ਰੂਸ ਦੇ ਯੂਕਰੇਨ ‘ਤੇ ਹਮਲੇ ਨੂੰ 51 ਦਿਨ ਹੋ ਗਏ ਹਨ। ਇਸ ਸਮੇਂ ਦੌਰਾਨ ਜਿਸ ਤਰ੍ਹਾਂ ਦੀਆਂ ਦਿਲ ਕੰਬਾ ਦੇਣ ਵਾਲੀਆਂ ਘਟਨਾਵਾਂ ਦੀਆਂ ਖ਼ਬਰਾਂ ਆ ਰਹੀਆਂ ਹਨ ਉਨ੍ਹਾਂ ਤੋਂ ਸਹਿਜੇ ਹੀ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਰੂਸੀ ਸੈਨਿਕ ਅੱਤਿਆਚਾਰਾਂ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਚੁੱਕੇ ਹਨ। ਬੀਬੀਸੀ ਨੇ ਦੱਸਿਆ ਹੈ ਕਿ ਰੂਸੀ ਸੈਨਿਕ ਯੂਕਰੇਨ ਦੀਆਂ ਔਰਤਾਂ ਨਾਲ ਸੜਕਾਂ ਉਪਰ ਬਲਾਤਕਾਰ ਕਰ ਰਹੇ ਹਨ। ਪਤਨੀਆਂ ਨੂੰ ਪਰਿਵਾਰਾਂ ਅਤੇ ਪਤੀਆਂ ਦੇ ਸਾਹਵੇਂ ਨਿਰਵਸਤਰ ਕਰਨ ਲਈ ਬੰਦੂਕ ਤਾਣ ‌ਲਈ ਜਾਂਦੀ ਹੈ। ਇਕ ਇਕ ਔਰਤ ਨਾਲ ਕਈ ਕਈ ਰੂਸੀ ਸੈਨਿਕ ਜ਼ਬਰਦਸਤੀ ਕਰਕੇ ਕਹਿੰਦੇ ਹਨ ਉਹ ਇਸ ਤਰ੍ਹਾਂ ਇਸ ਲਈ ਕਰ ਰਹੇ ਹਨ ਕਿ ਹੁਣ ਯੂਕਰੇਨੀ ਔਰਤਾਂ ਆਪਣੇ ਯੂਕਰੇਨੀ ਪਤੀਆਂ ਦੇ ਬੱਚੇ ਪੈਦਾ ਕਰਨ ਤੋਂ ਵੀ ਡਰਨ।

ਯੂਕਰੇਨ ਦੇ ਬੁੱਚ ਸ਼ਹਿਰ ਵਿੱਚ ਰੂਸੀ ਫ਼ੌਜੀਆਂ ਨੇ ਲੋਕਾਂ ‘ਤੇ ਜੋ ਜ਼ੁਲਮ ਕੀਤੇ ਹਨ ਉਸ ਦੀ ਹਾਹਾਕਾਰ ਪੂਰੀ ਦੁਨੀਆ ਵਿੱਚ ਪੈ ਗਈ ਹੈ। ਇਸ ਸ਼ਹਿਰ ਵਿੱਚ ਰੂਸੀਆਂ ਨੇ ਲੋਕਾਂ ਦੇ ਹੱਥ ਬੰਨ੍ਹਕੇ ਉਨ੍ਹਾਂ ਨੂੰ ਗੋਲੀਆਂ ਨਾਲ ਭੁੰਨ ਦਿੱਤਾ। ਇਸ ਤਰ੍ਹਾਂ ਮਾਰੇ ਗਏ ਲੋਕਾਂ ਦੀਆਂ ਲਾਸ਼ਾਂ ਬੰਕਰਾਂ ਅਤੇ ਬੇਸਮੈਂਟਾਂ ਵਿੱਚੋਂ ਮਿਲੀਆਂ ਹਨ। ਇਸ ਸਹਿਰ ਵਿੱਚ ਰੂਸੀ ਸੈਨਿਕਾਂ ਨੇ ਔਰਤਾਂ ਨਾਲ ਜ਼ਬਰਦਸਤੀ ਕੀਤੀ ਅਤੇ ਉਨ੍ਹਾਂ ਦੇ ਪਤੀਆਂ ਨੂੰ ਉਨ੍ਹਾਂ ਦੀਆਂ ਅੱਖਾਂ ਦੇ ਸਾਹਮਣੇ ਹੀ ਮੌਤ ਦੇ ਘਾਟ ਉਤਾਰ ਦਿੱਤਾ। ਯੂਕਰੇਨ ‘ਚੋਂ 50 ਲੱਖ ਤੋਂ ਵੱਧ ਔਰਤਾਂ, ਬੱਚੇ ਅਤੇ ਬਜ਼ੁਰਗ ਪੋਲੈਂਡ ਵਿੱਚ ਸ਼ਰਨ ਲੈ ਚੁੱਕੇ ਹਨ। ਰੂਸ ਦੀਆਂ ਫ਼ੌਜਾਂ ਨੇ ਯੂਕਰੇਨ ਦੇ ਬਹੁਤੇ ਸ਼ਹਿਰਾਂ ‘ਚ ਬਹੁਤ ਤਬਾਹੀ ਕੀਤ‌ੀ ਹੈ ਜਿਸ ਦੀ ਮੁੜ ਉਸਾਰੀ ਕਰਨ ਲੱਗਿਆ ਯੂਕਰੇਨ ਨੂੰ ਕਈ ਦਹਾਕੇ ਲੱਗ ਜਾਣਗੇ ਅਤੇ ਉਸ ਨੂੰ ਖ਼ਰਬਾਂ ਡਾਲਰਾਂ ਦੀ ਆਲਮੀ ਮਾਇਕ ਮਦਦ ਦੀ ਲੋੜ ਪਏਗੀ।

ਉਂਝ ਯੂਕਰੇਨ ਦੇ ਲੋਕਾਂ ਨੇ ਵੀ ਰੂਸ ਨੂੰ ਡਟਵਾਂ ਮੁਕਾਬਲਾ ਦਿੱਤਾ ਹੈ। ਰੂਸ ਦਾ ਵੱਡੀ ਪੱਧਰ ‘ਤੇ ਨੁਕਸਾਨ ਹੋਇਆ ਹੈ। ਵਿਸ਼ਵ ਦੇ ਜੰਗਾਂ ਦੇ ਮਾਹਿਰ ਕਹਿ ਰਹੇ ਹਨ ਕਿ ਰੂਸ ਨੇ ਹਮਲੇ ਦਾ ਸਮਾਂ ਚੁਣਨ ਵਿੱਚ ਵੱਡੀ ਗ਼ਲਤੀ ਕੀਤੀ ਹੈ ਅਤੇ ਦੂਜਾ ਰੂਸ ਦੇ ਫੌਜੀਆਂ ਨੂੰ ਖਾਣ-ਪੀਣ, ਟੈਂਕਾਂ ਅਤੇ ਦੂਜੀਆਂ ਮੋਟਰ ਗੱਡੀਆਂ ਨੂੰ ਡੀਜ਼ਲ ਵੀ ਯੂਕਰੇਨ ਵਿੱਚੋਂ ਨਾ ਮਿਲਣ ਕਰਕੇ ਵੱਡਾ ਨੁਕਸਾਨ ਹੋਇਆ ਹੈ ਅਤੇ ਇੰਜ ਹਜ਼ਾਰਾਂ ਰੂਸ‌ੀ ਫ਼ੌਜੀ ਮਾਰੇ ਗਏ। ਇਸ ਜੰਗ ਨਾਲ ਜਿਥੇ ਯੂਕਰੇਨ ਦੀ ਆਰਥਿਕਤਾ ਤਬਾਹ ਹੋ ਗਈ ਹੈ ਉਥੇ ਪੂਰ‌ੀ ਦੁਨੀਆ ਵਿੱਚ ਮਹਿੰਗਾਈ ਨੇ ਹਾਹਾਕਾਰ ਮਚਤਾ ਦਿੱਤ‌ੀ ਹੈ।

ਬੜੀ ਦੁੱਖ ਦੀ ਗੱਲ ਹੈ ਕਿ ਸੰਯੁਕਤ ਰਾਸ਼ਟਰ, ਜਿਸ ਦੇ ਦੋਵੇਂ ਹੀ ਦੇਸ਼ ਮੈਂਬਰ ਹਨ, ਵੀ ਇਸ ਲੜਾਈ ਦਾ ਕੋਈ ਹਲ ਨਹੀਂ ਲੱਭ ਸਕਿਆ। ਕੋਈ ਵੀ ਦੇਸ਼ ਅਮਰੀਕਾ, ਯੂਕੇ, ਚੀਨ, ਫਰਾਂਸ ਆਦਿ ਰੂਸ ‘ਤੇ ਜੰਗ ਰੋਕਣ ਦਾ ਦਬਾਅ ਨਹੀਂ ਪਾ ਸਕਿਆ। ਬੱਚਿਆਂ ਅਤੇ ਔਰਤਾਂ ਨਾਲ ਉਥੇ ਵੱਧ ਜ਼‌ਿਆਦਤੀਆਂ ਹੋ ਰਹੀਆਂ ਨੇ। ਰੂਸੀ ਬਹੁਤ ਸਾਰੇ ਬੱਚੇ ਚੁੱਕ ਕੇ ਰੂਸ ਵਿੱਚ ਲੈ ਗਏ ਹਨ ਅਤੇ ਰੂਸ ਦੇ ਪਰਿਵਾਰਾਂ ਨੂੰ ਉਨ੍ਹਾਂ ਬੱਚਿਆਂ ਨੂੰ ਗੋਦ ਲੈਣ ਲਈ ਮਜ਼ਬੂਰ ਕੀਤਾ ਜਾ ਰਿਹਾ ਹੈ। ਹਜ਼ਾਰਾਂ ਬੱਚਿਆਂ ਦੀ ਪੜ੍ਹਾਈ ਬਰਬਾਦ ਹੋ ਗਈ।  ਭਾਰਤ ਸਮੇਤ ਕਈ ਮੁਲਕਾਂ ਦੇ ਹਜ਼ਾਰਾਂ ਵਿਦਿਅਰਥੀਆਂ ਦੀਆਂ ਡਿਗਰੀਆਂ ਘੱਟੇ ‘ਚ ਰੁਲ਼ਦੀਆਂ ਨਜ਼ਰ ਆ ਰਹੀਆਂ ਹਨ।

ਬੜੇ ਹੀ ਦੁੱਖ ਦੀ ਗੱਲ ਹੈ ਕਿ ਜਿਹੜੇ ਲੋਕ ਬੰਦੂਕਾਂ, ਬੰਬਾਂ, ਡਰੋਨਾਂ, ਟੈਂਕਾਂ, ਮਿਜ਼ਾਇਲਾਂ ਅਦਿ ਨਾਲ ਲੜ ਰਹੇ ਹਨ ਉਹ ਇਕ ਦੂਜੇ ਨੂੰ ਜਾਣਦੇ ਤੱਕ ਨਹੀ ਪਰ ਇਕ ਦੂਜੇ ਨੂੰ ਮਾਰਨ ਲਈ ਪਲ ਵੀ ਨਹੀਂ ਲਾਉਂਦੇ ਅਤੇ ਜਿਨ੍ਹਾਂ ਵਿਅਕਤੀਆਂ, ਯੋਲੈਂਸਕੀ ਅਤੇ ਪੁਤਿਨ, ਲਈ ਲੜ ਰਹੇ ਹਨ ਉਹ ਇਕ ਦੂਜੇ ਨੂੰ ਜਾਣਦੇ ਵੀ ਹਨ ਅਤੇ ਇਕ ਦੂਜੇ ਦੇ ਦੁਸ਼ਮਣ ਵੀ ਹਨ ਪਰ ਆਪਸ ‘ਚ ਲੜ ਮਰ ਨਹੀਂ ਰਹੇ। ਦੁਨੀਆਂ ਦੇ ਮੁਲਕਾਂ ਨੂੰ ਫ਼ੌਰਨ ਰੂਸ ‘ਤੇ ਜੰਗ ਖ਼ਤਮ ਕਰਨ ਲਈ ਦਬਾਅ ਪਾਉਣਾ ਚਾਹੀਦਾ ਹੈ ਤਾਂ ਕਿ ਹੋਰ ਨੁਕਸਾਨ ਹੋਣ ਤੋਂ ਰੋਕਿਆ ਜਾ ਸਕੇ। ਅੱਜ ਦੁਨੀਆਂ ਦੀ ਸਥਿਤੀ ਇਹ ਹੈ ਕਿ ਕੋਈ ਵੀ ਮੁਲਕ ਜੰਗ ਲੜਨ ਦ‌ੀ ਸਥਿਤੀ ਵਿੱਚ ਨਹੀਂ ਹੈ। ਜੰਗ ਕਿਸੇ ਮਸਲੇ ਦਾ ਹਲ ਨਹੀਂ ਬਲਕਿ ਜਿਥੇ ਜੰਗ ਆਪ ਹੀ ਇਕ ਮਸਲਾ ਹੇ ਉਥੇ ਨਾਲ ਦੀ ਨਾਲ ਜੰਗ ਹੋਰ ਵੀ ਸਮੱਸਿਆਵਾਂ ਪੈਦਾ ਕਰ ਦਿੰਦੀ ਹੈ।

ਵੱਡਾ ਝਟਕਾ, ATM ਕਾਰਡ ਹੋਏ ਬੰਦ, ਲੋਕਾਂ ‘ਚ ਮਚੀ ਹਾਹਾਕਾਰ| D5 Channel Punjabi

ਓਪ੍ਰੇਸ਼ਨ ਗੰਗਾ ਤਹਿਤ ਯੂਕਰੇਨ ਤੋਂ ਅੱਜ 182 ਭਾਰਤੀ ਨਾਗਰਿਕ ਭਾਰਤ ਪਹੁੰਚੇ। ਮਿਲੀ ਜਾਣਕਾਰੀ ਮੁਤਾਬਿਕ ਇਹ ਯਾਤਰੀ ਵਿਸ਼ੇਸ਼ ਜਹਾਜ਼ ਰਾਹੀਂ ਮੁੰਬਈ ਪਹੁੰਚੇ। ਵਿਸ਼ੇਸ਼ ਜਹਾਜ਼ ਨੇ ਰੋਮਾਨੀਆ ਦੇ ਬੁਖਾਰੇਸਟ ਤੋਂ ਉਡਾਣ ਭਰੀ ਅਤੇ 182 ਭਾਰਤੀਆਂ ਨੂੰ ਨਾਲ ਲੈ ਕੇ ਮੁੰਬਈ ਪਹੁੰਚਿਆ। ਆਪ੍ਰੇਸ਼ਨ ਗੰਗਾ ਤਹਿਤ ਹੁਣ ਤੱਕ ਹਜ਼ਾਰਾਂ ਦੀ ਗਿਣਤੀ ਵਿੱਚ ਯੂਕਰੇਨ ਤੋਂ ਬੱਚੇ ਅਤੇ ਨਾਗਰਿਕ ਬਾਹਰ ਕੱਢੇ ਗਏ ਹਨ।

ਯੂਕ੍ਰੇਨ ਤੇ ਰੂਸ ਦੀ ਲੜਾਈ ਨਾਲ ਵਧੇਗੀ ਮਹਿੰਗਾਈ, ਮਜੀਠੀਆ ਨੇ ਜੇਲ੍ਹ ’ਚ ਕੱਟੀ ਪਹਿਲੀ ਰਾਤ | D5 Channel Punjabi

ਇਸ ਦੌਰਾਨ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਫ਼ੋਨ ‘ਤੇ ਗੱਲਬਾਤ ਕੀਤੀ। ਰਾਸ਼ਟਰਪਤੀ ਪੁਤਿਨ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਦੱਸਿਆ ਕਿ ਉਨ੍ਹਾਂ ਨੂੰ ਯੂਕਰੇਨ ‘ਤੇ ਹਮਲਾ ਕਿਉਂ ਕਰਨਾ ਪਿਆ। ਰੂਸੀ ਰਾਸ਼ਟਰਪਤੀ ਭਵਨ ਤੋਂ ਜਾਰੀ ਬਿਆਨ ਮੁਤਾਬਕ ਪੁਤਿਨ ਨੇ ਪੀਐਮ ਮੋਦੀ ਨੂੰ ਕਿਹਾ ਕਿ ਕੀਵ ਸਥਿਤ ਸਰਕਾਰ ਨੇ ਡੋਨਬਾਸ ਦੇ ਆਮ ਨਾਗਰਿਕਾਂ ਦੇ ਖਿਲਾਫ ਹਮਲਾਵਰ ਕਾਰਵਾਈ ਕੀਤੀ।

ਯੂਕੇ੍ਰਨ ਫਸੇ ਦੀ ਬੱਚੇ ਵੀਡੀਓ ਆਈ ਸਾਹਮਣੇ, ਕਿਸਾਨ ਆਗੂ ਚੜੂਨੀ ਦਾ ਵੱਡਾ ਐਲਾਨ

ਅਮਰੀਕਾ ਅਤੇ ਨਾਟੋ ਦੀ ਮਦਦ ਨਾਲ ਯੂਕਰੇਨ ਵਿੱਚ ਚੱਲ ਰਹੀਆਂ ਰਣਨੀਤਿਕ ਗਤੀਵਿਧੀਆਂ ਤੋਂ ਇਲਾਵਾ ਮਿੰਸਕ ਸਮਝੌਤੇ ਦੀ ਵੀ ਉਲੰਘਣਾ ਕੀਤੀ ਗਈ ਸੀ। ਇਸ ਸਭ ਕਾਰਨ ਰੂਸ ਨੂੰ ਫੌਜੀ ਕਾਰਵਾਈ ਦਾ ਫੈਸਲਾ ਲੈਣਾ ਪਿਆ। ਰਾਸ਼ਟਰਪਤੀ ਪੁਤਿਨ ਨਾਲ ਪੀਐਮ ਮੋਦੀ ਦੀ ਗੱਲਬਾਤ ਦਾ ਆਧਾਰ ਵੀ ਯੂਕਰੇਨ ਵੱਲੋਂ ਦਿੱਲੀ ਵਿੱਚ ਕੀਤੀ ਗਈ ਇਹ ਭਾਵਨਾਤਮਕ ਅਪੀਲ ਸੀ। ਜਿਸ ਵਿੱਚ ਯੂਕਰੇਨ ਦੇ ਰਾਜਦੂਤ ਨੇ ਭਾਰਤ ਅਤੇ ਰੂਸ ਦੇ ਬਿਹਤਰ ਸਬੰਧਾਂ ਦੀ ਯਾਦ ਦਿਵਾਉਂਦੇ ਹੋਏ ਪੀਐਮ ਮੋਦੀ ਨੂੰ ਗੱਲਬਾਤ ਕਰਨ ਅਤੇ ਤਣਾਅ ਖਤਮ ਕਰਨ ਦੀ ਅਪੀਲ ਕੀਤੀ ।