ਨੇ ਵੀ ਜਾਂਚ ਸ਼ੁਰੂ ਕੀਤੀ। ਲੰਬੀ ਜਾਂਚ ਤੋਂ ਬਾਅਦ, ਈਡੀ ਨੇ ਸਤੰਬਰ 2023 ਵਿੱਚ ਮਨੀ ਲਾਂਡਰਿੰਗ ਰੋਕਥਾਮ ਐਕਟ ਦੀਆਂ ਧਾਰਾਵਾਂ ਤਹਿਤ ਇੱਕ ਚਾਰਜਸ਼ੀਟ ਦਾਇਰ ਕੀਤੀ। ਇਸ ਚਾਰਜਸ਼ੀਟ ਦੇ ਆਧਾਰ ‘ਤੇ, ਅਦਾਲਤ ਨੇ ਦੋਸ਼ ਤੈਅ ਕੀਤੇ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
