ਸ਼੍ਰੀਲੰਕਾ ਨੇ 27 ਸਾਲ ਬਾਦ ਵਨਡੇ ਸੀਰੀਜ਼ ‘ਚ ਭਾਰਤ ਨੂੰ ਹਰਾਇਆ

ਟੀਮ ਇੰਡੀਆ ਨੂੰ ਸ਼੍ਰੀਲੰਕਾ ਖਿਲਾਫ ਵਨਡੇ ਸੀਰੀਜ਼ ‘ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਕੋਲੰਬੋ ‘ਚ ਖੇਡੇ ਗਏ ਤੀਜੇ ਵਨਡੇ ਮੈਚ ‘ਚ ਵੀ ਟੀਮ ਇੰਡੀਆ ਦੀ ਬੱਲੇਬਾਜ਼ੀ ਫਲਾਪ ਸਾਬਤ ਹੋਈ ਅਤੇ ਨਤੀਜੇ ਵਜੋਂ ਉਹ ਸ਼੍ਰੀਲੰਕਾ ਤੋਂ ਸੀਰੀਜ਼ 0-2 ਨਾਲ ਹਾਰ ਗਈ। ਸ਼੍ਰੀਲੰਕਾ ਦੀਆਂ 248 ਦੌੜਾਂ ਦੇ ਜਵਾਬ ‘ਚ ਟੀਮ ਇੰਡੀਆ 138 ਦੌੜਾਂ ‘ਤੇ ਢੇਰ ਹੋ ਗਈ। ਭਾਰਤੀ ਟੀਮ ਸਿਰਫ਼ 26.1 ਓਵਰਾਂ ਵਿੱਚ ਹੀ ਆਲ ਆਊਟ ਹੋ ਗਈ। ਇਹ ਹਾਰ ਇਸ ਲਈ ਵੀ ਵੱਡੀ ਹੈ ਕਿਉਂਕਿ ਭਾਰਤ ਨੇ 27 ਸਾਲ ਬਾਅਦ ਸ਼੍ਰੀਲੰਕਾ ਤੋਂ ਵਨਡੇ ਸੀਰੀਜ਼ ਹਾਰੀ ਹੈ। ਟੀਮ ਇੰਡੀਆ ਆਖਰੀ ਵਾਰ 1997 ‘ਚ ਸ਼੍ਰੀਲੰਕਾ ਤੋਂ ਵਨਡੇ ਸੀਰੀਜ਼ ਹਾਰੀ ਸੀ ਪਰ ਹੁਣ ਇਹ ਸੀਰੀਜ਼ ਵੀ ਖਤਮ ਹੋ ਗਈ ਹੈ।