ਅਧਿਆਪਕਾਂ ਨੂੰ ਵੱਡਾ ਮਾਣ: ਹੁਣ ‘Dr’ ਤੇ ‘Prof’ ਵਾਂਗ ਨਾਮ ਅੱਗੇ ਲੱਗੇਗਾ ‘Tr.

ਅਧਿਆਪਕ ਦਿਵਸ ਦੇ ਮੌਕੇ ‘ਤੇ ਕਰਨਾਟਕ ਸਰਕਾਰ ਨੇ ਇੱਕ ਨਵਾਂ ਐਲਾਨ ਕੀਤਾ ਹੈ। ਹੁਣ ਇਸ ਰਾਜ ‘ਚ ਅਧਿਆਪਕਾਂ ਨੂੰ ਆਪਣੇ ਨਾਮ ਅੱਗੇ ‘Tr.’ ਲਗਾਉਣ ਦੀ ਇਜਾਜ਼ਤ ਹੋਵੇਗੀ। ਜਿਸ ਤਰ੍ਹਾਂ ਡਾਕਟਰ ਆਪਣੇ ਨਾਮ ਅੱਗੇ ‘Dr.’ ਅਤੇ ਪ੍ਰੋਫੈਸਰ ਆਪਣੇ ਨਾਮ ਅੱਗੇ ‘Prof.’ ਦੀ ਵਰਤੋਂ ਕਰਦੇ ਹਨ, ਉਸੇ ਤਰ੍ਹਾਂ ਹੁਣ ਅਧਿਆਪਕ ਵੀ ਆਪਣੇ ਨਾਮ ਅੱਗੇ ‘Tr.’ ਉਪਾਧੀ ਦੀ ਵਰਤੋਂ ਕਰ ਸਕਣਗੇ।
ਕਰਨਾਟਕ ਦੇ ਸੀਐੱਮ ਡੀ.ਕੇ. ਸ਼ਿਵਕੁਮਾਰ ਵੱਲੋਂ X ‘ਤੇ ਕੀਤੇ ਗਏ ਟਵੀਟ ਮੁਤਾਬਕ, “ਅਧਿਆਪਕ ਦਿਵਸ ਦੇ ਮੌਕੇ ‘ਤੇ ਕਰਨਾਟਕ ਸਰਕਾਰ ਨੇ ਅਧਿਆਪਕਾਂ ਦੇ ਅਮੁੱਲੇ ਯੋਗਦਾਨ ਦਾ ਸਨਮਾਨ ਕਰਨ ਲਈ ਇੱਕ ਅਹਿਮ ਫ਼ੈਸਲਾ ਲਿਆ ਹੈ। ਕਰਨਾਟਕ ਦੇ ਸਾਰੇ ਅਧਿਆਪਕ ਮਾਣ ਨਾਲ ਆਪਣੇ ਨਾਮ ਅੱਗੇ ਸਨਮਾਨਜਨਕ ਉਪਾਧੀ ‘Tr.’ (ਟੀਚਰ) ਦੀ ਵਰਤੋਂ ਕਰ ਸਕਦੇ ਹਨ।” ਇਸ ਉਪਾਧੀ ਦੇ ਪਿੱਛੇ ਇੱਕ ਅਧਿਆਪਕ ਦੀ ਸਾਰੀ ਉਮਰ ਦੀ ਨਿਸ਼ਕਾਮ ਸੇਵਾ ਦੀ ਭਾਵਨਾ ਹੈ। ‘Tr.’ ਸਿਰਫ਼ ਇੱਕ ਉਪਾਧੀ ਨਹੀਂ ਹੈ, ਸਗੋਂ ਇਹ ਉਨ੍ਹਾਂ ਨਿਸ਼ਕਾਮ ਲੋਕਾਂ ਪ੍ਰਤੀ ਪੂਰੇ ਸਮਾਜ ਦੀ ਕ੍ਰਿਤਜਤਾ ਨੂੰ ਦਰਸਾਉਂਦੀ ਹੈ, ਜਿਨ੍ਹਾਂ ਨੇ ਦੂਜਿਆਂ ਦੀ ਜ਼ਿੰਦਗੀ ਸੰਵਾਰਨ ਲਈ ਆਪਣਾ ਜੀਵਨ ਸਮਰਪਿਤ ਕਰ ਦਿੱਤਾ।
ਕਰਨਾਟਕ ਦੇ ਲੋਕਾਂ ਵੱਲੋਂ ਮੈਂ ਉਨ੍ਹਾਂ ਸਾਰੇ ਅਧਿਆਪਕਾਂ ਨੂੰ ਸਤਿਕਾਰ ਸਹਿਤ ਨਮਨ ਕਰਦਾ ਹਾਂ, ਜਿਨ੍ਹਾਂ ਨੇ ਸਾਨੂੰ ਸਹੀ ਰਾਹ ਦਿਖਾਇਆ, ਸਾਡੇ ਚਰਿੱਤਰ ਦਾ ਨਿਰਮਾਣ ਕੀਤਾ, ਸਾਡੇ ਸੁਪਨਿਆਂ ਲਈ ਨਵੀਆਂ ਸੰਭਾਵਨਾਵਾਂ ਦੇ ਦਰਵਾਜ਼ੇ ਖੋਲ੍ਹੇ ਅਤੇ ਸਭ ਤੋਂ ਪਹਿਲਾਂ ਸਾਡੀਆਂ ਸਮਰੱਥਾਵਾਂ ‘ਤੇ ਵਿਸ਼ਵਾਸ ਕੀਤਾ। ਸਾਡੇ ਬੱਚਿਆਂ ਨੂੰ ਸੰਵਾਰਨ ਲਈ ਤੁਹਾਡਾ ਧੰਨਵਾਦ। ਕਰਨਾਟਕ ਦੇ ਨਿਰਮਾਣ ‘ਚ ਤੁਹਾਡੇ ਯੋਗਦਾਨ ਲਈ ਅਸੀਂ ਤੁਹਾਡੇ ਆਭਾਰੀ ਹਾਂ। ਰਾਸ਼ਟਰ ਨੂੰ ਸੰਵਾਰਨ ਲਈ ਤੁਹਾਡੇ ਯਤਨਾਂ ਪ੍ਰਤੀ ਅਸੀਂ ਅਸੀਮ ਸਨਮਾਨ ਪ੍ਰਗਟ ਕਰਦੇ ਹਾਂ। ‘Tr.’ (ਅਧਿਆਪਕ) ਦੀ ਉਪਾਧੀ ਤੁਹਾਡੀ ਨਿਸ਼ਕਾਮ ਸੇਵਾ ਲਈ ਇੱਕ ਉਚਿਤ ਸਨਮਾਨ ਹੈ।
ਜਿਸ ਤਰ੍ਹਾਂ ਡਾਕਟਰਾਂ ਅਤੇ ਪ੍ਰੋਫੈਸਰਾਂ ਨੂੰ ਸਨਮਾਨ ਮਿਲਦਾ ਹੈ, ਹੁਣ ਉਸੇ ਤਰ੍ਹਾਂ ਅਧਿਆਪਕ ਵੀ ਆਪਣੇ ਨਾਮ ਅੱਗੇ ‘Tr.’ ਲਗਾ ਕੇ ਸਨਮਾਨ ਪ੍ਰਾਪਤ ਕਰ ਸਕਣਗੇ। ਲੋਕ ਉਨ੍ਹਾਂ ਨੂੰ ਵੀ ਡਾਕਟਰਾਂ ਦੀ ਤਰ੍ਹਾਂ ‘Tr.’ ਉਪਾਧੀ ਨਾਲ ਪਛਾਣ ਸਕਣਗੇ।