ਨਿਊਜ਼ੀਲੈਂਡ ਨੇ ਤਿੰਨ ਵਨਡੇ ਸੀਰੀਜ਼ ਦੇ ਪਹਿਲੇ ਮੈਚ ‘ਚ ਸ਼੍ਰੀਲੰਕਾ ਨੂੰ 198 ਦੌੜਾਂ ਨਾਲ ਹਰਾਇਆ। ਆਕਲੈਂਡ ‘ਚ ਖੇਡੇ ਗਏ ਮੈਚ ‘ਚ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਨਿਊਜ਼ੀਲੈਂਡ ਨੇ 49.3 ਓਵਰਾਂ ‘ਚ 10 ਵਿਕਟਾਂ ਦੇ ਨੁਕਸਾਨ ‘ਤੇ 274 ਦੌੜਾਂ ਬਣਾਈਆਂ ਅਤੇ ਸ਼੍ਰੀਲੰਕਾ ਨੂੰ 275 ਦੌੜਾਂ ਦਾ ਟੀਚਾ ਦਿੱਤਾ। ਜਵਾਬ ‘ਚ ਸ਼੍ਰੀਲੰਕਾ ਦੀ ਟੀਮ 19.5 ਓਵਰਾਂ ‘ਚ ਸਿਰਫ 76 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਅਤੇ ਨਿਊਜ਼ੀਲੈਂਡ ਨੇ ਪਹਿਲਾ ਵਨਡੇ 198 ਦੌੜਾਂ ਦੇ ਵੱਡੇ ਫਰਕ ਨਾਲ ਜਿੱਤ ਲਿਆ।ਨਿਊਜ਼ੀਲੈਂਡ ਲਈ ਹੈਨਰੀ ਸ਼ਿਪਲੇ ਨੇ 5 ਵਿਕਟਾਂ ਲਈਆਂ। ਕੀਵੀ ਟੀਮ ਦੇ 8 ਬੱਲੇਬਾਜ਼ ਦਹਾਈ (10 ਦੌੜਾਂ) ਦਾ ਅੰਕੜਾ ਵੀ ਨਹੀਂ ਛੂਹ ਸਕੇ। ਇਸ ਨਾਲ ਨਿਊਜ਼ੀਲੈਂਡ ਨੇ 3 ਮੈਚਾਂ ਦੀ ਸੀਰੀਜ਼ ‘ਚ 1-0 ਦੀ ਅਜੇਤੂ ਬੜ੍ਹਤ ਬਣਾ ਲਈ ਹੈ। ਸੀਰੀਜ਼ ਦਾ ਦੂਜਾ ਮੈਚ 28 ਮਾਰਚ ਨੂੰ ਕ੍ਰਾਈਸਟਚਰਚ ‘ਚ ਖੇਡਿਆ ਜਾਵੇਗਾ। ਸ਼ਿਪਲੇ ਨੂੰ ਪਲੇਅਰ ਆਫ ਦਾ ਮੈਚ ਚੁਣਿਆ ਗਿਆ। ਸ਼੍ਰੀਲੰਕਾ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਨਿਊਜ਼ੀਲੈਂਡ ਟੀਮ ਲਈ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਫਿਨ ਐਲਨ ਨੇ 51, ਡੈਬਿਊ ਕਰਨ ਵਾਲੇ ਰਚਿਨ ਰਵਿੰਦਰਾ ਨੇ 49 ਅਤੇ ਡੇਰਿਲ ਮਿਸ਼ੇਲ ਨੇ 47 ਦੌੜਾਂ ਬਣਾਈਆਂ। ਸ਼੍ਰੀਲੰਕਾ ਲਈ ਚਮਿਕਾ ਕਰੁਣਾਰਤਨੇ ਨੇ ਕੁੱਲ 4 ਵਿਕਟਾਂ ਲਈਆਂ, ਜਦਕਿ ਕਾਸੁਨ ਰਜਿਥਾ-ਲਾਹਿਰੂ ਕੁਮਾਰਾ ਨੂੰ 2-2 ਅਤੇ ਦਿਲਸ਼ਾਨ ਅਤੇ ਸ਼ਨਾਕਾ ਨੂੰ ਇਕ-ਇਕ ਸਫਲਤਾ ਮਿਲੀ।275 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਸ਼੍ਰੀਲੰਕਾ ਦੀ ਟੀਮ ਦੀ ਸ਼ੁਰੂਆਤ ਖਰਾਬ ਰਹੀ। ਸ੍ਰੀਲੰਕਾ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ ਸਿਰਫ਼ 14 ਦੌੜਾਂ ਦੇ ਸਕੋਰ ‘ਤੇ ਪੈਵੇਲੀਅਨ ਪਰਤ ਗਏ। ਇਸ ਤੋਂ ਬਾਅਦ ਕੁਸਲ ਮੈਂਡਿਸ ਬਿਨਾਂ ਖਾਤਾ ਖੋਲ੍ਹੇ ਆਊਟ ਹੋ ਗਏ। ਟੀਮ ਲਈ ਐਂਜੇਲੋ ਮੈਥਿਊਜ਼ ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ। ਉਸ ਨੇ 25 ਗੇਂਦਾਂ ‘ਤੇ 18 ਦੌੜਾਂ ਬਣਾਈਆਂ, ਜਿਸ ‘ਚ 3 ਚੌਕੇ ਸ਼ਾਮਲ ਸਨ। ਇਸ ਦੇ ਨਾਲ ਹੀ ਨਿਊਜ਼ੀਲੈਂਡ ਲਈ ਹੈਨਰੀ ਸ਼ਿਪਲੇ ਨੇ 5 ਵਿਕਟਾਂ ਲਈਆਂ, ਡੇਰਿਲ ਮਿਸ਼ੇਲ ਅਤੇ ਬਲੇਅਰ ਟਿਕਨਰ ਨੂੰ 2-2 ਸਫਲਤਾ ਮਿਲੀ।
Post Disclaimer
Opinion/facts in this article are author\'s own and punjabi.newsd5.in does not assume any responsibility or liability for the same.If You Have Problem With This Article Plz Contact Our Team At Contact Us Page.
